ກອງປະຊຸມເວທີສົນທະນາການຮ່ວມມືດ້ານ ການທ່ອງທ່ຽວລາວ-ຈີນ


...

16.05.2018 9:47     

   ກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ (ຖວທ) ແຫ່ງ ສປປ ລາວ ຮ່ວມກັບກະ ຊວງວັດທະນະທຳ ແລະ ທ່ອງທ່ຽວ ແຫ່ງ ສປ ຈີນ ແລະ ສະຖານທູດ ສປ ຈີນ ປະຈຳລາວ ໄດ້ຮ່ວມ ກັນຈັດກອງປະຊຸມເວທີສົນທະນາ ການຮ່ວມມືດ້ານການທ່ອງທ່ຽວລາວ-ຈີນ ຂຶ້ນເມື່ອຕອນບ່າຍ ຂອງວັນທີ 15 ພຶດສະພານີ້ ທີ່ໂຮງແຮມແລນມາກ ໂດຍການເຂົ້າຮ່ວມເປັນກຽດ ຂອງທ່ານ ບໍ່ແສງຄຳ ວົງດາລາ ລັດຖະມົນຕີກະຊວງຖະແຫຼງ ຂ່າວ, ວັດທະນະທຳ ແລະ ທ່ອງທ່ຽວ (ຖວທ), ທ່ານ ຕູ້ ຈ່ຽງ ຮອງລັດຖະມົນຕີກະຊວງ ວັດທະນະທຳ ແລະ ທ່ອງທ່ຽວ ສປ ຈີນ, ທ່ານ ຫວັງ ເຫວີນ ທ່ຽນ ເອກອັກຄະລັດຖະທູດ ຈີນ ປະຈຳ ສປປ ລາວ ພ້ອມ ດ້ວຍແຂກຖືກເຊີນທັງພາຍໃນ ແລະ ຕ່າງປະເທດເຂົ້າຮ່ວມ 300 ກວ່າທ່ານ. ໃນກອງປະຊຸມນີ້, ບັນດາ ຜູ້ເຂົ້າຮ່ວມໄດ້ຮັບຟັງບົດປະ ກອບຄຳເຫັນຈາກນັກວິຊາ ການລາວ-ຈີນ ກ່ຽວກັບການ ສົ່ງເສີມວຽກງານທ່ອງທ່ຽວ ລາວ-ຈີນ, ທ່າອ່ຽງການພັດທະ ນາກ່ຽວກັບຕະຫຼາດທ່ອງທ່ຽວ ຕ່າງປະເທດຈີນ, ການພັດທະ ນາບຸກຄະລາກອນ, ການທ່ອງ ທ່ຽວ, ກາລະໂອກາດການຮ່ວມ ມືດ້ານການທອງທ່ຽວລະຫວ່າງ ລາວ-ຈີນ. ໃນໂອກາດກ່າວຄຳປາ ໄສເປີດກອງປະຊຸມຢ່າງເປັນ ທາງການ, ທ່ານ ບໍ່ແສງຄຳ ວົງດາລາ ໄດ້ກ່າວບາງຕອນ ສຳຄັນວ່າ: ພັກ ແລະ ລັດ ແຫ່ງ ສປປ ລາວ ແລະ ສປ ຈີນ ໄດ້ມີສາຍພົວພັນຮ່ວມມືກັນທີ່ ເປັນມູນເຊື້ອອັນສະໜິດແໜ້ນ ມາແຕ່ດົນນານ, ສອງປະເທດ ໄດ້ກາຍເປັນເພື່ອນມິດຍຸດທະ ສາດທີ່ມີການຮ່ວມມືກັນໃນ ຫຼາຍດ້ານເວົ້າລວມ, ເວົ້າສະ ເພາະແມ່ນຮ່ວມມືດ້ານການ ທ່ອງທ່ຽວລາວ-ຈີນ ໄດ້ມີທ່າ ຂະຫຍາຍຕົວນັບມື້ນັບແຂງ ແຮງຍິ່ງຂຶ້ນ, ມີເສັ້ນທາງເຊື່ອມ ຈອດກັນທັງທາງບົກ ແລະ ທາງອາກາດ ອຳນວຍຄວາມ ສະດວກໃຫ້ປະຊາຊົນສອງ ຊາດໄປມາຫາສູ່ກັນຢ່າງສະ ດວກສະບາຍ ເຮັດໃຫ້ໂຕເລກ ນັກທ່ອງທ່ຽວຈີນ ເຂົ້າມາທ່ຽວ ລາວນັບມື້ນັບຫຼາຍຂຶ້ນ ດ້ວຍ ຫຼາຍເສັ້ນທາງຫຼາຍຮູບແບບ ສະແດງໃຫ້ເຫັນຜ່ານສະຖິຕິ ນັກທ່ອງທ່ຽວຈາກ 199.857 ຄົນ ໃນປີ 2012 ເປັນ 639.185 ຄົນ ໃນປີ 2017 ເພີ່ມຂຶ້ນເຖິງ 17% ທຽບໃສ່ປີ 2016 ແລະ ຄາດວ່າຈຳນວນນັກທ່ອງທ່ຽວ ຈີນ ທີ່ເຂົ້າມາທ່ຽວລາວຈະ ເພີ່ມຂຶ້ນຢ່າງຕໍ່ເນື່ອງໃນຕໍ່ໜ້າ. ພິເສດປີນີ້, ສປປ ລາວ ເຮົາ ຍັງໄດ້ເປີດປີທ່ອງທ່ຽວລາວ 2018 