ກະຊວງ ຮສສ ມອບບັດສະມາຊິກພັກ ຄັ້ງທີ IV


...

14.05.2018 9:09     

   ຄະນະພັກກະຊວງແຮງ ງານ ແລະ ສະຫວັດດີການສັງ ຄົມ (ຮສສ) ໄດ້ຈັດພິທີມອບ- ຮັບບັດສະມາຊິກພັກສົມບູນ ຂຶ້ນໃນວັນທີ 10 ພຶດສະພາ ທີ່ ກະຊວງດັ່ງກ່າວ ໂດຍການເຂົ້າ ຮ່ວມຂອງສະຫາຍ ຄຳແພງ ໄຊສົມແພງ ກຳມະການສູນ ກາງພັກ ເລຂາຄະນະພັກ ລັດ ຖະມົນຕີກະຊວງ ຮສສ, ມີບັນ ດາຫົວໜ້າກົມ, ຮອງກົມ, ສະ ຖາບັນ, ສູນ ແລະ ພາກສ່ວນ ກ່ຽວຂ້ອງເຂົ້າຮ່ວມ. ການມອບບັດໃນຄັ້ງນີ້ ມີ ສະມາຊິກພັກສົມບູນທີ່ໄດ້ຮັບ ມີຈຳນວນ 97 ສະຫາຍ ໂດຍ ມີຈຸດປະສົງຄາດໝາຍເພື່ອໃຫ້ ສະມາຊິກພັກສົມບູນທີ່ດີເດັ່ນ ມີຄວາມຈົງຮັກພັກດີຕະຫຼອດ ມາ, ມີມາດຖານຖືກຕ້ອງໄດ້ ຮັບບັດສະມາຊິກພັກປະຈຳ ຕົວແຕ່ລະຄົນ ແນໃສ່ເຮັດໃຫ້ ສະມາຊິກພັກແຕ່ລະສະຫາຍ ຕັ້ງໜ້າແຂ່ງຂັນຝຶກຝົນຫຼໍ່ຫຼອມ ຕົນເອງໃຫ້ໄດ້ມາດຖານທີ່ໄດ້ ກຳນົດໄວ້ ຮັບປະກັນເຮັດໃຫ້ ພາຍໃນພັກມີຄວາມປອດໃສ, ເຂັ້ມແຂງ ແລະ ໜັກແໜ້ນ, ເພື່ອຄຸ້ມຄອງສະມາຊິກພັກ ທັງດ້ານຈຳນວນ ແລະ ຄຸນນະ ພາບໃຫ້ເປັນເອກະພາບໃນ ທົ່ວພັກ ເຮັດໃຫ້ຄະນະພັກຂັ້ນ ຕ່າງໆ ສາມາດຕິດຕາມກວດ ກາສະມາຊິກພັກໄດ້ງ່າຍ, ຄຸ້ມ ຄອງການຈັດຕັ້ງພັກ ແລະ ປ້ອງກັນພັກດີຂຶ້ນຕື່ມ, ສະກັດ ກັ້ນບໍ່ໃຫ້ກຸ່ມຄົນບໍ່ດີສວຍໂອ ກາດປອມແປງ, ເລັດລອດເຂົ້າ ໃນຖັນແຖວສະມາຊິກພັກ ແລະ ອົງການນຳຂອງພັກແຕ່ ລະຂັ້ນ, ເພື່ອຍົກສູງບົດບາດ ແລະ ຄວາມສາມາດນຳພາ ຂອງພັກ ປັບປຸງທັດສະນະຫຼັກ ໝັ້ນ, ອຸດົມການແນວຄິດ ແລະ ການກະທຳຂອງສະມາຊິກພັກ ໃຫ້ມີຄວາມໜັກແໜ້ນ. ໃນໂອກາດດັ່ງກ່າວ, ສະ ຫາຍເລຂາຄະນະພັກ ລັດຖະ ມົນຕີ ກໍໄດ້ເປັນກຽດມອບບັດ ສະມາຊິກພັກໃຫ້ແຕ່ລະສະ ຫາຍອີກດ້ວຍ.