ລັດຖະມົນຕີ ປທສ ຕ້ອນຮັບທູດອັງກິດ


...

11.05.2018 10:09     

   ທ່ານ ທັນສະໄໝ ກົມມະສິດ ລັດຖະມົນຕີກະຊວງໄປ ສະນີ ໂທລະຄົມມະນາຄົມ ແລະ ການສື່ສານ (ປທສ) ໄດ້ຕ້ອນ ຮັບການເຂົ້າຢ້ຽມຂ່ຳນັບຂອງ ທ່ານ ດີ ຮັກ ອີວານ (D.Hugh Evans) ເອກອັກຄະຣາຊະ ທູດວິສາມັນຜູ້ມີອຳນາດເຕັມ ແຫ່ງ ຣາຊະອານາຈັກອັງກິດ ປະຈຳ ສປປ ລາວ, ໃນວັນທີ 9 ພຶດສະພານີ້ ທີ່ຫ້ອງຮັບແຂກ ກະຊວງ ປທສ. ໃນໂອກາດນີ້ ທ່ານ ທັນ ສະໄໝ ກົມມະສິດ ໄດ້ສະແດງ ຄວາມຍິນດີຕ້ອນຮັບ, ຊົມເຊີຍ ພ້ອມທັງຕີລາຄາສູງຕໍ່ການເຂົ້າ ຢ້ຽມຂ່ຳນັບຂອງທ່ານ ດີ ຮັກ ອີວານ ເພື່ອປຶກສາຫາລືການ ຮ່ວມມືກັນໃນດ້ານການພັດ ທະນາໄອຊີທີ. ພ້ອມນີ້ ສອງ ຝ່າຍຍັງໄດ້ສົນທະນາການ ຮ່ວມມືໃນຫຼາຍດ້ານ ໂດຍສະ ເພາະຂະແໜງການໄປສະນີ ໂທລະຄົມມະນາຄົມ ແລະ ການສື່ສານ ເພື່ອແລກປ່ຽນຄຳ ຄິດຄຳເຫັນຕໍ່ສະພາບການພົ້ນ ເດັ່ນໃນພາກພື້ນ ແລະ ສາກົນ ທີ່ມີຄວາມສົນໃຈຮ່ວມກັນ ເພື່ອເຮັດໃຫ້ສາຍພົວພັນຮ່ວມ ມືນັບມື້ເລິກເຊິ່ງ ແລະ ກວ້າງ ຂວາງຂຶ້ນ. ທ່ານ ດີ ຮັກ ອີວານ ໄດ້ ສະແດງຄວາມຂອບໃຈຕໍ່ທ່ານ ລັດຖະມົນຕີກະຊວງ ປທສ ທີ່ ໃຫ້ການຕ້ອນຮັບຢ່າງອົບອຸ່ນ. (ພາບ-ຂ່າວ: ຫ້ອງການ, ພະແນກປະຊາສຳພັນ)