ຄະນະຈັດຕັ້ງສູນກາງພັກ ເຜີຍແຜ່ການຈັດຕັ້ງປະຕິບັດມະຕິ ຄຳສັ່ງຂອງກົມການເມືອງສູນກາງພັກ


...

...

11.05.2018 10:09     

   ຄະນະຈັດຕັ້ງສູນກາງພັກ ໄດ້ຈັດກອງປະຊຸມເຜີຍແຜ່ ແນະນຳການຈັດຕັ້ງປະຕິບັດ ມະຕິ, ຄຳສັ່ງ ຂອງກົມການ ເມືອງສູນກາງພັກ ກ່ຽວກັບວຽກ ງານກໍ່ສ້າງພັກ-ພະນັກງານ ຂຶ້ນໃນຕອນເຊົ້າວັນທີ 10 ພຶດ ສະພານີ້ ທີ່ສູນການຮ່ວມມືສາ ກົນ ແລະ ຝຶກອົບຮົມ ໂດຍ ການເປັນປະທານກ່າວເປີດ ຂອງທ່ານ ຈັນສີ ໂພສີຄຳ ກຳ ມະການກົມການເມືອງສູນກາງ ພັກ ເລຂາທິການສູນກາງພັກ ຫົວໜ້າຄະນະຈັດຕັ້ງສູນກາງ ພັກ ຊຶ່ງມີບັນດາຫົວໜ້າກົມຈັດ ຕັ້ງພະນັກງານ, ກະຊວງ-ອົງ ການຕ່າງໆເຂົ້າຮ່ວມ. ໃນພິທີ, ບັນດາທ່ານຮອງ ຫົວໜ້າຄະນະຈັດຕັ້ງສູນກາງພັກ ໄດ້ຜັດປ່ຽນກັນຂຶ້ນເຜີຍແຜ່ບັນ ດາມະຕິ ແລະ ຄຳສັ່ງຂອງກົມ ການເມືອງສູນກາງພັກ ແລະ ຄຳແນະນຳຕ່າງໆຂອງຄະນະ ຈັດຕັ້ງສູນກາງພັກ ໂດຍຈຸດ ປະສົງຄາດໝາຍ ເພື່ອສືບຕໍ່ ເສີມຂະຫຍາຍມູນເຊື້ອອັນດີ ງາມ ຜົນງານທີ່ໂດດເດັ່ນ ແລະ ດ້ານດີ, ເດັດດ່ຽວປັບປຸງ, ແກ້ ໄຂຈຸດອ່ອນຂໍ້ຄົງຄ້າງ ແລະ ສິ່ງທ້າທາຍທົດສອບທີ່ເປັນອັນ ຕະລາຍຕໍ່ພັກ, ແນໃສ່ເຊີດຊູ ບົດບາດຄວາມສາມາດນຳພາ ຂອງໜ່ວຍພັກ ແລະ ຍົກສູງ ຄວາມເປັນແບບຢ່າງນຳໜ້າ ຂອງຖັນແຖວສະມາຊິກພັກ ຮັບປະກັນໃຫ້ພັກມີຄວາມ ປອດໃສ, ເຂັ້ມແຂງ, ໜັກແໜ້ນ, ຍົກສູງຄຸນນະພາບຂອງໜ່ວຍ ພັກ ແລະ ສະມາຊິກພັກ ໃຫ້ມີ ການຫັນປ່ຽນຢ່າງຕັ້ງໜ້າດ້ວຍ ບາດກ້າວບຸກທະລຸສາມາດ ເປັນແກນນຳທີ່ເຂັ້ມແຂງໃນ ລະບົບການເມືອງຢູ່ຮາກຖານ ເພື່ອຮັບປະກັນເຮັດໃຫ້ການ ນຳພາຂອງພັກ ຕອບສະໜອງ ໄດ້ຄວາມເລັ່ງທວງຂອງການ ພັດທະນາປະເທດຊາດໃນ ເງື່ອນໄຂ ແລະ ສະພາບແວດ ລ້ອມໃໝ່, ພັກມີຄວາມຈຳເປັນ ຕ້ອງກໍ່ສ້າງໜ່ວຍພັກ, ຄະນະ ພັກ ແລະ ສະມາຊິກພັກ ໃຫ້ມີ ຄວາມສາມາດນຳພາຈັດຕັ້ງ ປະຕິບັດໜ້າທີ່ການເມືອງຂອງ ພັກ ແລະ ແຜນພັດທະນາເສດ ຖະກິດ-ສັງຄົມຂອງລັດວາງ ອອກແຕ່ລະໄລຍະໃຫ້ປະກົດ ຜົນເປັນຈິງ. (ຂ່າວ: ພູວຽງຄຳ, ພາບ: ແສງຈັນ)