ນາຍົກຖະແຫຼງຂ່າວກໍລະນີອຸປະຕິເຫດການແຕກຫັກຂອງເຂື່ອນກັ້ນນ້ຳ ເຊປຽນ-ເຊນ້ຳນ້ອຍ


...

26.07.2018 13:58     

   ປະຊາຊົນຜູ້ທີ່ໄດ້ຮັບຜົນກະທົບ ຈາກອຸປະຕິເຫດການແຕກ ຫັກຂອງເຂື່ອນກັ້ນນ້ຳ ເຊປຽນ-ເຊນ້ຳນ້ອຍ ເມື່ອວັນທີ 23 ກໍ ລະກົດຜ່ານມາ ມີຈຳນວນ 587 ຄອບຄົວ ຍັງຂາດທີ່ຢູ່ອາໄສ, ສ່ວນຍອດຜູ້ສູນຫາຍ ຍັງບໍ່ສາມາດສະຫຼຸບຊັດເຈນ ແຕ່ໜ່ວຍ ກູ້ໄພຍັງສືບຕໍ່ຄົ້ນຫາຢູ່, ຄວາມຕ້ອງການ ການຊ່ວຍເຫຼືອອັນ ຮີບດ່ວນໃນຂະນະນີ້ ແມ່ນເຄື່ອງອຸປະໂພກ-ບໍລິໂພກ ແລະ ເຄື່ອງໃຊ້ທີ່ຈຳເປັນໃນຊີວິດປະຈຳວັນ. ໃນວັນທີ 25 ກໍລະກົດນີ້ທີ່ສຳນັກງານນາຍົກລັດຖະມົນ ຕີ, ທ່ານ ທອງລຸນ ສີສຸລິດ ນາ ຍົກລັດຖະມົນຕີ ແຫ່ງ ສປປ ລາວ ໄດ້ຖະແຫຼງຂ່າວຕໍ່ສື່ມວນ ຊົນວ່າ: ສະພາບທີ່ເກີດຂຶ້ນ ເລີ່ມກາງຄືນຂອງວັນທີ 23 ກໍລະກົດ 2018 ຢູ່ເມືອງສະ ໜາມໄຊ ແຂວງອັດຕະປື ທີ່ຂ້າ ພະເຈົ້າໄດ້ລົງໄປກວດເບິ່ງສະ ພາບພໍສັງລວມໄດ້ດັ່ງນີ້: - ເຫັນຜົນກະທົບຈາກໄພ ນ້ຳຖ້ວມຄັ້ງນີ້ແມ່ນຮ້າຍແຮງ ແລະ ໃຫຍ່ຫຼວງ, ອາດຈະເວົ້າ ໄດ້ວ່າເປັນຄັ້ງທຳອິດໃນຮອບ ຫຼາຍສິບປີກໍ່ວ່າໄດ້. ສາເຫດກໍ ແມ່ນຝົນຕົກໜັກຕິດຕໍ່ກັນ ຫຼາຍວັນ, ປະລິມານນ້ຳຂຶ້ນສູງ ຫຼາຍ ເຮັດໃຫ້ອ່າງເກັບນ້ຳສຳ ຮອງຂອງເຂື່ອນໄຟຟ້າເຊປຽນ- ເຊນ້ຳນ້ອຍ ຮັບນ້ຳບໍ່ໄດ້ເລີຍ ແຕກ ນ້ຳສຸລົງມາສູ່ລຸ່ມ ລົງເຖິງ ບ້ານເຮືອນປະຊາຊົນຢ່າງກະ ທັນຫັນ, ປະຊາຊົນຫຼົບໄປຢູ່ທີ່ ສູງບໍ່ທັນ ເຮັດໃຫ້ບ້ານເຮືອນ ຈົມຢູ່ໃຕ້ນ້ຳ, ກະແສນ້ຳໄຫຼ ແຮງພັດເອົາເຮືອນ ພ້ອມດ້ວຍ ຄົນໄປຕາມກະແສນ້ຳ. - ປະຊາຊົນຈຳນວນໜຶ່ງ ຫາຍສາບສູນ ຍັງບໍ່ສາມາດສະ ຫຼຸບຈຳນວນບໍ່ທັນໄດ້ໝົດວ່າມີ ຈັກຄົນແທ້. - ສ່ວນປະຊາຊົນທີ່ຫຼົບ ໄພຢູ່ເທິງຫຼັງຄາເຮືອນ, ເທິງ ຕົ້ນໄມ້ໃຫຍ່ ລໍຖ້າການຊ່ວຍ ເຫຼືອນັ້ນ, ຮອດເວລາ 19:00 ໂມງຂອງວັນທີ 24 ກໍລະກົດ 2018 ນີ້ ໄດ້ກອບກູ້ເອົາມາໄດ້ ໝົດແລ້ວ, ໄດ້ເອົາເຂົາເຈົ້າມາ ໄວ້ຢູ່ຫ້ອງການປົກຄອງເມືອງ, ໂຮງຮຽນຢູ່ເທດສະບານເມືອງ ແລະ ຢູ່ທີ່ສູງ ແລະ ປອດໄພ ໝົດແລ້ວ... ໜ່ວຍກູ້ໄພ ໄດ້ ດຳເນີນການກວດກາ ລົງທະ ບຽນ ແລະ ກວດສຸຂະພາບ, ຈັດສັນທີ່ຢູ່ອາໄສຊົ່ວຄາວ, ຊ່ວຍບັນເທົາທຸກດ້ວຍເຄື່ອງ ນຸ່ງຫົ່ມ, ອາຫານ, ຢາປົວພະ ຍາດ ໄດ້ໃນລະດັບຕົ້ນ ລໍຖ້າ ນ້ຳລົງ ຈຶ່ງສືບຕໍ່ຊ່ວຍປະຊາຊົນ ຕໍ່ໄປ. ສ່ວນຈຳນວນຜູ້ທີ່ຂາດທີ່ ຢູ່ອາໄສ ມີເຖິງ 587 ຄອບຄົວ ມີຈຳນວນ 3.060 ຄົນ, ຜູ້ສູນ ຫາຍມາເຖິງປັດຈຸບັນມີເຖິງ 131 ຄົນນັ້ນ, ທາງຄະນະກຳ ມະການກູ້ໄພຈາກສູນກາງ, ທ້ອງຖິ່ນ ກຳລັງສືບຕໍ່ແກ້ໄຂ ບັນຫາຢູ່ໃນ 13 ບ້ານ ທີ່ຖືກ ຜົນກະທົບ ເພາະນ້ຳຈາກຈຸດ ຖືກຜົນກະທົບທຳອິດນັ້ນ ໄດ້ ຫຼຸຸດລະດັບລົງ ແຕ່ປະລິມານ ນ້ຳຊ້ຳພັດກຳລັງໄຫຼເທລົງ 5-6 ບ້ານທາງໃຕ້ຕື່ມອີກ. (ໜ່ວຍ ງານທີ່ປະຈຳພື້ນທີ່ຈະສືບຕໍ່ໄປ ກອບກູ້ຕໍ່ໄປ ແລະ ຊ່ວຍເຫຼືອ ຕໍ່ໄປ). 2. ລັດຖະບານໄດ້ປະຊຸມ ກັນດ່ວນຕື່ມອີກ ໃນຕອນບ່າຍ ຂອງວັນທີ 25 ກໍລະກົດ ແລະ ໄດ້ຕົກລົງສ້າງຕັ້ງຄະນະສະ ເພາະກິດຂຶ້ນ ໂດຍມອບໝາຍ ໃຫ້ ຮອງນາຍົກລັດຖະມົນຕີ ສອນໄຊ ສີພັນດອນ ເປັນຫົວ ໜ້າຄະນະ, ປະກອບດ້ວຍພາກ ສ່ວນທີ່ກ່ຽວຂ້ອງ ແລະ ແຂວງ ອັດຕະປື, ເມືອງສະໜາມໄຊ ເພື່ອສືບຕໍ່ແກ້ໄຂມີທັງໄລຍະ ສະເພາະໜ້າ ແລະ ໄລຍະ ຍາວ. ຄະນະສະເພາະກິດນີ້ ຈະໄດ້ປະເມີນຜົນເສຍຫາຍ, ທັງຊອກຫາສາເຫດທີ່ພາໃຫ້ ເກີດອຸບັດເຫດການແຕກຫັກ ຂອງອ່າງເກັບນ້ຳດັ່ງກ່າວ ຮ່ວມ ກັບບໍລິສັດທີ່ໄດ້ຮັບການສຳ ປະທານ ກວດກາຄວາມຮັບ ຜິດຊອບ ແລະ ພັນທະຂອງ ແຕ່ລະຝ່າຍ ໃນການແກ້ໄຂ ເຫດການໃນຄັ້ງນີ້. 