ເຂົ້າຈ້າວປອດສານພິດ ພູນເງິນ ໄດ້ຮັບ ຄວາມນິຍົມຈາກຜູ້ບໍລິໂພກ


...

11.07.2018 9:33     

   ນັກທຸລະກິດລາວພໍໃຈ ຕໍ່ຜົນຕອບຮັບຂອງສັງຄົມ ໃນ ການບໍລິໂພກເຂົ້າຈ້າວປອດ ສານພິດພູນເງິນຢ່າງກວ້າງ ຂວາງ, ພາຍຫຼັງບໍລິສັດພູນເງິນ ການຄ້າຂາອອກ-ຂາເຂົ້າຈຳ ກັດຜູ້ດຽວ ຫາກໍເປີດຈຳໜ່າຍ ຢ່າງເປັນທາງການ ໃນຕົ້ນປີ 2018 ນີ້ ປັດຈຸບັນຍອດສັ່ງຊື້ ບັນລຸຫຼາຍໂຕນຕໍ່ເດືອນ, ຂະ ນະທີ່ບໍລິສັດດັ່ງກ່າວ ຢືນຢັນ ຈະເລັ່ງຂະຫຍາຍເນື້ອທີ່ປູກ ເຂົ້າປອດສານພິດເພີ່ມຂຶ້ນ ເພື່ອຜະລິດປ້ອນຕະຫຼາດໃຫ້ ໄດ້ຕາມຄວາມຕ້ອງການຂອງ ລູກຄ້າ. ທ່ານ ນາງ ດາລີວັນ ສິດ ພະໄຊ ຜູ້ອຳນວຍການໃຫຍ່ ຂອງບໍລິສັດພູນເງິນການຄ້າ ຂາອອກ-ຂາເຂົ້າຈຳກັດຜູ້ດຽວ ໄດ້ໃຫ້ສຳພາດຕໍ່ສື່ມວນຊົນ ເມື່ອບໍ່ດົນມານີ້ວ່າ: ຄວາມຈິງ ແລ້ວ ຕົນເອງມີພື້ນຖານການ ຜະລິດ ແລະ ພັດທະນາເສດ ຖະກິດແບບຄອບຄົວມາແຕ່ ດັ່ງເດີມທີ່ພໍ່ແມ່ ແລະ ບັນພະ ບູລຸດຖ່າຍທອດໃຫ້ ໂດຍເລີ່ມ ຕົ້ນຈາກການຕ່ຳຫູກທໍໄໝ ຮັບ ໃຊ້ພາຍໃນ ຄອບຄົວ ແລະ ຂາຍອອກສູ່ ຕະຫຼາດ, ຕໍ່ມາຍ້ອນການພັດ ທະນາເສດຖະກິດ-ສັງຄົມ ແຕ່ລະໄລຍະມີການປ່ຽນແປງ ໄວບວກກັບຄວາມຮຽກຮ້ອງ ຕ້ອງການຕິດພັນກັບແນວ ທາງນະໂຍບາຍອັນຖືກຕ້ອງ ຂອງພັກ-ລັດ ກໍຄືການຫັນເປັນ ເສດຖະກິດຕະຫຼາດ, ອຸດສາ ຫະກຳທັນສະໄໝ, ການສ້າງ ວຽກເຮັດງານທຳໃຫ້ປະຊາ ຊົນລາວບັນດາເຜົ່າ ໄປຄຽງ ຄູ່ກັບການພັດທະນາຕາມທິດ ສີຂຽວຍືນຍົງບວກກັບທ່າອ່ຽງ ຂອງຄົນໃນສັງຄົມ ນັບມື້ນັບ ຫັນມາໃສ່ໃຈສຸຂະພາບຫຼາຍ ຂຶ້ນ ໄດ້ເຮັດໃຫ້ຕົນເອງເກີດມີ ຄວາມຄິດ ແລະ ຕັດສິນໃຈດຳ ເນີນການຜະລິດຝຸ່ນຊີວະພາບ ໄປຄວບຄູ່ກັບການຜະລິດເຂົ້າ ຈ້າວປອດສານພິດ ເພື່ອຈຳ ໜ່າຍອອກສູ່ຕະຫຼາດ. ທ່ານຜູ້ອຳນວຍການໃຫຍ່ ຂອງບໍລິສັດພູນເງິນການຄ້າ ຂາອອກ-ຂາເຂົ້າຈຳກັດຜູ້ດຽວ ຍັງອະທິບາຍວ່າ: ສປປ ລາວ ບໍ່ພຽງເປັນເຂດອຸດົມສົມບູນ ດິນດຳນ້ຳຊຸ່ມເທົ່ານັ້ນ ຫາກ ຍັງມີຂີ້ເຈຍທຳມະຊາດ ແລະ ວັດຖຸດິບອື່ນໆມີຢ່າງຫຼວງຫຼາຍ ຈຶ່ງເປັນໂອກາດທີ່ດີ ເພື່ອນຳ ເອົາສິ່ງເຫຼົ່ານັ້ນປັບປຸງ ຫຼື ນຳ ມາຜະລິດເຮັດຝຸ່ນຊີວະພາບ ສະໜອງໃຫ້ປະຊາຊົນລາວ ໂດຍສະເພາະຜູ້ຜະລິດສາ ມາດເຂົ້າເຖິງແຫຼ່ງຝຸ່ນຊີວະ ພາບໄດ້ງ່າຍຂຶ້ນ ທັງປະຢັດຕົ້ນ ທຶນການຜະລິດ ແລະ ຫຼຸດ ຜ່ອນເງິນຕາຮົ່ວໄຫຼອອກນອກ ປະເທດອີກດ້ວຍ. ປັດຈຸບັນນີ້ ພວກເຮົາທັງ ຜະລິດຝຸ່ນຊີວະພາບ ແລະ ຜະລິດເຂົ້າຈ້າວປອດສານພິດ ຄວບຄູ່ກັນເຫັນວ່າຜົນຕອບ ຮັບຈາກລູກຄ້າດີເກີນຄາດ ຊຶ່ງ ຕໍ່ໜ້າ ພວກເຮົາໄດ້ວາງແຜນ ຂະຫຍາຍເນື້ອທີ່ປູກເຂົ້າເພີ່ມ ຂຶ້ນຢູ່ບັນດາແຂວງພາກກາງ ໂດຍມີນະໂຍບາຍໃຫ້ປະຊາ ຊົນເປັນຜູ້ປູກ ແຕ່ບໍລິສັດເປັນ ຜູ້ຮັບຊື້ໃນລາຄາສົມເຫດສົມ ຜົນ ເພື່ອສ້າງລາຍຮັບ ແລະ ສ້າງວຽກເຮັດງານທຳໃຫ້ປະ ຊາຊົນທ້ອງຖິ່ນເຂັ້ມແຂງກ້າວ ໄປໃນການຫຼຸຸດພົ້ນອອກຈາກ ຄວາມທຸກຍາກ. ແນວໃດກໍດີ ໃນອະນາ ຄົດໄດ້ວາງຄາດໝາຍໄວ້ວ່າ ຈະຂະຫຍາຍຕົວແທນຈຳໜ່າຍ ທີ່ເປັນຜະລິດຕະພັນຂອງບໍລິ ສັດໄປຍັງບັນດາແຂວງຕ່າງໆ ໃຫ້ທົ່ວເຖິງ ເພື່ອຮັບປະກັນ ເຮັດໃຫ້ປະຊາຊົນໄດ້ບໍລິໂພກ ເຂົ້າຈ້າວປອດສານພິດພູນ ເງິນ ທັງສົ່ງເສີມໃຫ້ປະຊາຊົນ ລາວມີສຸຂະພາບແຂງແຮງອີກ ດ້ວຍ. ສະນັ້ນ, ຖ້າຫາກທ່ານໃດ ມີຄວາມສົນໃຈ ຫຼື ຕ້ອງການ ຢາກທົດລອງຊີມເຂົ້າຈ້າວ ປອດສານພິດພູນເງິນ ສາມາດ ຊື້ໄດ້ຢູ່ຮ້ານສະດວກຊື້ (ມິນິ ມາກ), ຕາມຕະຫຼາດຕ່າງໆພາຍ ໃນຂອບເຂດນະຄອນຫຼວງວຽງ ຈັນໄດ້ ສ່ວນຝຸ່ນຊີວະພາບ ກາ ດອກຈຳປາ ກໍສາມາດຕິດຕໍ່ຊື້ ໄດ້ຕາມຫ້າງຮ້ານຕ່າງໆໄດ້. (ພາບ-ຂ່າວ: ເກີດຂວັນ ໃຈ ມາລີຈັນສີ)