ນາຍົກລັດຖະມົນຕີ ຈະເຂົ້າຮ່ວມ ກອງປະຊຸມສາກົນ ກ່ຽວກັບອະນາຄົດ ຂອງອາຊີ ຄັ້ງທີ 24

08.06.2018 9:25     

   ວັນທີ 10 ມິຖຸນາ 2018 ພະນະທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ພ້ອມດ້ວຍຄະນະຈະເດີນ ທາງເຂົ້າຮ່ວມກອງປະຊຸມສາກົນ ກ່ຽວກັບອະນາຄົດຂອງອາຊີ ຄັ້ງທີ 24 ຕາມການເຊື້ອເຊີນ ຂອງສຳນັກໜັງສືພິມເສດຖະກິດ ຍີ່ປຸ່ນ ຫຼື ນິກເກ (NIKKEI) ໃນວັນທີ 11-12 ມິຖຸນາ 2018 ທີ່ໂຕກຽວ ປະເທດຍີ່ປຸ່ນ. ກອງປະຊຸມຄັ້ງນີ້ ຈະດຳເນີນໄປພາຍໃຕ້ຫົວຂໍ້ "ສືບຕໍ່ເປີດ ກວ້າງອາຊີຈະເຮັດແນວໃດ ເພື່ອບັນລຸຄວາມວັດທະນາຖາ ວອນ ແລະ ມີສະຖຽນລະພາບ, ຊຶ່ງທ່ານນາຍົກລັດຖະມົນຕີ ຈະໃຫ້ກຽດຂຶ້ນກ່າວ ບົດປາໄສ ຕໍ່ຫົວຂໍ້ດັ່ງກ່າວ ແລະ ຈະໃຫ້ ສຳພາດຂ່າວ ທີ່ປິ່ນອ້ອມວຽກງານການພັດທະນາເສດຖະກິດ -ສັງຄົມຂອງ ສປປ ລາວ ແລະ ທັດສະນະຕໍ່ການເຊື່ອມໂຍງ ເສດຖະກິດພາກພື້ນ ແລະ ສາກົນ ໃນປັດຈຸບັນ. ໃນໂອກາດເຄື່ອນໄຫວ ຢູ່ປະເທດຍີ່ປຸ່ນຄັ້ງນີ້, ພະນະ ທ່ານ ທອງລຸນ ສີສຸລິດ ນາຍົກ ລັດຖະມົນຕີ ຈະພົບປະສອງ ຝ່າຍກັບ ພະນະ ທ່ານ ຊິນໂຊ ອາເບະ ນາຍົກລັດຖະມົນຕີຍີ່ປຸ່ນ ຢ່າງເຕັມຮູບແບບ ແລະ ຮັບການເຂົ້າຢ້ຽມ ຂ່ຳນັບບັນດາການ ນຳທີ່ເຂົ້າຮ່ວມກອງປະຊຸມໃນຄັ້ງນີ້ ແລະ ບັນດາອົງການ, ສະມາ ຄົມທີ່ສຳຄັນຂອງປະເທດຍີ່ປຸ່ນອີກດ້ວຍ. ກອງປະຊຸມສາກົນກ່ຽວກັບອະນາຄົດຂອງອາຊີ ແມ່ນໄດ້ ຈັດຂຶ້ນທຸກໆປີ ນັບແຕ່ປີ 1995 ເປັນຕົ້ນມາ ໂດຍສຳນັກ ໜັງ ສືພິມ ນິກເກ ຂອງຍີ່ປຸ່ນ ຊຶ່ງໄດ້ເຊື້ອເຊີນບັນດາຜູ້ນຳ, ຜູ້ບໍລິຫານ ຂັ້ນສູງ ຂອງພາກລັດ ແລະ ເອກະຊົນ ລວມທັງອະດີດການ ນຳ, ຜູ້ຊົງຄຸນວຸດທິ, ປະທານອົງການ ແລະ ສະຖາບັນ ພາກພື້ນ ແລະ ສາກົນ ໃນທົ່ວພາກພື້ນອາຊີເຂົ້າຮ່ວມ ເພື່ອ ລະດົມແນວຄວາມ ຄິດ ແລະ ມີຂໍ້ສະເໜີແນະໃໝ່ໆທີ່ສ້າງສັນແນໃສ່ສືບຕໍ່ພັດທະ ນາພາກພື້ນອາຊີ ໃຫ້ມີຄວາມເຂັ້ມແຂງ ແລະ ຍືນຍົງ. ພະນະ ທ່ານນາຍົກລັດຖະມົນຕີກໍໄດ້ເຂົ້າຮ່ວມກອງປະຊຸມດັ່ງກ່າວ ໃນ ປີ 2017 ຜ່ານມາ. (ຂ່າວ: ກົມເສດຖະກິດ ກະຊວງການຕ່າງປະເທດ)