ສສຊ ຮັບຟັງບົດສະຫຼຸຸບການເຄື່ອນໄຫວ ຂອງສະພາແຫ່ງຊາດ


...

13.06.2018 8:50     

   ສສຊ ຮັບຟັງບົດສະຫຼຸຸບ ການເຄື່ອນໄຫວວຽກງານ 6 ເດືອນຕົ້ນປີ ແລະ ທິດທາງ ວຽກງານຈຸດສຸມ 6 ເດືອນທ້າຍ ປີ 2018 ຂອງສະພາແຫ່ງຊາດ ໃນກອງປະຊຸມສະໄໝສາມັນ ເທື່ອທີ 5 ຂອງສະພາແຫ່ງ ຊາດ ຊຸດທີ VIII, ວັນທີ 12 ມິຖຸນານີ້, ພາຍໃຕ້ການເປັນ ປະທານຂອງທ່ານ ນາງ ປານີ ຢາທໍ່ຕູ້ ປະທານສະພາແຫ່ງ ຊາດ. ທ່ານ ນາງ ສີໃສ ລືເດດ ມູນສອນ ຮອງປະທານສະພາ ແຫ່ງຊາດ ໄດ້ຜ່ານຮ່າງບົດສະ ຫຼຸຸບການເຄື່ອນໄຫວວຽກງານ 6 ເດືອນຕົ້ນປີ 2018 ໃຫ້ຮູ້ວ່າ: ຄະນະປະຈຳສະພາແຫ່ງຊາດ ໄດ້ນຳເອົາຄວາມເຫັນຂອງບັນດາທ່ານສະມາຊິກສະພາແຫ່ງ ຊາດມາພິຈາລະນາ, ຮຽບຮຽງ ເຂົ້າໃສ່ໃນການສ້າງ ແລະ ປັບ ປຸງກົດໝາຍ ທີ່ກອງປະຊຸມສະ ໄໝສາມັນເທື່ອທີ 4 ຂອງສະ ພາແຫ່ງຊາດ ຊຸດທີ VIII ຮັບ ຮອງສຳເລັດ 15 ສະບັບ ໄດ້ 100%, ໄດ້ປະສານສົມທົບ ກັບລັດຖະບານ, ອົງການທີ່ ກ່ຽວຂ້ອງກະກຽມຄວາມພ້ອມ ໃນທຸກດ້ານ ເພື່ອນຳເອົາຮ່າງ ກົດໝາຍເຂົ້າພິຈາລະນາ, ຮັບ ຮອງໃນກອງປະຊຸມສະໄໝສາ ມັນເທື່ອທີ 5 ຂອງສະພາແຫ່ງ ຊາດ ຊຸດທີ VIII ຈຳນວນ 13 ສະບັບ (ກົດໝາຍສ້າງໃໝ່ 5 ສະບັບ, ປັບປຸງ 8 ສະບັບ) ເທົ່າ 86% ຂອງແຜນການສ້າງ ແລະ ປັບປຸງກົດໝາຍ 15 ສະບັບ, ຄຽງຄູ່ກັນນັ້ນ ໄດ້ຕົກ ລົງບັນຫາສຳຄັນພື້ນຖານຂອງ ຊາດ ເປັນຕົ້ນ ແມ່ນໄດ້ພິຈາ ລະນາ, ຮັບຮອງເອົາບັນຫາ ຕ່າງໆ ຕາມການສະເໜີຂອງ ລັດຖະບານ ແລະ ພາກສ່ວນທີ່ ກ່ຽວຂ້ອງ ດ້ວຍການອອກມະຕິ ຈຳນວນທັງໝົດ 17 ສະບັບ, ໄດ້ຊຸກຍູ້ຕິດຕາມກວດກາ, ເກັບກຳຂໍ້ມູນການປະຕິບັດມະ ຕິຂອງກອງປະຊຸມສະພາແຫ່ງ ຊາດກ່ຽວກັບການອອກນິຕິກຳ ລຸ່ມກົດໝາຍ, ຜົນກະທົບຈາກ ການນຳໃຊ້ສານເຄມີອັນຕະ ລາຍເກີນຄ່າມາດຕະຖານ ສົ່ງ ຜົນກະທົບຕໍ່ສິ່ງແວດລ້ອມສັງ ຄົມ ແລະ ທຳມະຊາດ ແລະ ມະຕິກອງປະຊຸມຮ່ວມຄະນະ ປະຈຳສະພາແຫ່ງຊາດ ກັບລັດ ຖະບານກ່ຽວກັບການຊົດເຊີຍ ຜົນກະທົບຈາກການລົງທຶນ ຂອງລັດ ຊຶ່ງໄດ້ແຕ່ງຕັ້ງຄະນະ ລົງເຄື່ອນໄຫວ ເຮັດວຽກຢູ່ບາງ ກະຊວງ, ອົງການ ແລະ ທ້ອງ ຖິ່ນຈຳນວນໜຶ່ງ. ສຳລັບແຜນວຽກຈຸດສຸມ 6 ເດືອນທ້າຍປີ 2018 ແມ່ນ ຈະຮຽບຮຽງກົດໝາຍ ທີ່ກອງ ປະຊຸມສະໄໝສາມັນເທື່ອທີ 5 ຂອງສະພາແຫ່ງຊາດ ຊຸດທີ VIII ໄດ້ຮັບຮອງເອົາ, ປະສານ ສົມທົບກັບລັດຖະບານ, ພາກ ສ່ວນທີ່ກ່ຽວຂ້ອງຮີບຮ້ອນກະ ກຽມບັນດາຮ່າງກົດໝາຍທີ່ຈະ ນຳເຂົ້າພິຈາລະນາຢູ່ໃນກອງ ປະຊຸມສະໄໝສາມັນເທື່ອທີ 6 ຂອງສະພາແຫ່ງຊາດ ຊຸດທີ VIII ຊຶ່ງມີຈຳນວນທັງໝົດ 14 ສະບັບ ໃນນັ້ນ ກົດໝາຍສ້າງ ໃໝ່ ຈຳນວນ 9 ສະບັບ, ສືບຕໍ່ ຊີ້ນຳກົງຈັກຂອງສະພາແຫ່ງ ຊາດ ແລະ ກົງຈັກທີ່ຄະນະ ປະຈຳສະພາແຫ່ງຊາດສ້າງຕັ້ງ ເອົາໃຈໃສ່ປະສານສົມທົບແຕ່ ຫົວທີກັບພາກສ່ວນທີ່ກ່ຽວຂ້ອງ ຄົ້ນຄວ້າເນື້ອໃນ ເອກະສານ ໃຫ້ເລິກເຊິ່ງ, ມີຂໍ້ມູນຄົບຖ້ວນ, ມີບ່ອນອີງດ້ານກົດໝາຍ, ນະ ໂຍບາຍ, ດ້ານວິຊາການ ຍົກ ໃຫ້ເຫັນດ້ານຕັ້ງໜ້າ ແລະ ສິ່ງ ທ້າທາຍຕ່າງໆ ເພື່ອສະໜອງ ໃຫ້ຄະນະປະຈຳສະພາແຫ່ງ ຊາດ ໃນການພິຈາລະນາຢູ່ ກອງປະຊຸມຄະນະປະຈຳສະ ພາແຫ່ງຊາດ ໃຫ້ສອດຄ່ອງກັບ ແນວທາງນະໂຍບາຍ, ກົດໝາຍ ແລະ ແຜນພັດທະນາເສດຖະ ກິດ-ສັງຄົມ ແຕ່ລະໄລຍະ, ຮັບ ປະກັນໃຫ້ການຕົກລົງບັນຫາ ສຳຄັນຕ່າງໆມີປະສິດທິຜົນສູງ ແລະ ວຽກງານອື່ນໆ. ຫຼັງຈາກນັ້ນ, ບັນດາ ສສຊ ໄດ້ຜັດປ່ຽນກັນປະກອບຄຳຄິດ ຄຳເຫັນໃສ່ຮ່າງບົດລາຍງານ ດັ່ງກ່າວ ເພື່ອໃຫ້ເນື້ອໃນຖືກ ຕ້ອງ, ສົມບູນ ແລະ ຄົບຖ້ວນ. (ຂ່າວ: ແສງຈັນ)