ສນຊ ຝຶກອົບຮົມທິດສະດີການເມືອງ - ການປົກຄອງ


...

15.05.2018 9:42     

   ຊຸດຝຶກອົບຮົມທິດສະດີ ການເມືອງ-ການປົກຄອງໄລ ຍະສັ້ນ ໄດ້ເປີດຂຶ້ນໃນວັນທີ 14 ພຶດສະພາ ທີ່ສູນກາງແນວ ລາວສ້າງຊາດ (ສນຊ) ໂດຍ ເປັນປະທານຂອງ ສະຫາຍ ໄຊສົມພອນ ພົມວິຫານ ກຳ ມະການກົມການເມືອງສູນ ກາງພັກ ເລຂາຄະນະພັກ ປະ ທານ ສນຊ, ມີສະຫາຍ ສະໝຸດ ທອງ ສົມພານິດ ຄະນະພັກ ຮອງຫົວໜ້າສະຖາບັນການ ເມືອງ-ການປົກຄອງແຫ່ງຊາດ ແລະ ພາກສ່ວນກ່ຽວຂ້ອງເຂົ້າ ຮ່ວມ. ໃນໂອກາດນີ້, ສະຫາຍ ເລຂາຄະນະພັກ ສນຊ ໄດ້ໃຫ້ ກຽດໂອ້ລົມຕໍ່ກອງປະຊຸມວ່າ: ໃຫ້ບັນດາສະຫາຍສະມາຊິກ ພັກ ທີ່ເຂົ້າຮ່ວມຝຶກອົບຮົມໃນ ຄັ້ງນີ້ ຈົ່ງຍົກສູງຄວາມຮັບຜິດ ຊອບ ແລະ ເປັນເຈົ້າການຄົ້ນ ຄວ້າທິດສະດີການເມືອງ-ການ ປົກຄອງ ພ້ອມກັນຕັ້ງໜ້າຮັບ ເອົາບົດຮຽນ ແລະ ແລກປ່ຽນ ບົດຮຽນນຳກັນ ເພື່ອກຳແໜ້ນ ເນື້ອໃນຈິດໃຈຂອງກອງປະ ຊຸມຝຶກອົບຮົມທິດສະດີການ ເມືອງ-ການປົກຄອງ ແລະ ນຳ ໄປໝູນໃຊ້ໃຫ້ແທດເໝາະກັບ ວຽກງານຕົວຈິງທີ່ຕົນເອງຮັບ ຜິດຊອບໃນການປະຕິບັດພາ ລະບົດບາດຂອງວຽກງານແນວ ລາວສ້າງຊາດ. ຊຸດຝຶກອົບຮົມຄັ້ງນີ້ ຈະ ໄດ້ດຳເນີນໄປເປັນເວລາ 45 ວັນ ແຕ່ວັນທີ 14 ພຶດສະພາ- 13 ກໍລະກົດ 2018 ຊຶ່ງຈະໄດ້ ຄົ້ນຄວ້າຮ່ຳຮຽນ 5 ພາກວິຊາ ຄື: ພາກວິຊາປັດສະຍາມີ 8 ບົດ, ພາກວິຊາເສດຖະສາດ ການເມືອງມີ 10 ບົດ, ພາກວິ ຊາລັດທິສັງຄົມນິຍົມມີ 4 ບົດ, ພາກວິຊາບໍລິຫານສາດມີ 8 ບົດ, ວິຊາກໍ່ສ້າງພັກມີ 5 ບົດ ລວມທັງໝົດ 39 ບົດ; ແຕ່ລະ ວິຊາຈະໄດ້ມີການສົມທຽບກັບ ແນວທາງນະໂຍບາຍຂອງພັກ ປະກອບເຂົ້ານຳທິດສະດີການ ເມືອງ-ການປົກຄອງ, ຈະໄດ້ ມີການສຳມະນາ, ແກ້ໄຂຂໍ້ຂ້ອງ ໃຈ, ປະກອບຄຳຄິດຄຳເຫັນ ເພື່ອແລກປ່ຽນບົດຮຽນຊຶ່ງກັນ ແລະ ກັນ. ຈຸດປະສົງຂອງຊຸດອົບຮົມ ຄັ້ງນີ້ ເພື່ອຍົກລະດັບທາງດ້ານ ທິດສະດີການເມືອງ, ຫຼັກໝັ້ນ, ທັດສະນະຊົນຊັ້ນກຳມະກອນ, ຮູ້ຈຳແນກມິດ-ສັດຕູ, ເຊື່ອໝັ້ນ ຕໍ່ການນຳພາຂອງພັກ ກໍຄືຈຸດ ໝາຍການປະຕິວັດຂອງປະເທດ ເຮົາ, ເພື່ອຝຶກຝົນຫຼໍ່ຫຼອມຄຸນ ສົມບັດ, ຄຸນທາດການເມືອງ, ສ້າງແບບແຜນການດຳລົງຊີ ວິດ ທີ່ປອດໃສຂາວສະອາດ, ຮັບໃຊ້ປະຊາຊົນ ແລະ ປະຕິ ບັດສອງໜ້າທີ່ຍຸດທະສາດໃຫ້ ສຳເລັດ, ເພື່ອເຮັດໃຫ້ສະມາ ຊິກພັກເຊື່ອມຊຶມ ແລະ ກຳ ແໜ້ນແນວທາງ, ແຜນນະໂຍ ບາຍຂອງພັກ ເປັນຕົ້ນແມ່ນ ແນວທາງປ່ຽນແປງໃໝ່ຮອບ ດ້ານຢ່າງມີຫຼັກການຂອງພັກ. ພ້ອມກັນນັ້ນ ກໍຍັງເປັນການ ສ້າງຄວາມເປັນເອກະພາບກັບ ແນວທາງນະໂຍບາຍຂອງພັກ ເພື່ອນຳໄປຜັນຂະຫຍາຍ ແລະ ຈັດຕັ້ງປະຕິບັດໃນຂົງເຂດວຽກ ງານຕົວຈິງໃຫ້ເກີດດອກອອກ ຜົນ. (ຂ່າວ: ສນຊ)