ລັດຖະບານ ປະກາດເຂດນ້ຳຖ້ວມເມືອງສະໜາມໄຊ ເປັນເຂດໄພພິບັດສຸກເສີນ ແລະ ຮຽກຮ້ອງສັງຄົມ ໃຫ້ການຊ່ວຍເຫຼືອດ່ວນ


...

24.07.2018 20:09     

   ຫົວໜ້າຫ້ອງວ່າການສຳ ນັກງານນາຍົກລັດຖະມົນຕີໄດ້ ອອກແຈ້ງ ການ ສະບັບເລກທີ 1105/ ຫສນຍ ລົງວັນທີ 24 ກໍລະກົດ 2018 ປະກາດເອົາ ເຂດທີ່ໄດ້ຮັບຜົນກະທົບຈາກໄພ ນ້ຳຖ້ວມຂອງເມືອງສະໜາມໄຊ ແຂວງອັດຕະປື ເປັນເຂດປະສົບ ໄພພິບັດສຸກເສີນລະດັບຊາດ. ແຈ້ງການລະບຸວ່າ: ຮຽນ ທ່ານປະທານສູນກາງແນວລາວ ສ້າງຊາດທີ່ນັບຖື - ບັນດາທ່ານລັດຖະມົນ ຕີກະຊວງ, ຫົວໜ້າອົງການລັດ ທຽບເທົ່າກະຊວງ, - ທ່ານເຈົ້າຄອງນະຄອນ ຫຼວງວຽງຈັນ ແລະ ບັນດາທ່ານ ເຈົ້າແຂວງ, - ບັນດາທ່ານຫົວໜ້າອົງ ການຈັດຕັ້ງມະຫາຊົນ, ເລື່ອງ: ການຊ່ວຍເຫຼືອຜູ້ ປະສົບໄພ ທີ່ໄດ້ຮັບຜົນກະທົບ ຈາກເຫດການອຸບັດເຫດໂຄງ ການກໍ່ສ້າງເຂື່ອນໄຟຟ້າເຊ ປຽນ-ເຊນ້ຳນ້ອຍ ຢູ່ແຂວງອັດ ຕະປື ໃນຄັ້ງວັນທີ 23 ກໍລະກົດ 2018. - ອີງຕາມການຕົກລົງຂອງ ກອງປະຊຸມລັດຖະບານສະໄໝ ສາມັນ ປະຈຳເດືອນກໍລະກົດ ຄັ້ງວັນທີ 24 ກໍລະກົດ 2018. ຫ້ອງວ່າການສຳນັກງານ ນາຍົກລັດຖະມົນຕີ ຂໍຖືເປັນ ກຽດແຈ້ງທິດຊີ້ນຳ ແລະ ຕົກລົງ ຂອງກອງປະຊຸມລັດຖະບານ ມາຍັງທ່ານຊາບດັ່ງນີ້: 1. ລັດ ຖະບານໄດ້ປະກາດເອົາເຂດ ທີ່ໄດ້ຮັບຜົນກະທົບຈາກໄພນ້ຳ ຖ້ວມຂອງເມືອງສະໜາມໄຊ ແຂວງອັດຕະປື ເປັນເຂດປະສົບ ໄພພິບັດສຸກເສີນລະດັບຊາດ. 2. ມອບໃຫ້ກະຊວງແຮງ ງານ ແລະ ສະຫວັດດີການສັງ ຄົມສົມທົບກັບກະຊວງປ້ອງ ກັນປະເທດ, ແຂວງອັດຕະປື ແລະ ພາກສ່ວນທີ່ກ່ຽວຂ້ອງຮີບ ຮ້ອນແຕ່ງຕັ້ງຄະນະຮັບຜິດ ຊອບ ເພື່ອເປັນໃຈກາງໃນການ ປະສານງານ, ການລະດົມທຶນ, ທ້ອນໂຮມເອົາທຶນຮອນ ແລະ ວັດຖຸປັດໄຈຕ່າງໆຈາກທຸກພາກ ສ່ວນຂອງພາກລັດທັງສູນກາງ ແລະ ທ້ອງຖິ່ນ, ພາກເອກະຊົນ ຜູ້ປະກອບການ, ອົງການຈັດຕັ້ງ ສາກົນປະຈຳ ສປປ ລາວ ແລະ ພໍ່ແມ່ປະຊາຊົນລາວຜູ້ມີນ້ຳໃຈ ສັດທາ. 3. ສຳລັບທຶນ ແລະ ວັດຖຸ ສິ່ງຂອງທີ່ລະດົມມາໄດ້, ສຳ ລັບຢູ່ສູນກາງໃຫ້ໄປມອບລວມ ສູນຢູ່ຫ້ອງການຄະນະກຳມະ ການປ້ອງກັນ ແລະ ຄວບຄຸມ ໄພພິບັດແຫ່ງຊາດ, ກະຊວງ ແຮງງານ ແລະ ສະຫວັດດີ ການສັງຄົມ (ກົມສັງຄົມສົງ ເຄາະ, ໂທລະສັບ: 020 2222 5185 ທ່ານ ວິໄລພົງ ຮອງຫົວ ໜ້າກົມສັງຄົມສົງເຄາະ). ສຳ ລັບທ້ອງຖິ່ນ (ນະຄອນຫຼວງ ແລະ ແຂວງ) ແມ່ນໃຫ້ໄປມອບ ຢູ່ຫ້ອງວ່າການປົກຄອງແຂວງ. ດັ່ງນັ້ນ ຈຶ່ງແຈ້ງມາຍັງທ່ານ ເພື່ອຊາບ ແລະ ຈັດຕັ້ງປະຕິບັດ ຕາມເນື້ອໃນແຈ້ງການສະບັບ ນີ້ດ້ວຍ. (ຂ່າວ: ຫສນຍ)