ປາຖະກະຖາ ມູນເຊື້ອວັນຕ້ານການໃຊ້ ແຮງງານເດັກ


...

06.06.2018 9:45     

   ສານປະຊາຊົນສູງສຸດ ໄດ້ຈັດ ຕັ້ງປາຖະກະຖາມູນເຊື້ອປະ ຫວັດຄວາມເປັນມາຂອງວັນ ຕ້ານການໃຊ້ແຮງງານເດັກ 12 ມິຖຸນາ ແລະ ວັນປູກຕົ້ນໄມ້ ແຫ່ງຊາດ 1 ມິຖຸນາ ໃຫ້ກຽດ ປາຖະກະຖາ ໂດຍທ່ານ ຄຳພັນ ສິດທິດຳພາ ປະທານສານປະ ຊາຊົນສູງສຸດ ເມື່ອບໍ່ດົນຜ່ານມາ ທີ່ສານປະຊາຊົນສູງສຸດ ຊຶ່ງມີ ພະນັກງານອ້ອມຂ້າງສານດັ່ງ ກ່າວ ເຂົ້າຮ່ວມຢ່າງພ້ອມພຽງ. ທ່ານ ຄຳພັນ ສິດທິດຳພາ ໄດ້ຍົກໃຫ້ເຫັນປະຫວັດຄວາມ ເປັນມາຂອງວັນຕ້ານການໃຊ້ ແຮງງານເດັກສາກົນ 12 ມິຖຸນາ ບາງຕອນສຳຄັນເຊັ່ນວ່າ: ວັນ ຕ້ານການໃຊ້ແຮງງານເດັກສາ ກົນ 12 ມິຖຸນາ ຂອງແຕ່ລະປີ ເປັນວັນສາກົນສຳຄັນໜຶ່ງທີ່ ກະຕຸ້ນໃຫ້ປະຊາຄົມໂລກ ພ້ອມໃຈກັນຕ້ານ ແລະ ລຶບ ລ້າງການໃຊ້ແຮງງານເດັກທຸກ ຮູບແບບ, ແຜນງານ ແຫ່ງຊາດ ເພື່ອປ້ອງກັນ ແລະ ລຶບລ້າງ ການນຳໃຊ້ແຮງງານເດັກຢູ່ ສປປ ລາວ ປີ 2014- 2020 ແລະ ອື່ນໆ. ໃນຕອນແລງຂອງວັນດຽວ ກັນ ທ່ານ ຄຳພັນ ສິດທິດຳ ພາ ໄດ້ນຳພາພະນັກງານຮ່ວມ ປູກຕົ້ນໄມ້ ເນື່ອງໃນວັນປູກຕົ້ນ ໄມ້ແຫ່ງຊາດ. ນັບແຕ່ປີ 1975 ເປັນຕົ້ນມາ ພັກ-ລັດຖະບານ ໄດ້ເອົາໃຈໃສ່ຄຸ້ມຄອງປົກປັກ ຮັກສາ ແລະ ຟື້ນຟູບູລະນະຊັບ ພະຍາກອນປ່າໄມ້ໃຫ້ມີຄວາມ ອຸດົມສົມບູນ ຕິດພັນກັບການ ພັດທະນາປະເທດຊາດ ແນໃສ່ ເຮັດໃຫ້ຄວາມປົກຫຸ້ມຂອງປ່າ ໄມ້ ໃນແຕ່ລະປີເພີ່ມຂຶ້ນ ເພື່ອ ບັນລຸຕາມເປົ້າໝາຍວາງໄວ້ 70% ໃນປີ 2020, ມາຮອດ ປັດຈຸບັນ ມີເນື້ອທີ່ປູກໄມ້ທັງ ໝົດ 478.557 ເຮັກຕາ. ເບ້ຍ ໄມ້ທີ່ນຳມາປູກຢູ່ສຳນັກງານ ຫ້ອງການຄັ້ງນີ້ປະກອບມີ ເບ້ຍ ໄມ້ໃຫ້ໝາກ, ເບ້ຍໄມ້ປະດັບ ແລະ ເບ້ຍໄມ້ອຸດສາຫະກຳ, ສະຖານທີ່ປູກຢູ່ສະຖາບັນຄົ້ນ ຄວ້າ-ຝຶກອົບຮົມ ແລະ ສານ ປະຊາຊົນພາກກາງ. (ຂ່າວ: ຕຸໄລເພັດ ພິມເມືອງ)