ຮອງນາຍົກ ແນະນຳຂະແໜງພາສີແກ້ຂອດປະສານງານອັດຊ່ອງວ່າງການຮົ່ວໄຫຼຂອງລາຍຮັບ


...

02.08.2018 10:36     

   ທ່ານ ສົມດີ ດວງດີ ຮອງ ນາຍົກລັດຖະມົນຕີ ລັດຖະມົນຕີ ກະຊວງການເງິນ ໄດ້ໃຫ້ກຽດ ໂອ້ລົມຕໍ່ກອງປະຊຸມວິຊາການ ຂອງຂະແໜງພາສີ ແລະ ກອງ ປະຊຸມສະຫຼຸຸບ 6 ເດືອນຕົ້ນ ປີ 2018 ແລະ ທິດທາງແຜນ ການ 6 ເດືອນທ້າຍປີ 2018, ຊຶ່ງທ່ານຮອງນາຍົກໄດ້ແນະ ນຳໃຫ້ຂະແໜງການພາສີແກ້ ໄຂຂອດການປະສານງານນັບ ແຕ່ຂັ້ນສູນກາງຮອດທ້ອງຖິ່ນ ລວມທັງການປະສານສົມທົບ ກັບອົງການປົກຄອງຂັ້ນຕ່າງໆ... ດ້ານລາຍຮັບໃຫ້ເຂັ້ມງວດໂດຍ ສະເພາະການນຳເຂົ້ານ້ຳມັນ ເຊື້ອໄຟ ພ້ອມທັງຊອກທ່າແຮງ ແຫຼ່ງລາຍຮັບທີ່ບົ່ມຊ້ອນ ແລະ ອັດຊ່ອງວ່າງການຮົ່ວໄຫຼຂອງ ລາຍຮັບທຸກກໍລະນີ. ທ່ານຮອງນາຍົກລັດຖະ ມົນຕີ ເນັ້ນຕື່ມອີກວ່າ: ສຳລັບ ວຽກງານປະສານສົມທົບຂອງ ຂະແໜງການພາສີ ນັບແຕ່ຂັ້ນ ສູູນກາງຮອດທ້ອງຖິ່ນ ແລະ ກັບບັນດາຂະແໜງການຕ່າງໆ ໃນໄລຍະຜ່ານມາເຫັນວ່າ ມີດີ ຂຶ້ນ, ແຕ່ເພື່ອຮັບປະກັນກັບ ຄວາມຮຽກຮ້ອງຕ້ອງການຂອງ ໜ້າທີ່ວຽກງານຂັ້ນກົມຕ້ອງໄດ້ ປະສານສົມທົບກັບບັນດາກະ ຊວງ, ບັນດາກົມ, ຂະແໜງ ການຕ່າງໆອ້ອມຂ້າງ... ທີ່ຕິດ ພັນກັບວຽກງານຂະແໜງພາສີ ໃຫ້ວ່ອງໄວທັນການ ສຳລັບຢູ່ ຂັ້ນທ້ອງຖິ່ນເປັນຕົ້ນ: ກອງຄຸ້ມ ຄອງພາສີ, ກອງກວດກາພາສີ ແລະ ດ່ານພາສີຊາຍແດນຕ້ອງ ໄດ້ປະສານສົມທົບກັນຢ່າງເປັນ ປົກກະຕິ ແລະ ມີການປຶກສາ ຫາລື ແລະ ສະເໜີຂຶ້ນມາກົມ, ກະຊວງ, ນາຍົກເພື່ອໃຫ້ທັນກັບ ສະພາບການທີ່ເກີດຂຶ້ນ. ດ້ານລາຍຮັບໃຫ້ຂະແໜງ ພາສີໃນປີ 2018 ຮັບໂຕເລກ ຈັດເກັບລາຍຮັບທັງໝົດ 7.200 