ກະຊວງປ້ອງກັນຄວາມສະຫງົບລາວ-ຈີນ ສືບຕໍ່ຮ່ວມມື


...

15.05.2018 9:42     

   ກອງປະຊຸມສອງຝ່າຍລະ ຫວ່າງກະຊວງປ້ອງກັນຄວາມ ສະຫງົບ ແຫ່ງ ສປປ ລາວ ແລະ ກະຊວງປ້ອງກັນຄວາມສະ ຫງົບ ແຫ່ງ ສປ ຈີນ ໄດ້ຈັດຂຶ້ນ ໃນວັນທີ 14 ພຶດສະພານີ້ ທີ່ ກະຊວງປ້ອງກັນຄວາມສະ ຫງົບ ສປປ ລາວ ໂດຍການເປັນ ປະທານຮ່ວມຝ່າຍລາວນຳ ໂດຍ ທ່ານ ພົນຕີ ສົມແກ້ວ ສີລາວົງ ເລຂາທິການສູນກາງ ພັກ ລັດຖະມົນຕີກະຊວງປ້ອງ ກັນຄວາມສະຫງົບ, ຝ່າຍຈີນນຳ ໂດຍທ່ານ ຈ້າວ ເຄີຈື້ ທີ່ປຶກສາ ແຫ່ງລັດ ທັງເປັນລັດຖະມົນຕີ ກະຊວງປ້ອງກັນຄວາມສະຫງົບ ສປ ຈີນ ພ້ອມດ້ວຍຄະນະຜູ້ ແທນທັງສອງຝ່າຍເຂົ້າຮ່ວມ. ກອງປະຊຸມຄັ້ງນີ້ ໄດ້ຕີ ລາຄາສູງຕໍ່ການພົວພັນຮ່ວມມື ລະຫວ່າງສອງກະຊວງດັ່ງກ່າວ ໃນໄລຍະຜ່ານມາ ໂດຍສະ ເພາະແມ່ນການຮ່ວມມື ໃນ ການຕ້ານການກໍ່ການຮ້າຍ, ອາຊະຍາກຳຂ້າມຊາດ, ການ ຄ້າຂາຍຢາເສບຕິດ, ການລັກ ລອບເຂົ້າ - ອອກຊາຍແດນ, ການຄ້າມະນຸດ, ການຮ່ວມມື ໃນການປົກປັກຮັກສາຄວາມ ສະຫງົບ ແລະ ຄວາມເປັນລະ ບຽບຮຽບຮ້ອຍຕາມບໍລິເວນຊາຍ ແດນ, ການອຳນວຍຄວາມສະ ດວກໃຫ້ແກ່ປະຊາຊົນສອງ ຊາດໃນການໄປມາຫາສູ່ກັນ ຢ່າງເປັນປົກກະຕິ, ແນໃສ່ເຮັດ ໃຫ້ຊາຍແດນຂອງສອງປະ ເທດເປັນຊາຍແດນແຫ່ງສັນ ຕິພາບມິດຕະພາບ ແລະ ການ ຮ່ວມມື. ພ້ອມນັ້ນໃນກອງປະ ຊຸມຄະນະຜູ້ແທນທັງສອງຝ່າຍ ຍັງໄດ້ພ້ອມກັນປຶກສາຫາລື ແລກປ່ຽນບົດຮຽນຄວາມຄິດ ເຫັນນຳກັນກ່ຽວກັບທິດທາງ ຮ່ວມມື ໃນຕໍ່ໜ້າຢ່າງກົງໄປກົງ ມາ. ໃນກອງປະຊຸມທັງສອງ ຝ່າຍຍັງໄດ້ເປັນເອກະພາບສືບ ຕໍ່ຮ່ວມມືກັນໃນດ້ານວຽກງານ ຕ່າງໆ ແລະ ໄດ້ຮ່ວມລົງນາມ ເອກະສານຮ່ວມມືກັນທັງໝົດ 5 ສະບັບຄື: ບົດບັນທຶກຄວາມ ເຂົ້າໃຈວ່າດ້ວຍການຮ່ວມ ມືສ້າງຂີດຄວາມສາມາດໃນ ການເພີ່ມທະວີການປະຕິບັດ ກົດໝາຍ, ບົດບັນທຶກຄວາມ ເຂົ້າໃຈວ່າດ້ວຍການຮ່ວມມື ໄລ່ຊອກໄລ່ຈັບຜູ້ຖືກຫາທີ່ເອົາ ໂຕລົບໜີ, ໜັງສືມອບ-ຮັບການ ຊ່ວຍເຫຼືອລະຫວ່າງລັດຖະມົນ ຕີ, ໜັງສືມອບ-ຮັບການຊ່ວຍ ເຫຼືອລະຫວ່າງແຂວງຢຸນ ນານກັບກະຊວງປ້ອງກັນຄວາມ ສະຫງົບ ແລະ ເອກະສານຮ່ວມ ມືລະຫວ່າງປ້ອງກັນຄວາມ ສະຫງົບນະຄອນຫຼວງວຽງຈັນ. ຮ່ວມລົງນາມເຊັນບົດບັນທຶກ ການຮ່ວມມືສອງຝ່າຍໃນຄັ້ງນີ້ ກະຊວງປ້ອງກັນຄວາມສະ ຫງົບແຫ່ງ ສປປ ລາວ ໂດຍ ທ່ານ ພົນຕີ ສົມແກ້ວ ສີລາວົງ, ກະຊວງປ້ອງກັນຄວາມສະ ຫງົບ ແຫ່ງ ສປ ຈີນ ທ່ານ ຈ້າວ ເຄີຈື້, ມີພະນັກງານຂັ້ນສູງທັງ ສອງຝ່າຍເຂົ້າຮ່ວມ. (ຂ່າວ: ພູວັນ)