ສນຊ ສຳເລັດການຝຶກອົບຮົມວຽກງານ ແນວລາວສ້າງຊາດ


...

16.05.2018 9:47     

   ສູນກາງແນວລາວສ້າງ ຊາດ (ສນຊ) ໄດ້ສຳເລັດຊຸດ ອົບຮົມວຽກງານແນວລາວສ້າງ ຊາດ ຄັ້ງທີ I ໃຫ້ຄະນະກຳມະ ການສູນກາງແນວລາວສ້າງ ຊາດ ໃນວັນທີ 10 ພຶດສະພາ ຜ່ານມາ, ທີ່ສູນຝຶກອົບຮົມ ສນຊ ໂດຍການເປັນປະທານ ຂອງທ່ານ ນາງ ຄຳຈັນ ພົມ ແສງສະຫວັນ ຮອງປະທານ ສນຊ, ເປັນກຽດເຂົ້າຮ່ວມຂອງ ທ່ານ ຄຳໃບ ດຳລັດ ກຳມະ ການສູນກາງພັກ ຮອງປະທານ ສນຊ, ມີບັນດາທ່ານກຳມະ ການສູນກາງແນວລາວສ້າງ ຊາດມາຈາກ 8 ແຂວງພາກ ເໜືອ, ນະຄອນຫຼວງວຽງຈັນ ແລະ ກຳມະການອ້ອມຂ້າງ ສູນກາງເຂົ້າຮ່ວມ. ໃນໂອກາດນີ້, ທ່ານ ຄຳ ໃບ ດຳລັດ ໄດ້ໃຫ້ກຽດໂອ້ລົມ ຊຶ່ງກ່ອນອື່ນໝົດ ທ່ານໄດ້ສະ ແດງຄວາມຊົມເຊີຍຕໍ່ຜົນສຳ ເລັດຂອງຊຸດຝຶກອົບຮົມຄັ້ງນີ້ ເພື່ອເປັນການຜັນຂະຫຍາຍ 6 ແຜນງານ, ແຜນພັດທະນາ ວຽກງານຂອງແນວລາວສ້າງ ຊາດ ໂດຍສະເພາະແມ່ນແຜນ ງານທີ IV ກ່ຽວກັບການສ້າງ ຄວາມເຂັ້ມແຂງໃຫ້ພະນັກ ງານ ກໍຄືຄະນະກຳມະການສູນ ກາງແນວລາວສ້າງຊາດແຕ່ລະ ຂັ້ນ ແລະ ລົງເລິກຄົ້ນຄວ້າ 8 ເອກະສານທີ່ສຳຄັນຄື: ທັດສະ ນະຂອງພັກ, ນະໂຍບາຍຂອງ ລັດຕໍ່ກັບແນວລາວສ້າງຊາດ; ພາລະບົດບາດ, ສິດ ແລະ ໜ້າ ທີ່ຂອງແນວລາວສ້າງຊາດ; ຄວາມຮູ້ພື້ນຖານກ່ຽວກັບວຽກ ງານຊົນເຜົ່າ-ສາສະໜາ; ວຽກ ງານຊັ້ນຄົນ ແລະ ອົງການຈັດ ຕັ້ງສັງຄົມ; ວຽກງານກວດກາ; ເອກະສານກ່ຽວກັບການສ້າງ ຄອບຄົວ ແລະ ບ້ານສາມັກຄີ ປອງດອງ; ລັດຖະບັນຍັດຂອງ ປະທານປະເທດ ແຫ່ງ ສປປ ລາວ ວ່າດ້ວຍການໃຫ້ອະໄພ ຍະໂທດ; ວຽກງານພົວພັນຄົນ ເຊື້ອຊາດລາວຢູ່ຕ່າງປະເທດ ແລະ ພ້ອມກັນນີ້ ຄະນະກຳມະ ການສູນກາງແນວລາວສ້າງ ຊາດ ຍັງໄດ້ປະກອບຄຳຄິດ- ຄຳເຫັນກ່ຽວກັບວຽກງານແນວ ລາວສ້າງຊາດຢ່າງກົງໄປກົງ ມາ ໂດຍຍົກໃຫ້ເຫັນສະພາບ ແລະ ການເຄື່ອນໄຫວຕົວຈິງຢູ່ ທ້ອງຖິ່ນ ເພື່ອເປັນການແລກ ປ່ຽນບົດຮຽນຊຶ່ງກັນ ແລະ ກັນ. ພ້ອມກັນນີ້ ທ່ານຍັງໄດ້ເນັ້ນ ໜັກໃຫ້ຄະນະກຳມະການສູນ ກາງແນວລາວສ້າງຊາດ ຈົ່ງ ພ້ອມກັນເປັນເຈົ້າການໃນການ ສຶກສາອົບຮົມການເມືອງ-ແນວ ຄິດ, ປຸກລະດົມຂົນຂວາຍໃຫ້ ປະຊາຊົນລາວບັນດາເຜົ່າ, ຊັ້ນ ຄົນ ແລະ ສາສະໜາເຂົ້າຮ່ວມ ຂະບວນການຕ່າງໆຂອງຊາດ ເພື່ອເຮັດໃຫ້ສັງຄົມມີຄວາມ ສາມັກຄີປອງດອງກັນ ແລະ ຍັງໄດ້ຮຽກຮ້ອງໃຫ້ບັນດາສາ ສະໜາຕ່າງໆ ພ້ອມກັນເຄື່ອນ ໄຫວໃຫ້ຖືກຕ້ອງສອດຄ່ອງ ຕາມແນວທາງນະໂຍບາຍຂອງ ພັກ, ລະບຽບກົດໝາຍຂອງລັດ ຈົ່ງຊ່ວຍກັນເອົາໃຈໃສ່ມີສະຕິ ລະວັງຕົວຕໍ່ການເຄື່ອນໄຫວ ຂອງກຸ່ມຄົນບໍ່ຫວັງດີສວຍໃຊ້ ສາສະໜາ-ເຜົ່າ ເພື່ອແບ່ງແຍກ ຄວາມສາມັກຄີພາຍໃນ. (ຂ່າວ: ສນຊ)