ລັດຖະບານລາວ ມອບໃບຍ້ອງຍໍໃຫ້ແກ່ ທ່ານທູດອົດສະຕຣາລີ


...

10.07.2018 9:11     

   ກະຊວງແຜນການ ແລະ ການລົງທຶນ ໄດ້ຈັດພິທີມອບ ໃບຍ້ອງຍໍລັດຖະບານໃຫ້ແກ່ ທ່ານ ແອນເດຣຍສ ຊູເບີຣກຈ (Andreas Zuebrugg) ອັກ ຄະລັດຖະທູດອົດສະຕຣາລີ ປະຈຳ ສປປ ລາວ ຊຶ່ງຮັບ ຜິດຊອບວຽກງານຮ່ວມມືພັດ ທະນາທີ່ມີຜົນງານດີເດັ່ນ ເອົາໃຈໃສ່ລະດົມທຶນຊ່ວຍ ເຫຼືອຈາກປະເທດອົດສະຕຣາ ລີ ແລະ ສະຖາບັນການເງິນ ຕ່າງໆ ເພື່ອຈັດຕັ້ງປະຕິບັດ ແຜນພັດທະນາເສດຖະກິດ- ສັງຄົມແຫ່ງຊາດ 5 ປີຄັ້ງທີ 8 (2016-2020). ພິທີດັ່ງກ່າວ ຈັດຂຶ້ນໃນວັນທີ 6 ກໍລະກົດ ຜ່ານມານີ້ ທີ່ກະຊວງແຜນການ ແລະ ການລົງທຶນ. ຕາງໜ້າມອບໃບຍ້ອງຍໍ ລັດຖະບານຄັ້ງນີ້ໂດຍທ່ານ ກິແກ້ວ ຈັນທະບູລີ ຮອງລັດ ຖະມົນຕີກະຊວງແຜນການ ແລະ ການລົງທຶນ ໂດຍມີຜູ້ ຕາງໜ້າຈາກກະຊວງການຕ່າງ ປະເທດ, ກະຊວງສຶກສາທິການ ແລະ ກິລາ, ມີພາກສ່ວນກ່ຽວ ຂ້ອງເຂົ້າຮ່ວມຢ່າງພ້ອມພຽງ. ໄລຍະເວລາທີ່ທ່ານປະຕິ ບັດໜ້າທີ່ວຽກງານຢູ່ ສປປ ລາວ ເປັນເວລາ 3 ປີ (ກໍລະ ກົດ 2015- ກໍລະກົດ 2018), ການຊ່ວຍ ເຫຼືອຂອງລັດຖະບານອົດສະ ຕຣາລີ ສະເລ່ຍປະມານ 40-43 ລ້ານໂດລາອົດສະຕຣາລີ, ສົກປີ 2015-2016 ມີມູນຄ່າ 26,3 ລ້ານໂດລາອົດສະຕຣາ ລີ, ສົກປີ 2016-2017 ມີມູນ ຄ່າ 40,7 ລ້ານໂດລາອົດສະ ຕຣາລີ, ສົກປີ 2017 -2018 ມີມູນຄ່າ 42,3 ລ້ານໂດລາ ອົດສະຕຣາລີ ຊຶ່ງຈັດຢູ່ໃນອັນ ດັບຕົ້ນໆຂອງການຊ່ວຍເຫຼືອ ຮ່ວມມືສອງຝ່າຍ. ນອກນັ້ນ ທ່ານຍັງໄດ້ມີສ່ວນຮ່ວມໃນ ການຕິດຕາມ, ປະເມີນຜົນ ການຈັດຕັ້ງປະຕິບັດບັນດາ ໂຄງການຕ່າງໆ ທີ່ໄດ້ຮັບການ ຊ່ວຍເຫຼືອຈາກລັດຖະບານອົດ ສະຕຣາລີ ໃນບັນດາຂົງເຂດ ການສຶກສາ, ພັດທະນາຊົນນະ ບົດ, ເກັບກູ້ລະເບີດບໍ່ທັນແຕກ, ອຸດສາຫະກຳ ແລະ ການຄ້າ, ຂະແໜງຊັບພະຍາກອນນ້ຳ ແລະ ສິ່ງແວດລ້ອມ, ຂະແໜງ ພະລັງງານໄຟຟ້າ-ບໍ່ແຮ່. (ຂ່າວ: ແສງຈັນ)