ຄະນະຜູ້ແທນພັກ ປປ ລາວ ສຳເລັດການເຂົ້າຮ່ວມສະຫຼອງ ວັນເກີດ ທ່ານ ກາກມາກ ຄົບຮອບ 200 ປີ


...

...

05.06.2018 9:50     

   ຄະນະຜູ້ແທນພັກ ປປ ລາວ ນຳໂດຍ ສະຫາຍ ທອງສະລິດ ມັງໜໍ່ເມກ ກຳມະການສູນກາງ ພັກ ຫົວໜ້າສະຖາບັນການ ເມືອງ ແລະ ການປົກຄອງແຫ່ງ ຊາດ ພ້ອມດ້ວຍຄະນະໄດ້ເດີນ ທາງໄປເຂົ້າຮ່ວມກອງປະຊຸມ ສຳມະນາສາກົນ ສະເຫຼີມສະ ຫຼອງວັນເກີດ ທ່ານ ກາກມາກ ຄົບຮອບ 200 ປີ ພາຍ ໃຕ້ຫົວ ຂໍ້: "ລັດທິມາກ ແລະ ສັງຄົມ ນິຍົມ" ແຕ່ວັນທີ 30-31 ພຶດສະ ພາ ຜ່ານມາ ທີ່ກັດມານດູປະເທດ ເນປານ. ກອງປະຊຸມດັ່ງກ່າວໄດ້ ຖືກຈັດຂຶ້ນໂດຍການເປັນເຈົ້າ ພາບຮ່ວມຂອງພັກກອມມູນິດ ເນປານ ແລະ ພັກກອມມູນິດ ເນປານ ມາຊານ ຊຶ່ງມີຜູ້ແທນ ເຂົ້າຮ່ວມທັງໝົດປະມານ 300 ຄົນ, ໃນນັ້ນ, ມີຄະນະຜູ້ແທນ ຕ່າງປະເທດ 23 ພັກການເມືອງ ທີ່ມາຈາກ 17 ປະເທດ. ບັນດາຜູ້ແທນກອງປະຊຸມ ໄດ້ປຶກສາຫາລື ແລະ ແລກ ປ່ຽນຄຳຄິດຄຳເຫັນຢ່າງກົງໄປ ກົງມາ ປິ່ນອ້ອມສອງຫົວຂໍ້ຕົ້ນ ຕໍຄື: "ລັດທິມາກ ແລະ ສັງຄົມ ນິຍົມປັດຈຸບັນ" ແລະ ບົດຮຽນ ຂອງຂະບວນການກອມມູນິດ ຢູ່ບັນດາປະເທດ, ຊຶ່ງໄດ້ຮ່ວມ ກັນທົບທວນຄືນບັນດາຫຼັກມູນ ທິດສະດີຂອງລັດທິມາກ ແລະ ການໝູນໃຊ້ລັດທິມາກເຂົ້າໃນ ສະພາບຕົວຈິງ ຂອງແຕ່ລະປະ ເທດ ໃນແຕ່ລະຍຸກແຕ່ລະສະ ໄໝ ແລະ ຢືນຢັນວ່າ ລັດທິມາກ ແມ່ນທິດສະດີວິທະຍາສາດທີ່ ຖືກຕ້ອງ ແລະ ຍັງສອດຄ່ອງກັບ ຍຸກປັດຈຸບັນ. ໃນກອງປະຊຸມ, ຄະນະຜູ້ ແທນພັກ ປປ ລາວ ໄດ້ຍົກໃຫ້ ເຫັນບົດບາດຄວາມສຳຄັນຂອງ 3 ຫຼັກມູນທິດສະດີພື້ນຖານ ຂອງມາກ ທີ່ເປັນການຄົ້ນພົບ ອັນຍິ່ງໃຫຍ່ຂອງມວນມະນຸດ, ຊຶ່ງ 3 ຫຼັກມູນພື້ນຖານຂອງລັດ ທິມາກ ຍັງມີຄຸນຄ່າອັນໃຫຍ່ ຫຼວງໃຫ້ແກ່ການຄົ້ນຄວ້າ, ໝູນ ໃຊ້ເຂົ້າໃນພາລະກິດປະຕິວັດ ຂອງແຕ່ລະປະເທດ. ພ້ອມນີ້, ຄະນະຜູ້ແທນພັກເຮົາ ຍັງໄດ້ ແລກປ່ຽນບົດຮຽນກ່ຽວກັບ ການໝູນໃຊ້ທິດສະດີມາກຢ່າງ ປະດິດສ້າງເຂົ້າໃນພຶດຕິກຳ ຕົວຈິງຂອງພັກເຮົາ ໃນການ ຕໍ່ສູ້ ເພື່ອປົດປ່ອຍຊາດ ແລະ ສ້າງສາພັດທະນາປະເທດຊາດ ກໍຄືການດຳເນີນພາລະກິດ ປ່ຽນແປງໃໝ່ຮອບດ້ານຢ່າງມີ ຫຼັກການຂອງພັກ ປປ ລາວ ໃນ ຕະຫຼອດໄລຍະທີ່ຜ່ານມາ. ກອງປະຊຸມຄັ້ງນີ້ ໄດ້ເປັນ ເອກະພາບກັນຮັບຮອງເອົາຖະ ແຫຼງການກອງປະຊຸມ ຊຶ່ງໄດ້ ຢືນຢັນຄວາມສຳຄັນຂອງລັດ ທິມາກ ທີ່ເປັນຫຼັກການຊີ້ນຳ ນຳ ພາຂອງນັກກອມມູນິດ, ກຳມະ ກອນ ແລະ ນັກສັງຄົມນິຍົມ ເພື່ອບັນລຸເປົ້າໝາຍກ້າວຂຶ້ນສູ່ ລັດທິສັງຄົມນິຍົມ ເພື່ອສ້າງໂລກ ແຫ່ງຄວາມຍຸຕິທຳ, ມີສັນຕິພາບ ແລະ ວັດທະນາຖາວອນ. ນອກຈາກເຂົ້າຮ່ວມກອງ ປະຊຸມແລ້ວ, ຄະນະຜູ້ແທນ ພັກ ປປ ລາວ ຍັງໄດ້ພົບປະສອງ ຝ່າຍກັບພັກກອມມູນິດ ເນປານ ແລະ ເຄື່ອນໄຫວພົບປະແລກ ປ່ຽນກັບຄະນະຜູ້ແທນພັກການ ເມືອງຕ່າງໆ ທີ່ເຂົ້າຮ່ວມກອງ ປະຊຸມຄັ້ງນີ້ ແລະ ຢ້ຽມຢາມ ສະຖານທີ່ສຳຄັນທາງປະຫວັດ ສາດຈຳນວນໜຶ່ງ ຢູ່ກັດມານດູ ປະເທດເນປານ. (ຂ່າວ: ຄຕພ)