3. ຂ້າພະເຈົ້າ ໄດ້ຕິດ ຕາມຢ່າງໃກ້ຊິດ ໃນການດຳ ເນີນການແກ້ໄຂ... ໃນຄັ້ງນີ້ ແລະ ໄດ້ລົງກວດກາຊີ້ນຳດ້ວຍ ຕົນເອງ ໃນພື້ນທີ່ຕົວຈິງ ແລະ ຂໍສະແດງຄວາມຮູ້ບຸນຄຸນ ແລະ ຂອບໃຈຕໍ່ການຊ່ວຍເຫຼືອຂອງ ທຸກພາກສ່ວນດ້ວຍນ້ຳໃສໃຈ ຈິງ, ດ້ວຍຄວາມເປັນຫ່ວງຂອງ ປະຊາຊົນລາວ ທີ່ມີຕໍ່ປະຊາ ຊົນ ຜູ້ຖືກເຄາະຮ້າຍໃນຄັ້ງນີ້ ແລະ ຂ້າພະເຈົ້າຕາງໜ້າໃຫ້ລັດຖະ ບານ ແລະ ປະຊາຊົນລາວຂໍ ຂອບໃຈຢ່າງຈິງໃຈຕໍ່ການສະ ແດງຄວາມເຫັນໃຈ ແລະ ສະ ແດງເຈດຈຳນົງ ໃຫ້ການຊ່ວຍ ເຫຼືອຈາກລັດຖະບານ ແລະ ປະ ຊາຊົນປະເທດເພື່ອນມິດ ແລະ ອົງການຈັດຕັ້ງສາກົນໃນຄັ້ງນີ້.. ສິ່ງດັ່ງກ່າວໄດ້ສ້າງກຳລັງແຮງ ແລະ ກຳລັງໃຈໃຫ້ແກ່ຜູ້ປະສົບ ເຄາະຮ້າຍໃນຄັ້ງນີ້ ເພື່ອສາ ມາດເຮັດໃຫ້ສະພາບຟື້ນຟູ ເຂົ້າສູ່ຄວາມເປັນປົກກະຕິ ໂດຍໄວ. 4. ຂ້າພະເຈົ້າ ຂໍຮຽກຮ້ອງ ໃຫ້ເພື່ອນຮ່ວມຊາດໃນທົ່ວປະ ເທດ ແລະ ພີ່ນ້ອງລາວໃນຕ່າງ ປະເທດ ຈົ່ງໄດ້ເອົາໃຈຊ່ວຍ ເພື່ອແກ້ໄຂເຫດການຄັ້ງນີ້. ຂ້າ ພະເຈົ້າມີຄວາມເຊື່ອໝັ້ນວ່າ ເຫດການດັ່ງກ່າວນີ້ ຈະໄດ້ຮັບ ການແກ້ໄຂ ແລະ ສະພາບການ ຈະກ້າວເຂົ້າສູ່ຄວາມເປັນປົກ ກະຕິໂດຍໄວ. ຂ້າພະເຈົ້າ ຂໍໃຫ້ທຸກຄົນ ມີສະຕິຕໍ່ຂ່າວຄາວທີ່ອອກມາ ແລະ ຈະອອກມາໃນຕໍ່ໜ້າ ເພື່ອບໍ່ໃຫ້ເປັນການສ້າງຄວາມ ເຂົ້າໃຈຜິດເຂວໄປຕ່າງໆນາໆ ແລະ ສຸມກຳລັງແຮງກຳລັງຊັບ, ກຳລັງໃຈຂອງພວກເຮົາທຸກຄົນ ເພື່ອຊ່ວຍກັນໃຫ້ສະພາບກັບ ມາສູ່ປົກກະຕິໂດຍໄວ. 5. ຂ້າພະເຈົ້າ ຂໍໃຫ້ພີ່ນ້ອງ ປະຊາຊົນ ແຕ່ເໜືອຮອດໃຕ້ ສືບຕໍ່ຕິດຕາມສະພາບດິນຟ້າ ອາກາດທີ່ມີການປ່ຽນແປງຢູ່ ຕະຫຼອດເວລານີ້ ແລະ ມີສະ ຕິລະວັງຕົວໄວ້ຢູ່ສະເໝີ ເພື່ອ ກຽມຮັບມືກັບສະຖານະການ ທີ່ຈະເກີດຂຶ້ນຂອງໄພທຳມະ ຊາດແຕ່ລະຄັ້ງເພື່ອຫຼີກລ່ຽງ ຄວາມເສຍຫາຍ. ຂ້າພະເຈົ້າຂໍມອບໝາຍ ໃຫ້ຄະນະພັກ, ອຳນາດການ ປົກຄອງ ແລະ ທຸກໜ່ວຍງານ ນັບທັງຢູ່ສູນກາງ ແລະ ທ້ອງ ຖິ່ນ ຈົ່ງນຳພາປະຊາຊົນດ້ວຍ ຄວາມຮັບຜິດຊອບສູງໃນການ ເຕືອນສະຕິ, ນຳພາກະກຽມ ຮັບມືຫຼີກລ່ຽງຜົນກະທົບ ແລະ ເມື່ອມີເຫດເກີດຂຶ້ນຕ້ອງມີ ແຜນປະຕິບັດງານຮັບມືຢ່າງມີ ປະສິດທິຜົນ.