ປະທານສະພາແຫ່ງຊາດ ຕ້ອນຮັບຄະນະຜູ້ແທນຫວຽດນາມ


...

30.07.2018 9:46     

   ທ່ານ ນາງ ປານີ ຢາທໍ່ຕູ້ ປະທານສະພາແຫ່ງຊາດ ໄດ້ ຕ້ອນຮັບການເຂົ້າຢ້ຽມຂ່ຳນັບ ຂອງ ທ່ານ ຫງວຽນ ດຶກ ຫ໋າຍ ຄະນະປະຈຳປະທານກຳມາ ທິການການເງິນ-ງົບປະມານ ສະພາ ແຫ່ງຊາດ ສສ ຫວຽດ ນາມ ພ້ອມດ້ວຍຄະນະ ໃນວັນ ທີ 26 ກໍລະກົດນີ້ ທີ່ຫ້ອງຮັບ ແຂກສະພາແຫ່ງຊາດ ໃນໂອ ກາດທີ່ເດີນທາງມາຢ້ຽມຢາມ ແລະ ເຮັດວຽກຢູ່ ສປປ ລາວ ຢ່າງເປັນທາງການ. ໃນໂອກາດພົບປະໂອ້ລົມ ກັນ, ທ່ານ ນາງ ປານີ ຢາທໍ່ຕູ້ ກໍໄດ້ສະແດງຄວາມຍິນດີຕ້ອນ ຮັບ ແລະ ຕີລາຄາສູງຕໍ່ທ່ານ ຫງວຽນ ດຶກ ຫ໋າຍ ພ້ອມດ້ວຍ ຄະນະທີ່ໄດ້ເດີນທາງມາເຮັດ ວຽກ ແລະ ຢ້ຽມຢາມ ສປປ ລາວ ຢ່າງເປັນທາງການ ຊຶ່ງຈະ ເປັນການປະກອບສ່ວນອັນສຳຄັນ ເຂົ້າໃນການເສີມຂະຫຍາຍ ສາຍພົວພັນມິດຕະພາບ ແລະ ການ ຮ່ວມມືລະຫວ່າງ ສປປ ລາວ ແລະ ສສ ຫວຽດນາມ ທີ່ມີມາແຕ່ດົນນານແລ້ວນັ້ນ ໃຫ້ຂະຫຍາຍຕົວຍິ່ງໆຂຶ້ນ ແລະ ໃນໂອກາດດຽວກັນທ່ານ ຫງວຽນ ດິກ ທາຍ ກໍໄດ້ສະ ແດງຄວາມຂອບອົກຂອບໃຈ ຕໍ່ທ່ານ ນາງ ປານີ ຢາທໍ່ຕູ້ ທີ່ ໄດ້ໃຫ້ການຕ້ອນຮັບຢ່າງອົບ ອຸ່ນ ໃນຄັ້ງນີ້ ພ້ອມທັງລາຍງານ ກ່ຽວກັບສະພາບການຮ່ວມມື ແມ່ນປະສົບຜົນສຳເລັດເປັນຢ່າງດີ. ໃນວັນດຽວກັນ, ທີ່ໂຮງ ແຮມເມືອງແທັງ ກໍໄດ້ມີກອງ ປະຊຸມພົບປະສອງຝ່າຍລາວ- ຫວຽດນາມ, ຝ່າຍລາວນຳໂດຍ ທ່ານ ວິໄລວົງ ບຸດດາຄຳ ຄະນະ ປະຈຳປະທານກຳມາທິການ ແຜນການ, ການເງິນ ແລະ ກວດ ສອບສະພາແຫ່ງຊາດລາວ ຝ່າຍ ຫວຽດນາມ ນຳໂດຍ ທ່ານ ຫງວຽນ ດຶກ ຫ໋າຍ ໃນ ການພົບປະຕ່າງຝ່າຍໄດ້ແຈ້ງ ສະພາບການເຄື່ອນໄຫວຂອງ ວຽກງານໃນໄລຍະຜ່ານມາໃຫ້ ກັນ ແລະ ກັນຊາບ. (ຂ່າວ: ບຸນຕອມ)