ນາຍົກລັດຖະມົນຕີ ໃຫ້ທິດຊີ້ນຳ 4 ວຽກໃຫຍ່ຮີບດ່ວນເພ່ືອແກ້ໄຂໄພນ້ຳຖ້ວມ ຢູ່ອັດຕະປື


...

02.08.2018 10:05     

   ທ່ານ ທອງລຸນ ສີສຸລິດ ນາຍົກລັດຖະມົນຕີ ໄດ້ພົບປະໂອ້ລົມ ແລະ ໃຫ້ທິດຊີ້ນຳຮີບດ່ວນຕໍ່ຄະ ນະກຳມະການສະເພາະກິດແກ້ໄຂໄພພິບັດລະດັບຊາດ ພ້ອມການນຳແຂວງອັດຕະປື ມີ 4 ບັນຫາ ທ້າທາຍຕ້ອງເອົາໃຈໃສ່ ພ້ອມທັງລົງຢ້ຽມຢາມສູນອົບພະຍົບຊົ່ວຄາວ ມສ ມະຫາໄຊ ເມືອງສະ ໜາມໄຊ ແຂວງອັດຕະປື ໂດຍນາຍົກລັດຖະມົນຕີ ໄດ້ເນັ້ນໃຫ້ຄະນະຮັບຜິດຊອບເອົາໃຈໃສ່ປັບ ປຸງ ແລະ ຂະຫຍາຍທີ່ພັກຊົ່ວຄາວ ພ້ອມທັງສະໜອງສະບຽງອາຫານທີ່ສະອາດ ແລະ ເບິ່ງແຍງສຸຂະ ອະນາໄມ. ໃນວັນທີ 1 ສິງຫານີ້ ທ່ານ ທອງລຸນ ສີສຸລິດ ນາຍົກລັດຖະມົນຕີພ້ອມຄະນະໄດ້ເດີນທາງໄປ ຢ້ຽມຢາມແຂວງອັດຕະປື ເພື່ອ ໃຫ້ທິດຊີ້ນຳພາກສ່ວນກ່ຽວ ຂ້ອງ ຊຶ່ງໃນຕອນເຊົ້າໄດ້ພົບ ປະໂອ້ລົມ ແລະ ໃຫ້ທິດຊີ້ນຳ ຄະນະກຳມະການສະເພາະ ກິດແກ້ໄຂໄພພິບັດລະດັບຊາດ ພ້ອມທັງການນຳຂອງແຂວງ ອັດຕະປື ໂດຍໄດ້ເນັ້ນໃຫ້ເອົາ ໃຈໃສ່ 4 ບັນຫາຄື: ໜຶ່ງ, ຕ້ອງ ກອບກູ້ ແລະ ຊອກຄົ້ນເອົາຜູ້ ເສຍຊີວິດລວມທັງຜູ້ສູນຫາຍ ໃຫ້ໄດ້ທັງໝົດດ້ວຍວິທີການ ຕ່າງໆ ເພື່ອຮັບປະກັນໃຫ້ເຂົາ ເຈົ້າກັບຄືນສູ່ອ້ອມກອດ ຫຼື ເຖິງ ເຮືອນຂອງຍາດພີ່ນ້ອງ, ພໍ່ແມ່ ແລະ ຄົນຮັກແພງຂອງເຂົາເຈົ້າ ຢ່າງແທ້ຈິງ. ສອງ, ຕ້ອງຈັດສັນ ທີ່ຢູ່ອາໄສແບບຊົ່ວຄາວ ແລະ ຖາວອນຢ່າງສຸດກົກສຸດປາຍ ຢ່າງ ເປັນລະບົບຄົບຊຸດ ໃນນັ້ນ ເລື່ອງສຸຂະອະນາໄມປະເພດ ຫ້ອງນ້ຳ ແລະ ບ່ອນຢູ່ອາໄສ ໃຫ້ພຽງພໍ. ສາມ, ຕ້ອງຈັດສັນ ແບ່ງປັນແຈກຢາຍ ແລະ ຄຸ້ມ ຄອງເຄື່ອງຊ່ວຍເຫຼືອລວມທັງ ເງິນ ແລະ ອື່ນໆໃຫ້ວ່ອງໄວ, ຈະແຈ້ງ, ທົ່ວເຖິງ ແລະ ໂປ່ງໃສ ຢ່າງໜັກແໜ້ນ ໃນນັ້ນມີການ ຂຶ້ນບັນຊີຈົດກ່າຍສຳລັບເຄື່ອງ ຊ່ວຍເຫຼືອ ເພື່ອນຳໃຊ້ໄລຍະ ສັ້ນ-ຍາວ. ສ່ວນເງິນໄດ້ຈາກ ການຊ່ວຍເຫຼືອຕ້ອງໃຊ້ຢ່າງລະ ມັດລະວັງ ພ້ອມມີການປຶກສາ ຫາລື ແລະ ຕົກລົງກັນເປັນໝູ່ ຄະນະກ່ອນຕັດສິນໃຊ້ຈ່າຍ ແລະ ສີ່, ເອົາໃຈໃສ່ຄຸ້ມຄອງໃຫ້ ບໍລິການອາສາສະໝັກບັນດາ ໜ່ວຍກູ້ໄພ ລວມທັງສື່ມວນຊົນ ທັງພາຍໃນ ແລະ ຕ່າງປະເທດ ຢ່າງຈະແຈ້ງ ໃນນັ້ນ ຖ້າບໍ່ພໍດ້ານ ກຳລັງຕ້ອງຮີບຮ້ອນແກ້ໄຂ. ພິ ເສດຕ້ອງເລັ່ງພິສູດຜູ້ເສຍຊີວິິດ ໃຫ້ວ່ອງໄວ; ຕ້ອງປະສານງານ ແລະ ແຈ້ງເພື່ອນບ້ານໃກ້ຄຽງ ໂດຍສະເພາະກຳປູເຈຍໃຫ້ ຊ່ວຍເອື້ອອຳນວຍຄວາມສະ ດວກ ເພື່ອເຮັດໃຫ້ການກອບ ກູ້ດຳເນີນໄປຢ່າງລາບລື່ນບໍ່ ຂ້ອງບໍ່ຄາ ແລະ ເອົາໃຈໃສ່ໃຫ້ ການເບິ່ງແຍງພໍ່ແມ່ລູກຫຼານ ຜູ້ໄດ້ຮັບຜົນກະທົບຢ່າງໃກ້ຊິດ ໂດຍສະເພາະເລື່ອງສຸຂະພາບ ຈິດພາຍຫຼັງນ້ຳຖ້ວມ. ແນວໃດກໍດີ, ທ່ານນາຍົກ ລັດຖະມົນຕີ ຍັງໄດ້ກ່າວຍ້ອງຍໍ ຊົມເຊີຍ ແລະ ຂອບໃຈຢ່າງຈິງ ໃຈຕໍ່ບັນດາຄະນະນຳ, ນາຍ ແລະ ພົນທະຫານ, ໜ່ວຍກູ້ໄພ ພາຍໃນ-ຕ່າງປະເທດ, ຜູ້ຊ່ວຍ ເຫຼືອດ້ານວັດຖຸປັດໄຈທັງພາຍ ໃນ-ຕ່າງປະເທດ, ສື່ມວນຊົນ ແລະ ພໍ່ແມ່ປະຊາຊົນໄດ້ທຸ້ມ ເທເຫື່ອແຮງກຳລັງວັງຊາ ແລະ ສະຕິປັນຍາຢ່າງບໍ່ຮູ້ອິດຮູ້ເມື່ອຍ ປະກອບສ່ວນເຂົ້າໃນພາລະ ກິດດັ່ງກ່າວມີຄວາມຄືບໜ້າ ແລະ ມີຜົນສຳເລັດຫຼາຍດ້ານ. ຫຼັງຈາກນັ້ນ ຕອນບ່າຍ ຂອງວັນດຽວກັນ, ທ່ານນາຍົກ ລັດຖະມົນຕີ ໄດ້ເດີນທາງໄປ ເມືອງສະໜາມໄຊ ໂດຍໄດ້ໄປ ຢ້ຽມຢາມສູນບັນຊາການພາກ ສະໜາມຂອງກອງທັບປະຊາ ຊົນລາວ ຊຶ່ງຕັ້ງຢູ່ບໍລິເວນໂຮງ ຮຽນມັດທະຍົມຕອນຕົ້ນ ບ້ານ ໃໝ່ ແລະ ໄປຢ້ຽມຢາມສູນອົບ ພະຍົບຊົ່ວຄາວທີ່ ມສ ສະໜາມ ໄຊ ໂດຍໄດ້ເນັ້ນໃຫ້ພາກສ່ວນ ກ່ຽວຂ້ອງເລັ່ງປັບປຸງ ແລະ ຂະ ຫຍາຍທີ່ພັກຊົ່ວຄາວໃຫ້ພຽງ ພໍ, ພ້ອມທັງເລັ່ງຊ່ວຍເຫຼືອປະ ຊາຊົນຜູ້ທີ່ໄດ້ຮັບຜົນກະທົບວ່າ ເຂົາເຈົ້າຕ້ອງການຫຍັງແທ້, ສ່ວນການຂະຫຍາຍສະຖານທີ່ ພັກຊົ່ວຄາວໃຫ້ເລືອກບ່ອນທີ ເໝາະສົມ ແລະ ບັນຫາອື່ນໆ ອີກ. (ຂ່າວ: ຄຳເຮືອງ ລາຍງານ ຈາກເມືອງສະໜາມໄຊ)