ລັດຖະບານເຢຍລະມັນຊ່ວຍເຫຼືອລາວ 6,8 ລ້ານເອີໂຣ ພັດທະນາອາຊີວະສຶກສາ


...

11.05.2018 10:09     

   ພິທີເຊັນສັນຍາດັ່ງກ່າວ ໄດ້ຈັດຂຶ້ນໃນວັນທີ 8 ພຶດສະ ພາຜ່ານມາ ທີ່ກະຊວງການ ເງິນ ໂດຍການເຊັນສັນຍາ ລະຫວ່າງ ທ່ານ ລໍເຣນ ແກັດ ສະເນີ ຜູ້ອຳນວຍການທະນາ ຄານພັດທະນາເຢຍລະມັນ (KfW) ປະຈຳ ສປປ ລາວ ກັບ ທ່ານ ນາງ ທິບພະກອນ ຈັນທະວົງສາ ຮອງລັດຖະມົນ ຕີກະຊວງການເງິນ ແລະ ທ່ານ ກອງສີ ແສງມະນີ ຮອງ ລັດຖະມົນຕີກະຊວງສຶກສາ ທິການ ແລະ ກິລາ, ທ່ານ ແຊນ ປີເຕີ ລຸກເຕິນເຮິມ ເອກ ອັກຄະລັດຖະທູດເຢຍລະມັນ ປະຈຳ ສປປ ລາວ, ມີຫົວໜ້າ ຫ້ອງການປະຈຳພາກພື້ນອາຊີ ຕາເວັນອອກ ແລະ ປາຊີຟິກ, ທະນາຄານພັດທະນາເຢຍລະ ມັນ ພ້ອມດ້ວຍຕາງໜ້າຂັ້ນກົມ ກະຊວງສຶກສາທິການ ແລະ ກິລາ ແລະ ກະຊວງການເງິນ ເຂົ້າຮ່ວມ. ການຊ່ວຍເຫຼືອຂອງລັດ ຖະບານເຢຍລະມັນມີຈຳນວນ 6,8 ລ້ານເອີໂຣ ເຂົ້າໃນໂຄງ ການທຶນສະໜັບສະໜູນການ ພັດທະນາອາຊີວະສຶກສາ ແລະ ຝຶກອົບຮົມວິຊາຊີບ ແມ່ນເພື່ອ ພັດທະນາວຽກງານອາຊີວະ ສຶກສາ ໃນ ສປປ ລາວ ໃຫ້ ແທດເໝາະສອດຄ່ອງກັບການ ຂະຫຍາຍຕົວ ແລະ ຄວາມ ຕ້ອງການຂອງຕະຫຼາດແຮງ ງານ ແລະ ຊ່ວຍໃນການປັບ ປຸງ, ປະຕິຮູບລະບົບການສຶກ ສາແຫ່ງຊາດ ແລະ ການຮ່ວມ ມືພາກລັດ ແລະ ເອກະຊົນ ໃນການພັດທະນາວຽກງານອາ ຊີວະສຶກສາໃນ ສປປ ລາວ, ໂຄງການດັ່ງກ່າວຈະໄດ້ປະຕິ ບັດໃນປີ 2018 ຈົນຮອດ 2023. ໃນໂອກາດນີ້, ທ່ານຮອງ ລັດຖະມົນຕີກະຊວງການເງິນ ໄດ້ກ່າວວ່າ: ການທີ່ໂຄງການ ທຶນສະໜັບສະໜູນການພັດ ທະນາອາຊີວະສຶກສາ ແລະ ຝຶກອົບຮົມວິຊາຊີບຈະສຳເລັດ ໄດ້ ກໍຕ້ອງມາຈາກການຮ່ວມ ມືຢ່າງຫ້າວຫັນຈາກບັນດາ ພາກສ່ວນກ່ຽວຂ້ອງ ໂດຍສະ ເພາະພາກສ່ວນຕ່າງໆຂອງກະ ຊວງສຶກສາທິການ ແລະ ກິລາ ກໍຄືກົມອາຊີວະສຶກສາ ແລະ ໂຮງຮຽນວິຊາຊີບ, ກະຊວງ ແຜນການ ແລະ ການລົງທຶນ ກໍເປັນຜູ້ປະກອບສ່ວນຫຼັກໃນ ຄວາມສຳເລັດນີ້ເຊັ່ນກັນ. ພ້ອມ ນີ້ ທ່ານຮອງລັດຖະມົນຕີກະ ຊວງການເງິນ ກໍສະແດງຄວາມ ຂອບໃຈຕໍ່ລັດຖະບານ ສ.ເຢຍ ລະມັນ, ຕາງໜ້າສະຖານທູດ ເຢຍລະມັນ ປະຈຳ ສປປ ລາວ, ທະນາຄານພັດທະນາເຢຍລະ ມັນ. ພ້ອມທັງສະແດງຄວາມ ຍິນດີຕໍ່ກັບບາດກ້າວໃໝ່ຂອງ ການພັດທະນາອາຊີວະສຶກສາ ຢູ່ ສປປ ລາວ ອີກດ້ວຍ. (ຂ່າວ: ກະຊວງການເງິນ)