ຕື້ກີບ, ແຕ່ຜ່ານການຈັດຕັ້ງປະ ຕິບັດແຜນຈັດເກັບລາຍຮັບ ໃນ 6 ເດືອນຕົ້ນປີ 2018 ສາ ມາດບັນລຸໄດ້ 3.341 ຕື້ກີບ ເທົ່າກັບ 46,41% ຂອງແຜນ ການປີ. ສະນັ້ນ ເພື່ອບັນລຸຕາມ ແຜນການທີ່ວາງໄວ້ຂະແໜງ ພາສີຕ້ອງໄດ້ເຂັ້ມງວດກວດກາ ແລະ ເພີ່ມທະວີວຽກງານຕ້ານ ແລະ ສະກັດກັ້ນການລັກລອບ ສິນຄ້າໜີພາສີໃນທຸກຮູບແບບ ທັງໃນດ່ານ ແລະ ນອກດ່ານໃຫ້ ເຂັ້ມແຂງ, ຕິດຕາມຄຸ້ມຄອງ ການເຄື່ອນຍ້າຍພາຍໃນຕາມ ກົດໝາຍ ແລະ ລະບຽບການ ກຳນົດ ໂດຍສະເພາະການນຳ ເຂົ້ານ້ຳມັນເຊື້ອໄຟ, ການນຳ ເຂົ້າພາຫະນະ, ຊອກທ່າແຮງ ທີ່ບົ່ມຊ້ອນຂອງຂະແໜງພາ ສີ ແລະ ອັດຊ່ອງວ່າງການຮົ່ວ ໄຫຼຂອງລາຍຮັບທຸກຢ່າງ. ສຳລັບວຽກງານຫັນພາສີ ເປັນທັນສະໄໝສືບຕໍ່ປັບປຸງ ແລະ ນຳໃຊ້ລະບົບ ASYCUDA ໃຫ້ສອດຄ່ອງກັບບັນດາຂັ້ນ ຕອນການແຈ້ງພາສີທີ່ໄດ້ປັບ ປຸງໃນໄລຍະໃໝ່ ຊຶ່ງເຊື່ອມໂຍງ ລະບົບເຂົ້າກັບລະບົບຂອງ ພາກສ່ວນກ່ຽວຂ້ອງທີ່ຕິດພັນ ກັບວຽກພາສີ, ສືບຕໍ່ດຳ ເນີນ ໂຄງການ Smart VAT ໄລ ຍະ 2 ໃນການຈັດເກັບຄ່າທຳ ນຽມຜ່ານຕູ້ເກັບເງິນເອເລັກ ໂຕຣນິກ (KIOSK), ການປັບ ປຸງ ແລະ ພັດທະນາເວັບໄຊ ຂອງກົມດຳເນີນການໃຫ້ສຳ ເລັດຕາມຄາດໝາຍ. ກອງປະຊຸມດັ່ງກ່າວ ຈັດ ຂຶ້ນໃນທ້າຍເດືອນກໍລະກົດ ທີ່ຫ້ອງປະຊຸມໃຫຍ່ກົມພາສີ ໂດຍການເປັນປະທານຂອງ ທ່ານ ບຸນປະເສີດ ສີກຸນລະບຸດ ຮັກສາການຫົວໜ້າກົມພາສີ, ມີບັນດາຫົວໜ້າກອງຄຸ້ມຄອງ ພາສີ I-VII, ຫົວໜ້າ-ຮອງຫົວ ໜ້າກອງກວດກາພາສີປະຈຳ ແຂວງ, ບັນດາຫົວໜ້າ-ຮອງ ດ່ານພາສີສາກົນ, ດ່ານພາສີ ປະເພນີ, ດ່ານພາສີທ້ອງຖິ່ນ ທົ່ວປະເທດເຂົ້າຮ່ວມ. (ຂ່າວ: ພະແນກໂຄສະນາ ແລະ ຂ່າວສານການເງິນກະ ຊວງການເງິນ)