ຮອງນາຍົກລັດຖະມົນຕີ ຮ່ວມປູກຕົ້ນໄມ້ ທີ່ບໍລິຄຳໄຊ


...

05.06.2018 9:52     

   ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ໄດ້ ໃຫ້ກຽດເຂົ້າຮ່ວມພິທີປູກຕົ້ນ ໄມ້ ໃນໂອກາດວັນປູກຕົ້ນໄມ້ ແຫ່ງຊາດ ປະຈຳປີ 2018 ຈັດ ຂຶ້ນໃນວັນທີ 1 ມິຖຸນາຜ່ານມາ ທີ່ບໍລິເວນອະນຸສາວະລີ ທ່ານ ສີສົມພອນ ລໍວັນໄຊ ແລະ ເດີ່ນ ໂຮງຮຽນການເມືອງການປົກ ຄອງແຂວງຫຼັງໃໝ່ ແຂວງບໍລິ ຄຳໄຊ, ໂດຍມີການນຳຂອງ ແຂວງ ແລະ ພາກສ່ວນກ່ຽວ ຂ້ອງເຂົ້າຮ່ວມ. ໃນພິທີ, ທ່ານ ບຸນມາ ບຸຈະເລີນ ຮອງເຈົ້າແຂວງໆບໍລິ ຄຳໄຊ ໄດ້ລາຍງານໃຫ້ຮູ້ວ່າ: ພັກ ແລະ ລັດຖະບານ ຍາມໃດ ກໍໄດ້ເຫັນຄວາມສຳຄັນກ່ຽວ ກັບວຽກງານປ່າໄມ້ກໍຄືການປູກ ຕົ້ນໄມ້ (ຕົ້ນໄມ້ປະດັບ, ຕົ້ນ ໄມ້ອຸດສາຫະກຳ) ແລະ ອື່ນໆ ການຟື້ນຟູປ່າ ແລະ ການປົກ ປັກຮັກສາປ່າໄມ້. ພ້ອມກັນນັ້ນ ທຸກພາກສ່ວນໃນສັງຄົມ ກໍໄດ້ ປະກອບສ່ວນທາງດ້ານທຶນ ຮອນ, ເຫື່ອແຮງ ແລະ ສ້າງເງື່ອນ ໄຂເອື້ອອຳນວຍຕ່າງໆເຂົ້າໃນ ວຽກງານດັ່ງກ່າວ ຕາມຄວາມ ສາມາດຂອງຕົນ ແລະ ຄວາມ ເໝາະສົມ ຂອງແຕ່ລະທ້ອງຖິ່ນ ເພື່ອຮັກ ສາສະພາບແວດລ້ອມທຳມະ ຊາດ ແລະ ສ້າງເສດຖະກິດ ຄອບຄົວ, ປະເທດຊາດ ແລະ ປັບປຸງຊີວິດການເປັນຢູ່ຂອງ ປະຊາຊົນໃຫ້ນັບມື້ນັບດີຂຶ້ນ. ນອກນັ້ນ, ກໍຍັງໄດ້ຊຸກຍູ້ການ ຄຸ້ມຄອງ, ປົກປັກຮັກສາ ແລະ ນຳໃຊ້ປ່າໄມ້ໃຫ້ຖືກຕ້ອງຕາມ ກົດໝາຍ ແລະ ລະບຽບການ ຕ່າງໆ. ໃນປີ 2017 ທີ່ຜ່ານມາ ທົ່ວແຂວງບໍລິຄຳໄຊ ໄດ້ປູກໄມ້ ທັງໝົດ 459 ເຮັກຕາ ແລະ ປູກ ໃນວັນທີ 1 ມິຖຸນາ 2017 ຈຳນວນ 20 ເຮັກຕາ, ມີເບ້ຍໄມ້ ທັງໝົດ 31 ພັນກວ່າເບ້ຍ. ປີ 2018 ນີ້ ຈະປູກໃຫ້ໄດ້ 300 ເຮັກຕາ ແລະ ຜະລິດເບ້ຍໄມ້ ໃຫ້ໄດ້ 3 ແສນເບ້ຍ. ສະເພາະ ປູກໃນວັນທີ 1 ມິຖຸນາ 2018 ນີ້ ແມ່ນປູກໄດ້ 15 ກວ່າເຮັກ ຕາ, ເບ້ຍໄມ້ທີ່ປູກເກືອບ 12 ພັນເບ້ຍ. ປັດຈຸບັນ, ທົ່ວແຂວງ ມີ ສວນກ້າເບ້ຍໄມ້ຂອງລັດຈຳ ນວນ 6 ແຫ່ງ, ຜະລິດເບ້ຍໄມ້ ໄດ້ປະມານ 45 ພັນເບ້ຍ. ນອກ ນັ້ນ, ຍັງມີບໍລິສັດ ຜະລິດໄດ້ ປະມານ 50 ພັນເບ້ຍ, ປະຊາ ຊົນຜະລິດໄດ້ປະມານ 228 ພັນເບ້ຍ, ລວມທັງໝົດທົ່ວ ແຂວງແມ່ນສາມາດຜະລິດ ເບ້ຍໄມ້ໄດ້ປະມານ 323 ພັນ ເບ້ຍ. ສຳລັບການປູກໄມ້ດັ່ງ ກ່າວ, ກໍເພື່ອເປັນການສ້າງຂະບວນການປູກຈິດສຳນຶກໃຫ້ປະຊາຊົນ ຕະຫຼອດຮອດການຈັດ ຕັ້ງທຸກພາກສ່ວນ, ນັກຮຽນຮູ້້, ລູກຫຼານ ທີ່ຍັງເປັນເຍົາວະຊົນ, ອະນຸຊົນ ໄດ້ຮັບຮູ້ ແລະ ເຂົ້າ ໃຈຢ່າງເລິກເຊິ່ງ ຕໍ່ການຄຸ້ມ ຄອງ, ປົກປັກຮັກສາ, ການຟຶ້ນ ຟູປ່າໄມ້ ແລະ ການປົກປັກຮັກ ສາສິ່ງແວດລ້ອມ, ເຮັດໃຫ້ວຽກ ງານດັ່ງກ່າວນີ້ ກາຍເປັນຂະ ບວນການຂອງມະຫາຊົນຢ່າງ ແທ້ຈິງ ໂດຍສະເພາະແມ່ນການ ເພີ່ມເນື້ອທີ່ປົກຫຸ້ມຂອງປ່າໄມ້ ໃຫ້ມີຄວາມສວຍງາມ, ຮົ່ມເຢັນ, ສະຫງ່າຜ່າເຜີຍ, ທຳມະຊາດ ມີຄວາມອຸດົມສົມບູນ, ມີສິ່ງ ແວດລ້ອມທີ່ດີ, ປົກປັກຮັກສາ ແຫຼ່ງນ້ຳກິນ-ນ້ຳໃຊ້, ຫຼຸຸດຜ່ອນ ພາວະໂລກຮ້ອນ, ຕ້ານ ແລະ ປ້ອງກັນໄພທຳມະຊາດຕ່າງໆ. ທ່ານ ບຸນມາ ບຸຈະເລີນ ຍັງໄດ້ຮຽກຮ້ອງໃຫ້ທຸກພາກ ສ່ວນ ຈົ່ງພ້ອມກັນເອົາໃຈໃສ່ ປົກປັກຮັກສາປ່າໄມ້, ປູກຕົ້ນ ໄມ້ໃຫ້ເປັນປ່າ, ຟື້ນຟູປ່າໄມ້ ໃຫ້ມີຄວາມອຸດົມສົມບູນ. ພ້ອມ ກັນນັ້ນ ກໍສຶກສາອົບຮົມປູກຈິດ ສຳນຶກໃຫ້ລູກຫຼານຂອງຕົນ ໃຫ້ຮູ້ຄຸນຄ່າ ແລະ ຄຸນປະ ໂຫຍດຂອງປ່າໄມ້ ແລະ ຖືເອົາ ວຽກງານນີ້ ເປັນໜ້າທີ່ຂອງທົ່ວ ປວງຊົນ. ທີ່ສຳຄັນແມ່ນພ້ອມ ກັນປະຕິບັດຄຳຂວັນທີ່ວ່າ: "ປູກຕົ້ນໄມ້ ແລະ ຟື້ນຟູປ່າໄມ້ ໃນວັນນີ້ ເພື່ອຊີວິດທີ່ດີໃນວັນ ໜ້າ", "ປ່າໄມ້ສົດຊື່ນ, ຊີວິດສົດ ໃສ", "ຮັກຊີວິດ ຢ່າຄິດທຳ ລາຍ ປ່າໄມ້" ໃຫ້ປະກົດຜົນເປັນຈິງ. ພາຍຫຼັງການປູກຕົ້ນໄມ້ ສຳເລັດ, ທ່ານຮອງນາຍົກລັດ ຖະມົນຕີ ພ້ອມດ້ວຍຄະນະນຳ ແຂວງບໍລິຄຳໄຊ ໄດ້ໄປຢ້ຽມ ຢາມເບິ່ງຄວາມຄືບໜ້າໂຄງ ການກໍ່ສ້າງສວນອະນຸສາວະລີ ທ່ານ ສີສົມພອນ ລໍວັນໄຊ, ໂຄງ ການກໍ່ສ້າງໂຮງຮຽນມັດທະຍົມ ສົມບູນ ສີທະນາໄຊ ແລະ ໄປ ເບິ່ງສະໜາມກິລາຂອງແຂວງ ຕື່ມອີກ. (ພາບ+ຂ່າວ: ຫສນຍ)