ຈັດກິດຈະກຳຂີ່ລົດຖີບອາຊຽນ ໜຶ່ງດຽວ ເພື່ອສັນຕິພາບ


...

14.05.2018 9:11     

   ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ຮ່ວມກັບສະມາຄົມຂີ່ ລົດຖີບ ອາຊຽນ ໜຶ່ງດຽວ ແລະ ສະຫະພັນລົດຖີບ ນະຄອນ ຫຼວງວຽງຈັນ ໄດ້ຈັດກິດຈະກຳ ຂີ່ລົດຖີບ ອາຊຽນ (1 ASEAN Peace World Cycling Tour in Lao PDR) ຂຶ້ນເມື່ອວັນທີ 13 ພຶດສະພາ ທີ່ເດີ່ນພະທາດຫຼວງ ນະຄອນ ຫຼວງວຽງຈັນ ໂດຍເປັນກຽດ ເຂົ້າຮ່ວມປ່ອຍຂະບວນຂອງ ທ່ານ ບົວເງິນ ຊາພູວົງ ຮອງລັດ ຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ, ທ່ານ ດາ ຕຸ ຊີ ເທ ວາ ປະທານ ສະມາຄົມລົດຖີບ ອາຊຽນ ໜຶ່ງ ດຽວ ພ້ອມດ້ວຍນັກກິລາລົດ ຖີບຂອງລາວ ແລະ ຈາກປະ ເທດສະມາຊິກອາຊຽນເຂົ້າ ຮ່ວມຢ່າງຫຼວງຫຼາຍ. ທ່ານ ບົວເງິນ ຊາພູວົງ ກ່າວວ່າ: ບັນດາປະເທດອາ ຊຽນ ໄດ້ກາຍເປັນຕະຫຼາດເສດ ຖະກິດທີ່ໃຫຍ່ທີ່ສຸດ ເປັນອັນ ດັບທີ 7 ຂອງໂລກ ແລະ ຄາດ ຄະເນວ່າຈະກາຍເປັນອັນດັບ ທີ 4 ຂອງໂລກ ໃນປີ 2030. ອຸດສາຫະກຳການທ່ອງທ່ຽວ ເປັນແຫຼ່ງລາຍຮັບອັນສຳຄັນ ຂອງບັນດາປະເທດສະມາຊິກ ອາຊຽນ ໃນຊຸມປີຜ່ານມາ ການ ທ່ອງທ່ຽວຢູ່ ສປປ ລາວ ໄດ້ມີ ການເຕີບໃຫຍ່ຂະຫຍາຍຕົວ ສູງ ລວມທັງໂຕເລກນັກທ່ອງ ທ່ຽວເຂົ້າມາທ່ອງທ່ຽວຢູ່ ສປປ ລາວ, ດ້ວຍເຫດນີ້, ລັດຖະ ບານ ສປປ ລາວ ຈຶ່ງໄດ້ກຳ ນົດເອົາປີ 2018 ເປັນປີທ່ອງ ທ່ຽວລາວ ເພື່ອເປັນການໂຄສະ ນາການທ່ອງທ່ຽວ ແລະ ດຶງດູດ ນັກທ່ອງທ່ຽວໃຫ້ເຂົ້າມາທ່ຽວ ຊົມທຳມະຊາດອັນສວຍສົດ ງົດງາມ ແລະ ຮີດຄອງປະເພນີ ຂອງຊົນເຜົ່າຕ່າງໆໃນຂອບເຂດ ທົ່ວປະເທດໃຫ້ນັບມື້ຫຼາຍຂຶ້ນ. ທ່ານ ດາ ຕຸ ຊີ ເທວາ ກ່າວວ່າ: ຈຸດປະສົງຂອງການ ຈັດກິດຈະກຳຄັ້ງນີ້ແມ່ນເພື່ອ ເປັນການເສີມສ້າງສາຍພົວ ພັນມິດຕະພາບ ລະຫວ່າງບັນ ດານັກຂີ່ລົດຖີບປະເທດສະມາ ຊິກອາຊຽນດ້ວຍກັນ ເພື່ອເປັນ ການນຳສະເໜີບັນດາປະເທດ ສະມາຊິກອາຊຽນໃຫ້ກາຍ ເປັນຈຸດໝາຍປາຍທາງການ ທ່ອງທ່ຽວດ້ວຍກິລາຂີ່ລົດຖີບ ເພື່ອເປັນການສົ່ງເສີມການຂີ່ ລົດຖີບໃຫ້ກາຍເປັນກິດຈະກຳ ເພື່ອສຸຂະພາບ, ເພື່ອຮັກສາສິ່ງ ແວດລ້ອມ ແລະ ທັງເປັນການ ພັດທະນາກິດຈະກຳຂີ່ລົດຖີບ ໃນບັນດາປະເທດສະມາຊິກ ອາຊຽນອີກດ້ວຍ. ທ່ານໄດ້ກ່າວ ອີກວ່າ: ພວກເຮົາມາເຕົ້າໂຮມ ກັນເຂົ້າຮ່ວມກິດຈະກຳຄັ້ງນີ້ ຍັງໄດ້ສະແດງໃຫ້ໂລກເຫັນ ໄດ້ວ່າພວກເຮົາມີຄວາມສາ ມັກຄີກົມກຽວກັນ ປຽບເໝືອນ ອ້າຍນ້ອງຄອບຄົວດຽວກັນ, ພວກເຮົາແມ່ນຄອບຄົວອາ ຊຽນ, ພວກເຮົາແມ່ນສະມາ ຊິກເສດຖະກິດອາຊຽນ ແລະ ພວກເຮົາແມ່ນບ້ານອາຊຽນ. ຈຸດເລີ່ມຕົ້ນປ່ອຍຂະບວນ ແມ່ນເດີ່ນພະທາດຫຼວງ - ຖະ ໜົນ ໄກສອນ ພົມວິຫານ - ຖະໜົນລ້ານຊ້າງ - ຖະໜົນ ສາມແສນໄທ - ຖະໜົມ 23 ສິງຫາ ແລະ ໂຄ້ງກັບຄືນມາ ເຂົ້າເສັ້ນໄຊທີ່ພະທາດຫຼວງ. (ຂ່າວ: ຕຸໄລເພັດ)