ທ່ານ ສິນລະວົງ ຄຸດໄພທູນ ຢ້ຽມຢາມ ໂຮງໝໍມິດຕະພາບ


...

14.05.2018 9:08     

   ທ່ານ ສິນລະວົງ ຄຸດໄພ ທູນ ກຳມະການກົມການເມືອງ ສູນກາງພັກ ເຈົ້າຄອງນະຄອນ ຫຼວງວຽງຈັນ; ແລະ ທ່ານ ມີ ຄາອິນ ບາລານັອບ ເອກອັກ ຄະລັດຖະທູດ ແຫ່ງ ສາທາ ລະນະລັດ ສະຫະພັນ ຣັດເຊຍ ປະຈຳລາວ ໄດ້ລົງຢ້ຽມຢາມ ໂຮງໝໍມິດຕະພາບ ເມື່ອວັນ ທີ 11 ພຶດສະພາຜ່ານມາ ໂດຍໃຫ້ການຕ້ອນຮັບຂອງ ທ່ານ ບຸນກອງ ສີຫາວົງ ລັດຖະ ມົນຕີກະຊວງສາທາລະນະ ສຸກ, ຜູ້ອຳນວຍການໂຮງໝໍມິດ ຕະພາບ ພ້ອມດ້ວຍພະນັກ ງານແພດໝໍ ແລະ ອຳນວຍ ການ ບໍລິສັດ VAMED. ຈຸດປະສົງການລົງຢ້ຽມ ຢາມຄັ້ງນີ້ແມ່ນເພື່ອຊີ້ນຳ, ກວດກາເບິ່ງຄວາມພ້ອມຂອງ ໂຄງການປັບປຸງ ແລະ ຂະ ຫຍາຍໂຮງໝໍມິດຕະພາບທັນ ສະໄໝ ຂະໜາດ 308 ຕຽງ ທີ່ນຳໃຊ້ເງິນກູ້ຢືມຈາກປະ ເທດໂອຕຣິດ. ປັດຈຸບັນນີ້ ໃກ້ ຈະສຳເລັດ ແລະ ຈະເປີດທົດ ລອງໃຊ້ໃນເດືອນກໍລະກົດນີ້, ພ້ອມກັບການພິຈາລະນາຈາກ ລັດຖະບານ ກໍຄືນະຄອນຫຼວງ ວຽງຈັນ ໃນການສ້າງເສັ້ນທາງ ໄລຍະ 800 ແມັດ ເຂົ້າຫາໂຮງ ໝໍໃໝ່ດັ່ງກ່າວ. ພ້ອມດຽວກັນນັ້ນ ກໍໄດ້ ກວດກາໂຮງໝໍມິດຕະພາບ ຫຼັງປັດຈຸບັນທີ່ໄດ້ຮັບການຊ່ວຍ ເຫຼືອຈາກອະດີດສະຫະພາບ ໂຊວຽດ ເພື່ອປັບປຸງບູລະນະ ຄືນໃໝ່ ຊຶ່ງປັດຈຸບັນນີ້ ທາງສະ ຖານທູດສາທາລະນະລັດ ສະ ຫະພັນຣັດເຊຍ ກຳລັງສຳຫຼວດ ສຶກສາ ເພື່ອສືບຕໍ່ຊ່ວຍເຫຼືອ. (ຂ່າວ: ສະຫວັນຄຳ)