ທູດອີຢູ ຈັດງານລ້ຽງສະຫຼອງ ວັນສ້າງຕັ້ງເອີຣົບ


...

14.05.2018 9:10     

   ສຳນັກງານຜູ້ຕາງໜ້າສະ ຫະພາບເອີຣົບ ຫຼື ອີຢູ ປະຈຳ ລາວ ໄດ້ຈັດງານລ້ຽງສະເຫຼີມສະ ຫຼອງວັນສ້າງຕັ້ງສະຫະພາບ ເອີຣົບ (9 ພຶດສະພາ) ຂຶ້ນໃນ ວັນທີ 10 ພຶດສະພາ ທີ່ໂຮງ ແຮມເສດຖາປາລັດ, ນະຄອນ ຫຼວງວຽງຈັນ ໂດຍມີທ່ານ ຄຳ ໝັ້ນ ສູນວິເລີດ ລັດຖະມົນຕີ ກະຊວງພາຍໃນ, ທ່ານ ແສງ ເພັດ ຮຸ່ງບຸນຍວງ ຮອງລັດຖະ ມົນຕີກະຊວງການຕ່າງປະ ເທດ ພ້ອມດ້ວຍບັນດາທ່ານ ແຂກຖືກເຊີນເຂົ້າຮ່ວມ. ທ່ານ ລີໂອ ຟາເບີ ເອກ ອັກຄະລັດຖະທູດສະຫະພາບ ເອີຣົບ ປະຈຳ ສປປ ລາວ ກ່າວ ວ່າ: ຕະຫຼອດໄລຍະທີ່ຜ່ານມາ ການພົວພັນລະຫວ່າງ ສປປ ລາວ - ສະຫະພາບເອີຣົບນັບ ມື້ນັບພັດທະນາຂຶ້ນ; ເຖິງວ່າ ພວກເຮົາຈະແນໃສ່ການຮ່ວມ ມື ເພື່ອການພັດທະນາ ແລະ ການຕໍ່ສູ້ກັບຄວາມທຸກຍາກ ເປັນຫຼັກ. ພວກເຮົາກໍສາມາດ ເບິ່ງໄປໄກກ່ວານັ້ນ ແລະ ໄດ້ ມີການຮ່ວມມືກັນໃນຫຼາຍຂະ ແໜງການ ແລະ ຢືນຢັນວ່າສະ ຫະພາບເອີຣົບຈະສືບຕໍ່ຮ່ວມ ມືກັບ ສປປ ລາວ ເພື່ອການ ພັດທະນາຕໍ່ໄປ. ທ່ານຍັງໄດ້ກ່າວຕື່ມວ່າ: ພວກເຮົາດີໃຈເປັນພິເສດຕໍ່ ການປຶກສາຫາລືຢ່າງກົງໄປກົງ ມາ ໃນວຽກງານສິດທິມະນຸດທີ່ ໄດ້ຈັດຂຶ້ນທຸກໆປີ ຊຶ່ງໄດ້ຊ່ວຍ ໃຫ້ເຮົາເຂົ້າໃຈຊຶ່ງກັນ ແລະ ກັນ ຫຼາຍຂຶ້ນ ແລະ ກໍຫວັງຢ່າງຍິ່ງ ວ່າຈະໄດ້ຈັດກິດຈະກຳຮ່ວມກັນ ເພື່ອສະເຫຼີມສະຫຼອງຄົບຮອບ 70 ປີ ຂອງຖະແຫຼງການສາກົນ ວ່າດ້ວຍສິດທິມະນຸດ ໃນທ້າຍ ປີນີ້. (ຂ່າວ: ນ. ແສງຈັນ)