ຂຶ້ນ ເພື່ອສົ່ງເສີມການ ທ່ອງທ່ຽວຂອງລາວ ໃຫ້ມີ ຄວາມພົ້ນເດັ່ນ ໂດຍຈັດໃຫ້ມີ ຫຼາກຫຼາຍຮູບແບບກິດຈະກຳ ໃນທົ່ວປະເທດ ເພື່ອຮອງຮັບ ນັກທ່ອງທ່ຽວຈາກພາຍໃນ ແລະ ຕ່າງປະເທດ, ລວມທັງ ນັກທ່ອງທ່ຽວຈີນ ມາທ່ຽວລາວ ໃຫ້ຫຼາຍຂຶ້ນ. ພ້ອມນີ້, ຂ້າພະ ເຈົ້າຂໍແຈ້ງໃຫ້ບັນດາທ່ານຊາບ ວ່າກະຊວງຖະແຫຼ່ງຂ່າວ, ວັດ ທະນະທຳ ແລະ ທ່ອງທ່ຽວ ແຫ່ງ ສປປ ລາວ ໄດ້ສົມທົບກັບ ກະຊວງວັດທະນະທຳ ແລະ ທ່ອງທ່ຽວ ແຫ່ງ ສປ ຈີນ ເພື່ອພິ ຈາລະນາຄວາມອາດ ສາມາດ ເປີດປີທ່ອງທ່ຽວ ລາວ - ຈີນ ໃນປີ 2019, ຊຶ່ງພວກເຮົາ ເຫັນວ່າຈະເອົາຜົນປະໂຫຍດ ຢ່າງຫຼວງຫຼາຍມາສູ່ອຸດສະຫະ ກຳການທ່ອງທ່ຽວຂອງ 2 ປະ ເທດພວກເຮົາ. ໃນໄລຍະຜ່ານມາ ສປປ ລາວ ພວກເຮົາໄດ້ເຂົ້າຮ່ວມ ງານວາງສະແດງການທ່ອງ ທ່ຽວສາກົນທີ່ ສປ ຈີນ ເປັນຕົ້ນ ງານ CITM ແລະ ທັງງານອື່ນໆ ໃນຂອບການຮ່ວມມືອາຊຽນ-ຈີນ ແລະ ອະນຸພາກພື້ນຢ່າງ ສະໝ່ຳສະເໜີ. ດ້ານພື້ນຖານ ໂຄງລ່າງ ໂດຍສະເພາະການ ພັດທະນາເສັ້ນທາງເຊື່ອມ ຈອດລາວ -ຈີນ ທັງທາງບົກ ແລະ ທາງອາກາດ ກໍໄດ້ຮັບ ການປັບປຸງ ແລະ ຂະຫຍາຍ ອອກຢ່າງຕໍ່ເນື່ອງເຊັ່ນ: ທາງ ອາກາດ ນອກຈາກສາຍການ ບິນລາວແລ້ວ ກໍຍັງມີສາຍການ ບິນ China Eastern China Southern ທີ່ຄ່ອຍໃຫ້ບໍລິການ ໃຫ້ແກ່ນັກທ່ອງທ່ຽວ 2 ປະເທດ ພວກເຮົາສາມາດເດີນທາງໄປ -ມາຢ່າງສະດວກສະບາຍຍິ່ງ ຂຶ້ນ. ພ້ອມກັນນັ້ນ, ໂຄງການ ສ້າງເສັ້ນທາງລົດໄຟຄວາມໄວ ສູງ ພວມຢູ່ໃນຂັ້ນຕອນດຳເນີນ ການກໍ່ສ້າງຢ່າງຕັ້ງໜ້າໃນປັດ ຈຸບັນ ແລະ ຄາດຄະເນຈະສຳ ເລັດໃນປີ 2021 ອັນຈະກາຍ ເປັນພາຫະນະທີ່ສຳຄັນອັນໜຶ່ງ ອີກໃນການຊຸກຍູ້ການທ່ອງ ທ່ຽວລະຫວ່າງ 2 ປະເທດພວກ ເຮົາ ແລະ ພວກເຮົາກັບອາ ຊຽນ ໃຫ້ມີການພັດທະນາເຂັ້ມແຂງ ຍິ່ງຂຶ້ນ. ຂ້າພະເຈົ້າເຊື້ອໝັ້ນວ່າ: ກອງປະຊຸມເວທີສົນທະນາຄັ້ງ ນີ້ຈະເປັນນິມິດໝາຍທີ່ດີໃຫ້ ແກ່ການເສີມສ້າງ ແລະ ເພີ່ມ ທະວີການຮ່ວມມືດ້ານການ ທ່ອງທ່ຽວຂອງທັງສອງປະເທດ ລາວ-ຈີນ ໃຫ້ນັບມື້ນັບກວ້າງ ຂວາງຍິ່ງຂຶ້ນ, ທັງເປັນເວທີສົນ ທະນາແລກປ່ຽນບົດຮຽນ, ປະ ສົບການ ແລະ ຄຳຄິດເຫັນຢ່າງ ກົງໄປກົງມາສ້າງຄວາມເຂົ້າ ໃຈລະຫວ່າງພາກລັດ ແລະ ພາກເອກະຊົນດ້ວຍກັນ ໃຫ້ມີ ຄວາມກົມກຽວ ປະກອບສ່ວນ ອັນສຳຄັນໃນການເສີມສ້າງ ການຮ່ວມມືດ້ານການທ່ອງ ທ່ຽວໃຫ້ສອດຄ່ອງຕາມທິດ ທາງ "ໜຶ່ງແລວໜຶ່ງເສັ້ນທາງ" ໃຫ້ໄດ້ຮັບຜົນດີກວ່າເກົ່າ.