ລັດຖະບານ ຢືນຢັນຈະສືບຕໍ່ຊອກຫາຜູ້ສູນຫາຍ ແລະ ຕົກຄ້າງ ຈາກໄພພິບັດທຳມະຊາດ ຢູ່ເມືອງສະໜາມໄຊ


...

29.07.2018 16:03     

   ທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ລົງພົບປະບັນດາພະນັກງານທີ່ເຮັດວຽກປະຈຳ ຢູ່ສູນຮັບບໍລິຈາກເຄື່ອງຊ່ວຍເຫຼືອຜູ້ປະສົບໄພພິບັດນ້ຳຖ້ວມຂອງກະຊວງແຮງງານ ແລະ ສະຫວັດ ດີການສັງຄົມ (ຮສສ) ໃນວັນທີ 29 ກໍລະກົດ ຜ່ານມາ ທີ່ກະຊວງດັ່ງກ່າວ ໂດຍມີທ່ານ ຄຳແພງ ໄຊສົມແພງ ລັດຖະມົນຕີກະຊວງ ຮສສ ພ້ອມບັນດາຮອງລັດຖະມົນຕີ, ຫົວໜ້າກົມ, ຮອງກົມ, ພາກສ່ວນບໍລິສັດ, ຫ້າງຮ້ານ ແລະ ພາກສ່ວນຕ່າງໆໃຫ້ການອຸປະຖຳເຂົ້າຮ່ວມ. ໃນໂອກາດພົບປະຄັ້ງນີ້, ທ່ານນາຍົກລັດຖະມົນຕີ ໄດ້ກ່າວຢືນຢັນຕໍ່ສື່ມວນຊົນວ່າຈະສືບຕໍ່ດຳເນີນ ການຄົ້ນຫາຜູ້ທີ່ຍັງຕົກຄ້າງ ແລະ ສູນຫາຍທັງຜູ້ທີ່ຍັງມີຊີວິດ ແລະ ຜູ້ເສຍຊີວິດແລ້ວ ກໍຕາມໃຫ້ພົບໂດຍໄວ ພ້ອມ ທັງເລັ່ງຟື້ນຟູ, ປົວແປງເຮືອນ ຊານ ເພື່ອນຳເອົາປະຊາຊົນກັບ ຄືນສູ່ບ້ານເຮືອນ, ທ່ານໄດ້ກ່າວ ໃຫ້ຮູ້ອີກວ່າ: ຈາກເຫດການທີ່ ເກີດຂຶ້ນໄດ້ເຮັດໃຫ້ຫຼາຍພາກ ສ່ວນມີຄວາມກະຕືລືລົ້ນຮ່ວມ ແຮງຮ່ວມໃຈກັນຊ່ວຍເຫຼືອ ຊຶ່ງ ເຫັນໄດ້ສະເພາະນະຄອນຫຼວງ ວຽງຈັນ ໄດ້ເປີດຮັບບໍລິຈາກ ເຄື່ອງຊ່ວຍເຫຼືອໃນຫຼາຍຈຸດ, ຖື ວ່າທົ່ວປະເທດໄດ້ສົ່ງທັງແຮງ ກາຍ-ແຮງໃຈ ແລະ ນ້ຳໃຈທີ່ ເປັນວັດຖຸ, ສິ່ງຂອງ ແລະ ເງິນ ຄຳຈຳນວນໜຶ່ງ. ນອກຈາກນັ້ນ ລາວເຮົາຍັງໄດ້ຮັບການຊ່ວຍ ເຫຼືອທາງດ້ານວັດຖຸ-ສິ່ງຂອງ ພ້ອມດ້ວຍເງິນ ແລະ ເຫື່ອແຮງ ຈາກບັນດາປະເທດເພື່ອນມິດ ຢ່າງບໍ່ຂາດສາຍ, ຖືເປັນການ ຊ່ວຍເຫຼືອທີ່ບໍ່ສາມາດປະເມີນ ມູນຄ່າໄດ້. ດັ່ງນັ້ນ ໃນນາມລັດ ຖະບານ ຂໍສະແດງຄວາມຂອບ ໃຈມາຍັງພາກສ່ວນທີ່ໃຫ້ການ ຊ່ວຍເຫຼືອບໍ່ວ່າຈະເປັນທັງພາຍ ໃນ ແລະ ປະເທດເພື່ອນມິດທີ່ ຢູ່ໃກ້ ແລະ ໄກທີ່ໃຫ້ການຊ່ວຍ ເຫຼືອຄັ້ງນີ້, ເຊື່ອໝັ້ນວ່າການ ຊ່ວຍເຫຼືອດັ່ງກ່າວຈະໄປຮອດ ໄປເຖິງຜູ້ປະສົບໄພໄດ້ທັນການ. ນອກຈາກນັ້ນ, ລັດຖະ ບານຍັງຈະສືບຕໍ່ຊອກຄົ້ນຫາຜູ້ ທີ່ຍັງຕົກຄ້າງ-ສູນຫາຍໃຫ້ໄວ ທີ່ສຸດ ເພື່ອໃຫ້ເຂົາເຈົ້າໄດ້ມີຊີ ວິດຕໍ່ໄປ, ສ່ວນຜູ້ເສຍຊີວິດກໍ ຕ້ອງຊອກໃຫ້ໄດ້ ແລະ ພາຍ ຫຼັງທີ່ນ້ຳຫຼຸດແມ່ນຈະຊ່ວຍປະ ຊາຊົນກັບໄປສູ່ບ້ານ, ເຮືອນ ແລະ ຟື້ນຟູເຮືອນຊານທີ່ເປ່ເພ ເພື່ອເຮັດໃຫ້ຊີວິດການເປັນຢູ່ ຂອງປະຊາຊົນຊາວເມືອງສະ ໜາມໄຊກັບຄືນສູ່ສະພາບປົກ ກະຕິ. ພ້ອມດຽວກັນນັ້ນ, ລັດ ຖະບານຍັງຈະສືບຕໍ່ສືບສວນ-ສອບສວນຈຸດເກີດເຫດ, ຊອກ ໃຫ້ໄດ້ເຫັນສາເຫດ ແລະ ເຫດ ຜົນຂອງການເກີດໄພພິບັດຄັ້ງ ນີ້ ໂດຍສະເພາະບໍລິສັດທີ່ອອກ ແບບ ແລະ ບໍລິສັດກໍ່ສ້າງ ເພື່ອ ເຮັດໃຫ້ການສອບສວນມີຄວາມ ໂປ່ງໃສ, ຊຶ່ງລັດຖະບານຈະ ຮ່ວມມືກັບບໍລິສັດທີ່ລົງທຶນແກ້ ໄຂບັນຫານີ້. ດັ່ງນັ້ນ, ຈຶ່ງຮຽກ ຮ້ອງມາຍັງປະຊາຊົນຕ້ອງມີສະ ຕິຊ່ວຍກັນ ພ້ອມທັງບໍ່ໃຫ້ຫຼົງ ເຊື່ອແຫຼ່ງຂ່າວທີ່ບໍ່ມີມູນຄວາມ ຈິງ ແລະ ຢາກໃຫ້ຟັງຕິດຕາມ ຂ່າວຈາກທາງລັດຖະບານເທົ່າ ນັ້ນ. ສຳລັບການສະຫຼຸບຍອດ ເງິນຮັບບໍລິຈາກຊ່ວຍເຫຼືອຜູ້ ປະສົບໄພນ້ຳຖ້ວມ ປີ 2018 ນັບແຕ່ວັນທີ 24-28 ກໍລະກົດ 2018 ທີ່ຜ່ານມາ ກະຊວງ ຮສສ ລວມຍອດລາຍຮັບຈາກການ ບໍລິຈາກເປັນຈຳນວນທັງໝົດ 11 ຕື້ກ່ວາກີບ. (ຂ່າວ: ນ.ພູວັນ)