ໂຮງງານຜະລິດນ້ຳປະປາແສນດິນ ເລ່ີມທຳການຜະລິດ


...

05.06.2018 9:52     

   ລັດວິສາຫະກິດນ້ຳປະປາ ນະຄອນຫຼວງ ແລະ ຜູ້ສຳປະ ທານບໍລິສັດເອເຊຍລົງທຶນພັດ ທະນາ ແລະ ກໍ່ສ້າງຈຳກັດຜູ້ ດຽວ ໄດ້ຈັດພິທີເປີດການນຳ ໃຊ້ໂຮງງານຜະລິດນ້ຳປະປາ ແສນດິນຢ່າງເປັນທາງການທີ່ ບ້ານແສນດິນ ເມືອງນາຊາຍທອງ ນະຄອນຫຼວງວຽງຈັນ ເມື່ອ ບໍ່ດົນມານີ້, ໃຫ້ກຽດເຂົ້າຮ່ວມມີທ່ານ ສິນລະວົງ ຄຸດໄພທູນ ເຈົ້າຄອງນະຄອນຫຼວງວຽງຈັນ, ມີພາກສ່ວນກ່ຽວຂ້ອງເຂົ້າຮ່ວມ. ທ່ານ ຄຳເຜີຍ ວົງຄຳຜຸຍ ຜູ້ອຳນວຍການລັດວິສາຫະກິດ ນ້ຳປະປານະຄອນຫຼວງໄດ້ເວົົ້າ ວ່າ: ເພື່ອບັນລຸຈຸດປະສົງ ແລະ ລະດັບຄາດໝາຍຂອງແຜນ ພັດທະນາເສດຖະກິດ - ສັງຄົມ ຂອງນະຄອນຫຼວງວຽງຈັນກໍຄື ແຜນພັດທະນາເສດຖະກິດ - ສັງຄົມແຫ່ງຊາດ ຄັ້ງທີ VIII (2015-2020). ໂດຍສະເພາະ ແມ່ນການສະໜອງນ້ຳປະປາ ໃຫ້ກວມເອົາອັດຕາສ່ວນການ ຊົມໃຊ້ນ້ຳປະປາຂອງປະຊາ ຊົນ ໃນເຂດບໍລິການຮອດ ປີ 2020 ໃຫ້ໄດ້ 90-95%. ປັດຈຸ ບັນມີໂຮງງານຜະລິດນ້ຳປະປາ ທັງໝົດ 4 ແຫ່ງຂອງລັດວິສາຫະ ກິດນ້ຳປະປານະຄອນຫຼວງແມ່ນ ຜະລິດໄດ້ 280.000 ມ3/ມື້ ສະໜອງນ້ຳໄດ້ພຽງປະມານ 85% ຊຶ່ງບໍ່ພຽງພໍກັບຄວາມ ຕ້ອງການ, ສາເຫດແມ່ນຍ້ອນ ການເພີ່ມຂຶ້ນຂອງປະຊາກອນ, ຕົວເມືອງມີການຂະຫຍາຍຕົວ ແລະ ມີການພັດທະນາຢ່າງ ວ່ອງໄວ ເພື່ອຕອບສະໜອງໃຫ້ ໄດ້ຕາມແຜນພັດທະນາ, ຕາມ ຄວາມຮຽກຮ້ອງຕ້ອງການຂອງ ປະຊາຊົນ ແລະ ການພັດທະ ນານະຄອນຫຼວງວຽງຈັນໃນປັດ ຈຸບັນ ແລະ ອະນາຄົດ, ແຕ່ ຍ້ອນທຶນໃນການຂະຫຍາຍ ແລະ ປັບປຸງຂອງລັດວິສາຫະ ກິດນ້ຳປະປານະຄອນຫຼວງ ແມ່ນຍັງຈຳກັດ ແລະ ບໍ່ພຽງພໍ. ດັ່ງນັ້ນ ຈຶ່ງມີຄວາມຈຳເປັນໃຫ້ ພາກເອກະຊົນເຂົ້າມາມີສ່ວນ ຮ່ວມໃນການພັດທະນາ ເພື່ອ ລົງທຶນ ແລະ ເພີ່ມກຳລັງການ ຜະລິດ. ຊຶ່ງກໍແມ່ນໜຶ່ງໃນໂຄງ ການບຸລິມະສິດຂອງລັດວິສາ ຫະກິດນ້ຳປະປານະຄອນຫຼວງ. ໂຄງການນີ້ແມ່ນເປັນໂຄງ ການກໍ່ສ້າງຜະລິດນ້ຳປະປາ ທີ່ສະອາດຖືກຕ້ອງຕາມມາດ ຕະຖານການຜະລິດນ້ຳປະປາ ແລະ ຂາຍໃຫ້ທາງລັດວິສາຫະ ກິດນ້ຳປະປານະຄອນຫຼວງ ຕາມຄວາມສາມາດຜະລິດນ້ຳ ປະປາ ໄລຍະທີ 1 (24.000 ແມັດກ້ອນ/ວັນ) ເພື່ອໃຫ້ການ ບໍລິການນ້ຳປະປາໃນນະຄອນ ຫຼວງວຽງຈັນພຽງພໍ ໂດຍສະ ເພາະແມ່ນປະຊາຊົນທີ່ອາໄສ ຢູ່ເຂດໃກ້ຄຽງຂອງໂຮງງານຜະ ລິດນ້ຳປະປາແສນດິນໃນຈຳ ນວນ 56 ບ້ານຂອງເມືອງນາ ຊາຍທອງ, ເມືອງສີໂຄດຕະ ບອງ (ເຂດໜອງແຕ່ງ, ຕາດ ທອງ) ແລະ 8 ບ້ານເມືອງໄຊ ທານີ (ເຂດເວີນຄຳ) ຊຶ່ງມີປະ ຊາກອນເພີ່ມຂຶ້ນຫຼາຍກ່ວາ 137.000 ຄົນ ແລະ ການ ເຊື່ອມຕໍ່ລະບົບທໍ່ນ້ຳປະປາທີ່ມີ ຢູ່ແລ້ວໃຫ້ມີນ້ຳພຽງພໍໃນການ ບໍລິການ. ໂຮງງານຜະລິດນ້ຳປະ ປາແສນດິນແຫ່ງນີ້ແມ່ນການ ລົງທຶນຂອງເອກະຊົນລາວ 100% ຊຶ່ງແມ່ນໂຄງການທີ ສອງຖັດຈາກໂຄງການທ່າເດື່ອ ເມືອງຫາດຊາຍຟອງ ທີ່ມີຮູບ ແບບການດຳເນີນກິດຈະການ ສຳປະທານ (BOT) ໂດຍແມ່ນ ບໍລິສັດເອເຊຍລົງທຶນພັດທະ ນາ ແລະ ກໍ່ສ້າງຈຳກັດຜູ້ດຽວ (AIDC) ໃນໄລຍະສຳປະທານ 50 ປີ ບໍ່ນັບເວລາກໍ່ສ້າງ, ລາ ຄານ້ຳປະປາ 2018 - 2020 ແມ່ນ 1.850 ກີບ/ແມັດກ້ອນ ຊຶ່ງລາຄາຂອງລັດວິສາຫະກິດ ນ້ຳປະປາສະເລ່ຍແມ່ນ 1.900 ກີບ/ແມັດກ້ອນ. (ຂ່າວ: ບຸນຕອມ)