ກະຊວງ ຜທ ສຳມະນາວຽກງານສະກັດກັ້ນ ຕ້ານການສໍ້ລາດບັງຫຼວງ


...

10.05.2018 9:26     

   ການສຳມະນາແລກປ່ຽນ ບົດຮຽນວຽກງານສະກັດກັ້ນ, ຕ້ານການສໍ້ລາດບັງຫຼວງ ແລະ ຄຳຮ້ອງຄຳສະເໜີຂອງກະ ຊວງແຜນການ ແລະ ການລົງ ທຶນ (ຜທ) ໄດ້ຈັດຂຶ້ນແຕ່ວັນທີ 8-9 ພຶດສະພາ ນີ້ ທີ່ກະຊວງ ຜທ ໂດຍການເປັນປະທານ ຂອງທ່ານ ຄຳລຽນ ພົນເສນາ ປະທານ ຄະນະກວດກາພັກ ຮອງລັດຖະມົນຕີກະຊວງແຜນ ການ ແລະ ການລົງທຶນ, ມີພາກ ສ່ວນກ່ຽວຂ້ອງເຂົ້າຮ່ວມ. ໃນພິທີ, ທ່ານ ຄຳລຽນ ພົນເສນາ ໄດ້ກ່າວເປີດກອງ ປະຊຸມວ່າ: ພັກ - ລັດ ຍາມໃດ ກໍຖືເອົາການຕ້ານການສໍ້ລາດ ບັງຫຼວງ ເປັນໜ້າທີ່ສຳຄັນ, ຮີບດ່ວນ ແລະ ຍາວນານຕະຫຼອດໄລຍະ ແຫ່ງການພັດທະນາເສດຖະ ກິດ-ສັງຄົມ ແລະ ການກໍ່ສ້າງ ລັດປົກຄອງດ້ວຍກົດໝາຍ, ການຕ້ານການສໍ້ລາດບັງຫຼວງ ເປັນບັນຫາລວມຂອງສາກົນ ແລະ ພາກພື້ນ ທັງເປັນປັດໄຈ ສຳຄັນ ເພື່ອເຮັດໃຫ້ສັງຄົມມີ ຄວາມສະຫງົບ, ຄວາມເປັນ ລະບຽບຮຽບຮ້ອຍ ແລະ ມີ ຄວາມຍຸຕິທຳ, ປະຊາຊົນມີ ຄວາມເຊື່ອໝັ້ນຕໍ່ພັກ - ລັດ ແລະ ຕໍ່ລະບອບປະຊາທິປະໄຕ ປະຊາຊົນ ການຕ້ານການສໍ້ ລາດບັງຫຼວງແມ່ນຄວາມຮັບ ຜິດຊອບຂອງການຈັດຕັ້ງທຸກ ຂັ້ນ ໃນລະບົບການເມືອງ, ການ ຈັດຕັ້ງສັງຄົມ, ການຈັດຕັ້ງຂອງ ບັນດາວິສາຫະກິດ, ຜູ້ປະກອບ ການ ແລະ ພົນລະເມືອງພາຍ ໃຕ້ການນຳພາຂອງພັກ, ເປັນ ຄວາມຮັບຜິດຊອບ ໂດຍກົງ ຂອງການນຳທຸກຂັ້ນ ໂດຍສະ ເພາະແມ່ນຜູ້ເປັນຫົວໜ້າແຕ່ ລະບ່ອນເປັນເຈົ້າການສະກັດ ກັ້ນເດັດຂາດໃນການແກ້ໄຂ ແລະ ແກ້ໄຂຢ່າງທັນການ ໃນ ນັ້ນ ຖືເອົາການສະກັດກັ້ນແຕ່ ຫົວທີເປັນຕົ້ນຕໍເປັນບັນຫາທີ່ ຕ້ອງປະຕິບັດຢ່າງເຂັ້ມງວດ, ຕິດພັນກັບການປະຕິບັດນະ ໂຍບາຍການປະຢັດ ແລະ ຕ້ານ ການຟຸມເຟືອຍ. ສະຫາຍ ຄຳລຽນ ພົນເສນາ ຍັງໄດ້ມີຄຳເຫັນເນັ້ນໜັກໃຫ້ ຍົກສູງຄຸນນະພາບຂອງວຽກ ງານຕ້ານການສໍ້ລາດບັງຫຼວງ ແລະ ຄົ້ນຄວ້າຄຳຮ້ອງ - ຄຳ ສະເໜີໃຫ້ດີກວ່າເກົ່າສາມາດ ຕອບສະໜອງໄດ້ກັບຄວາມ ຮຽກຮ້ອງຕ້ອງການໜ້າທີ່ການ ເມືອງໃນໄລຍະໃໝ່ ແລະ ເປັນ ການກະຕຸກຊຸກຍູ້ການເຄື່ອນ ໄຫວວຽກງານກວດກາພັກ, ກວດກາລັດ, ສະກັດກັ້ນຕ້ານ ການສໍ້ລາດບັງຫຼວງ, ຄົ້ນຄວ້າ ຄຳຮ້ອງ-ຄຳສະເໜີຂອງບັນ ດາກົມ, ຫ້ອງການ, ສະຖາບັນ, ສູນສະຖິຕິແຫ່ງຊາດ ແລະ ສູນ ຝຶກອົບຮົມທີ່ຂຶ້ນກັບຄວາມຮັບ ຜິດຊອບຂອງກະຊວງແຜນ ການ ແລະ ການລົງທຶນ ໃນ ການຈັດຕັ້ງປະຕິບັດໜ້າທີ່ວຽກ ງານຂອງຕົນຕາມແນວທາງ ນະໂຍບາຍຂອງພັກ ແລະ ສອດຄ່ອງກັບກົດໝາຍຂອງ ລັດ ເຮັດໃຫ້ການເຄື່ອນໄຫວ ວຽກງານມີຄວາມໂປ່ງໃສ ແລະ ສາມາດກວດກາໄດ້.