ຮອງນາຍົກ ຕ້ອນຮັບຜູ້ແທນເສດຖະກິດ- ການຄ້າຈີນ


...

14.05.2018 9:08     

   ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ໄດ້ ຕ້ອນຮັບຄະນະຜູ້ແທນເສດ ຖະກິດ - ການຄ້າຈີນ ນຳໂດຍ ທ່ານ ນາງ ກາວ ຢ້ຽນ ຮອງລັດ ຖະມົນຕີກະຊວງການຄ້າ ແຫ່ງ ສປ ຈີນ ພ້ອມຄະນະເຂົ້າຢ້ຽມ ຂ່ຳນັບ ໃນຕອນແລງວັນທີ 11 ພຶດສະພາ ທີ່ສຳນັກງານນາ ຍົກລັດຖະມົນຕີ. ໃນໂອກາດ ທີ່ຄະນະຜູ້ແທນເດີນທາງຢ້ຽມ ຢາມ ແລະ ເຮັດວຽກຢູ່ ສປປ ລາວ ໃນລະຫວ່າງວັນທີ 10 - 11 ພຶດສະພາ ຜ່ານມາ. ທ່ານຮອງນາຍົກລັດຖະ ມົນຕີ ໄດ້ກ່າວສະແດງຄວາມ ຕ້ອນຮັບ ແລະ ຊົມເຊີຍຕໍ່ການ ມາຢ້ຽມຢາມ ແລະ ເຮັດວຽກຢູ່ ສປປ ລາວ ໃນຄັ້ງນີ້ ຊຶ່ງເປັນ ການ ປະກອບສ່ວນອັນສຳຄັນເຂົ້າ ໃນການເສີມຂະຫຍາຍການ ພົວພັນຮ່ວມມືທີ່ດີ ລະຫວ່າງ ລາວ - ຈີນ ໃຫ້ນັບມື້ແໜ້ນແຟ້ນ ຍິ່ງຂຶ້ນ ພ້ອມສະແດງຄວາມ ຂອບໃຈຕໍ່ລັດຖະບານ ແລະ ປະຊາຊົນຈີນທີ່ໃຫ້ການຊ່ວຍ ເຫຼືອແກ່ ສປປ ລາວ ໃນໄລຍະ ທີ່ຜ່ານມາກໍຄືປັດຈຸບັນຢູ່ໃນ ຫຼາຍຂະແໜງ. ທ່ານ ນາງ ກາວ ຢ້ຽນ ໄດ້ກ່າວສະແດງ ຄວາມຂອບໃຈຕໍ່ທ່ານຮອງນາ ຍົກລັດຖະມົນຕີ ທີ່ໄດ້ໃຫ້ການ ຕ້ອນຮັບອັນອົບອຸ່ນໃນຄັ້ງນີ້ ພ້ອມທັງໄດ້ແຈ້ງໃຫ້ທ່ານຮອງ ນາຍົກໄດ້ຊາບວ່າການເດີນ ທາງຢ້ຽມຢາມລາວຄັ້ງນີ້ແມ່ນ ຕອບສະໜອງຕາມຄຳເຊີນ ຂອງຄະນະກຳມາທິການຮ່ວມ ມື ລາວ -ຈີນ ໂດຍໄດ້ຮ່ວມຈັດ ກອງປະຊຸມ ຄັ້ງທີ 9 ພ້ອມທັງ ສະຫຼຸຸບການຈັດຕັ້ງປະຕິບັດ ໝາກຜົນຂອງການຮ່ວມມື ສອງຝ່າຍ ດ້ານເສດຖະກິດ - ການຄ້າ ໃນປີຜ່ານມາ ໂດຍສະ ເພາະໝາກຜົນຂອງການຢ້ຽມ ຢາມຂອງຜູ້ນຳຂັ້ນສູງສອງປະ ເທດທີ່ໄດ້ຕົກລົງກັນຫຼາຍບັນ ຫາ. ກອງປະຊຸມຂອງຄະນະ ກຳມາທິການຮ່ວມມື ລາວ - ຈີນ ຄັ້ງທີ 9 ນີ້ ຝ່າຍຈີນ ຍິນດີ ສືບຕໍ່ສະໜັບສະໜູນຊ່ວຍເຫຼືອ ຝ່າຍລາວ ໃນດ້ານຕ່າງໆ. ປະ ກອບສ່ວນເຂົ້າໃນການພັດທະ ນາເສດຖະກິດ - ສັງຄົມຂອງ ສປປ ລາວ. (ຂ່າວ: ພູວຽງຄຳ, ພາບ: ນ.ແສງຈັນ)