ຜູ້ນຳພັກ-ລັດ ຕ້ອນຮັບການເຂົ້າຢ້ຽມຂໍ່ານັບຂອງຄະນະຜູ້ແທນ ສປ ຈີນ


...

...

15.05.2018 9:41     

   ທ່ານ ບຸນຍັງ ວໍລະຈິດ ປະທານປະເທດ ແຫ່ງ ສປປ ລາວ ໄດ້ຕ້ອນຮັບການເຂົ້າຢ້ຽມຂ່ຳນັບຂອງທ່ານ ຈ້າວເຄີຈື້ ທີ່ປຶກສາແຫ່ງລັດ ລັດຖະມົນຕີກະຊວງປ້ອງກັນ ຄວາມສະຫງົບ ແຫ່ງ ສປ ຈີນ ພ້ອມດ້ວຍຄະນະ ທີ່ໄດ້ເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ໃນວັນທີ 14 ພຶດສະພານີ້ ທີ່ທຳນຽບປະທານປະເທດ. ໃນໂອກາດນີ້, ທ່ານປະທານປະເທດ ກໍໄດ້ສະແດງຄວາມຕ້ອນຮັບຊົມເຊີຍຕໍ່ຄະນະຜູ້ແທນດັ່ງກ່າວ ຊຶ່ງເປັນຂີດໝາຍສຳຄັນຕໍ່ສາຍພົວພັນຂອງສອງປະເທດເວົ້າ ລວມ, ເວົ້າສະເພາະແມ່ນການພົວພັນຮ່ວມມືລະຫວ່າງສອງກະຊວງຄື: ກະຊວງປ້ອງກັນຄວາມສະຫງົບ ແຫ່ງ ສປປ ລາວ ແລະ ກະຊວງປ້ອງກັນຄວາມສະຫງົບ ແຫ່ງ ສປ ຈີນ ໃຫ້ນັບມື້ແໜ້ນແຟ້ນຍິ່ງໆຂຶ້ນ. ຈຸດປະສົງຂອງການມາຢ້ຽມຢາມລາວຄັ້ງນີ້ ເພື່ອເຂົ້າຮ່ວມກອງປະຊຸມສອງຝ່າຍ ລະຫວ່າງກະຊວງປ້ອງກັນຄວາມສະຫງົບ ສປປ ລາວ - ກະຊວງປ້ອງກັນຄວາມ ສະຫງົບ ສປ ຈີນ. ຈາກນັ້ນ ທ່ານລັດຖະມົນຕີກະຊວງປ້ອງກັນຄວາມສະຫງົບ ແຫ່ງ ສປ ຈີນ ໄດ້ຕາງໜ້າໃຫ້ກັບຄະນະ ສະແດງຄວາມຂອບໃຈຕໍ່ທ່ານ ປະທານປະເທດ ທີ່ໃຫ້ການຕ້ອນຮັບອັນອົບອຸ່ນ. ໃນວັນດຽວກັນ ທີ່ສຳນັກ ງານນາຍົກລັດຖະມົນຕີ, ທ່ານ ທອງລຸນ ສີສຸລິດ ນາຍົກລັດ ຖະມົນຕີ ແຫ່ງ ສປປ ລາວ ກໍໄດ້ຕ້ອນຮັບຄະນະຜູ້ແທນດັ່ງ ກ່າວເຊັ່ນດຽວກັນ. ຄະນະຜູ້ແທນ ສປ ຈີນ ເຄື່ອນໄຫວເຮັດວຽກຢູ່ ສປປ ລາວ ແຕ່ວັນທີ 12-16 ພຶດສະ ພາ 2018. (ຂ່າວ: ແສງຈັນ)