ຜົນສຳເລັດກອງປະຊຸມຄັ້ງທີ 9 ຄະນະ ກຳມະການຮ່ວມມືລາວ-ຈີນ; ຈີນ-ລາວ


...

15.05.2018 9:43     

   ໂດຍຕອບສະໜອງຕາມ ການເຊື້ອເຊີນຂອງຄະນະກຳ ມະການຮ່ວມມືລາວ-ຈີນ, ທ່ານ ນາງ ກາວຢ້ຽນ ຮອງລັດ ຖະມົນຕີກະຊວງການຄ້າ ແຫ່ງ ສປ ຈີນ ໄດ້ນຳພາຄະນະຜູ້ ແທນເສດຖະກິດ-ການຄ້າ ສປ ຈີນ ເດີນທາງມາຢ້ຽມຢາມ ສປປ ລາວ ໃນລະຫວ່າງວັນທີ 10-12/5/2018. ໄລຍະຢ້ຽມ ຢາມ ສປປ ລາວ, ຄະນະຜູ້ ແທນຝ່າຍຈີນ ໄດ້ພົບປະເຮັດ ວຽກກັບ ທ່ານ ນາງ ເຂັມມະນີ ພົນເສນາ ລັດຖະມົນຕີກະຊວງ ອຸດສາຫະກຳ ແລະ ການຄ້າ ປະທານຄະນະກຳມະການ ຮ່ວມມືລາວ-ຈີນ, ຮ່ວມກັບ ຝ່າຍລາວ ຈັດກອງປະຊຸມ ຄັ້ງ ທີ 9 ຄະນະກຳມະການຮ່ວມມື ເສດຖະກິດ-ການຄ້າ ລາວ-ຈີນ. ກອງປະຊຸມຄັ້ງນີ້, ສອງ ຝ່າຍໄດ້ສະຫຼຸບຕີລາຄາຮອບ ດ້ານກ່ຽວກັບໝາກຜົນການ ຮ່ວມມືດ້ານເສດຖະກິດ- ການຄ້າ. ຝ່າຍຈີນ ຍິນດີຈະ ເພີ່ມປະລິມານການນຳເຂົ້າ ສິນຄ້າຈາກລາວ ທີ່ຕະຫຼາດຈີນ ມີຄວາມຕ້ອງການ. ຝ່າຍລາວ ຍິນດີຈະເຂົ້າຮ່ວມງານວາງ ສະແດງສິນຄ້າ ນຳເຂົ້າສາກົນ ຄັ້ງທຳອິດຂອງ ສປ ຈີນ ຕາມ ການເຊື້ອເຊີນ, ຝ່າຍຈີນກໍຈະ ສະໜັບສະໜູນ ແລະ ອຳນວຍ ຄວາມສະດວກທີ່ຈຳເປັນ ໃນ ການເຂົ້າຮ່ວມງານວາງສະ ແດງສິນຄ້າດັ່ງກ່າວ. ສອງຝ່າຍມີຄວາມຊົມ ຊື່ນຍິນດີທີ່ເຫັນວ່າການລົງທຶນ ຂອງຈີນຢູ່ລາວມີປະລິມານ ເພີ່ມຂຶ້ນຢ່າງຕໍ່ເນື່ອງ. ຈີນ ໄດ້ ກາຍເປັນຜູ້ລົງທຶນຕ່າງປະເທດ ລາຍໃຫຍ່ອັນດັບໜຶ່ງຢູ່ລາວ.ສອງຝ່າຍເຫັນດີຈະສືບຕໍ່ຊຸກ ຍູ້ໂຄງການຮ່ວມມືຂະໜາດ ໃຫຍ່ເຊັ່ນ: ໂຄງການຮ່ວມມື ເສດຖະກິດບໍ່ເຕ່ນ-ບໍ່ຫານ, ໂຄງການພັດທະນາກວມລວມ ໄຊເຊດຖາ, ທາງດ່ວນວຽງຈັນ- ວັງວຽງ, ເຂດພັດທະນາຕົວ ແບບການຮ່ວມມືດ້ານກະສິ ກຳທັນສະໄໝ, ໂຄງການເກືອ ໂປຕັດລາວ ແລະ ອື່ນໆ. ສອງຝ່າຍມີຄວາມຍິນດີ ທີ່ໄດ້ເຫັນວ່າ: ການສະໜັບສະ ໜູນດ້ານທຶນຮອນຂອງຝ່າຍ ຈີນໃຫ້ແກ່ຝ່າຍລາວ ໄດ້ຊຸກຍູ້ ຢ່າງມີປະສິດທິຜົນໃຫ້ແກ່ການ ພັດທະນາເສດຖະກິດ-ສັງຄົມ ຂອງລາວແບບຍືນຍົງ. ໂຄງ ການ ການສຶກສາທາງໄກ, ໂຄງ ການສ້າງຄວາມເຂັ້ມແຂງໃຫ້ ແກ່ຄູ-ອາຈານຢູ່ຊົນນະບົດ, ໂຄງການສ້າງແຜນແມ່ບົດຊັບ ພະຍາກອນທີ່ດິນ ແລະ ຮັກສາ ສິ່ງແວດລ້ອມ, ໂຄງການແສງ ສະຫວ່າງຊົນນະບົດ, ໂຄງການ ໂທລະພາບດີຈີຕອນຊົນນະ ບົດ, ໂຄງການສຸກສາລາຊົນ ນະບົດ, ໂຄງການສະໜອງນ້ຳ ເຂດຊົນນະບົດ ແລະ ໂຄງການ ລະບົບການຄ້າຜະລິດຕະພັນ ກະສິກຳ ໂດຍຜ່ານອິນເຕີເນັດ ລ້ວນແຕ່ມີຄວາມຄືບໜ້າດ້ວຍ ດີ, ໂຄງການຊ່ວຍເຫຼືອໂຮງໝໍ ມະໂຫສົດ, ໂຄງການຊ່ວຍເຫຼືອ ຫ້ອງອາຫານ ຫໍປະຊຸມແຫ່ງ ຊາດລາວ, ໂຄງການຊ່ວຍເຫຼືອ ປັບປຸງລະບົບ ICT ກະຊວງອຸດ ສາຫະກຳ ແລະ ການຄ້າລ້ວນ ແຕ່ຈະໄດ້ເລີ່ມລົງມືຈັດຕັ້ງປະ ຕິບັດພາຍໃນປີນີ້; ເຂື່ອນໄຟ ຟ້າຫ້ວຍປາລາຍທີ່ເປັນໂຄງ ການນຳໃຊ້ເງິນກູ້ພິເສດກໍມີ ຄວາມພ້ອມທີ່ຈະປ່ອຍເງິນກູ້ ແລະ ຈະເລີ່ມລົງມືກໍ່ສ້າງໃນ ໄວໆນີ້. ຝ່າຍຈີນ ຍິນດີທີ່ຈະ ສືບຕໍ່ສະໜັບສະໜູນຊ່ວຍເຫຼືອ ຝ່າຍລາວ ໃນດ້ານຕ່າງໆ ລວມ ທັງການພັດທະນາຊັບພະຍາ ກອນມະນຸດຕາມຄວາມສາ ມາດຂອງຕົນ, ພິຈາລະນາສະ ໜອງເງິນສິນເຊື່ອໃຫ້ແກ່ໂຄງ ການທີ່ຖືກຕາມເງື່ອນໄຂ, ຊຸກ ຍູ້ການພັດທະນາເສດຖະກິດ -ສັງຄົມຂອງລາວ. ຝ່າຍ ລາວ ສະແດງຄວາມຂອບໃຈຕໍ່ການ ຊ່ວຍເຫຼືອ ແລະ ສະໜັບສະ ໜູນອັນລ້ຳຄ່າທີ່ມີມາເປັນເວ ລາຍາວນານຂອງຝ່າຍຈີນ. ສອງຝ່າຍເຫັນດີທີ່ຈະ ເພີ່ມທະວີການປະສານງານ ແລະ ຮ່ວມມືກັນ ໃນຂອບການ ຮ່ວມມືຫຼາຍຝ່າຍເຊັ່ນ: ການ ຮ່ວມມືຂອບແມ່ນ້ຳລ້ານຊ້າງ- ແມ່ນ້ຳຂອງ, ຈີນ-ອາຊຽນ, RCEP ແລະ ອື່ນໆ, ຮ່ວມກັນ ຊຸກຍູ້ການເຈລະຈາ RCEP ໃຫ້ສຳເລັດໂດຍໄວ. ພາຍໃຕ້ການຊີ້ນຳແບບ ຍຸດທະສາດຂອງການນຳສອງ ປະເທດ, ສອງຝ່າຍຍິນດີລົງ ເລິກຊຸກຍູ້ການຮ່ວມມືດ້ານ ເສດຖະກິດ-ການຄ້າຂອງສອງ ຝ່າຍໃນຂອບ "ໜຶ່ງແລວ ໜຶ່ງ ເສັ້ນທາງ", ຮັດແໜ້ນສາຍພົວ ພັນຄູ່ຮ່ວມມືຍຸດທະສາດຮອບ ດ້ານລາວ-ຈີນ ໃຫ້ນັບມື້ເລິກ ເຊິ່ງ. (ຂ່າວ: ພູວຽງຄຳ, ພາບ: ກຳມາທິການຮ່ວມມືລາວ-ຈີນ)