ສານສະແດງຄວາມເຫັນໃຈ ຈາກຜູ້ນຳ ຣັດເຊຍ ເຖິງຜູ້ນຳເຮົາ


30.07.2018 9:45     

   ພະນະທ່ານ ວະລາດີເມຍ ປູຕິນ ປະທານາທິບໍດີ ແຫ່ງ ສະຫະພັນ ຣັດເຊຍ ໄດ້ສົ່ງສານສະແດງຄວາມເຫັນໃຈເຖິງພະ ນະທ່ານ ບຸນຍັງ ວໍລະຈິດ ປະທານປະເທດ ແຫ່ງ ສປປ ລາວ ເມື່ອວັນທີ 25/7/2018 ຜ່ານມາ ຊຶ່ງມີເນື້ອໃນດັ່ງນີ້: ພະນະ ທ່ານ ປະທານປະເທດ, ຂ້າພະເຈົ້າຂໍສະແດງຄວາມເສົ້າສະ ຫຼົດໃຈຢ່າງສຸດຊຶ້ງ ຕໍ່ເຫດການໄພພິບັດນ້ຳຖ້ວມຢ່າງຮຸນແຮງ ຢູ່ແຂວງພາກໃຕ້ຂອງ ສປປ ລາວ ຊຶ່ງເຮັດໃຫ້ມີການສູນເສຍຊີ ວິດ, ຊັບສິນ ແລະ ຜູ້ສູນຫາຍເປັນຈຳນວນຫຼວງຫຼາຍ. ຂ້າພະເຈົ້າ ຂໍສະແດງຄວາມເຫັນອົກເຫັນໃຈມາຍັງຄອບ ຄົວ ພ້ອມດ້ວຍຍາດຕິພີ່ນ້ອງ ລວມທັງທຸກໆຄົນທີ່ໄດ້ຮັບເຄາະ ຮ້າຍຈາກໄພພິບັດຄັ້ງນີ້. ໃນໂອກາດດຽວກັນນີ້ ພະນະທ່ານ ເດີມີຕຣີ ເມັດເວດເດບ ນາຍົກລັດຖະມົນຕີ ແຫ່ງ ສະຫະພັນ ຣັດເຊຍ ກໍໄດ້ສົ່ງສານສະແດງຄວາມເຫັນໃຈເຖິງພະນະທ່ານ ທອງລຸນ ສີລຸລິດ ນາຍົກລັດຖະມົນຕີ ແຫ່ງ ສປປ ລາວ ທີ່ນະ ຄອນຫຼວງວຽງຈັນ ເຊັ່ນດຽວກັນ