ການນຳກະຊວງ ຖວທ ລົງຕິດຕາມ ພາກສະໜາມຢູ່ເມືອງສະໜາມໄຊ


...

02.08.2018 10:08     

   ການນຳກະຊວງຖະແຫຼງ ຂ່າວ, ວັດທະນະທຳ ແລະ ທ່ອງ ທ່ຽວ (ຖວທ) ນຳໂດຍທ່ານ ບໍ່ແສງຄຳ ວົງດາລາ ລັດຖະ ມົນຕີ ກະຊວງ ຖວທ ໄດ້ເດີນ ທາງລົງຕິດຕາມພາກສະໜາມ ການຄົ້ນຫາ ແລະ ກອບກູ້ຜູ້ສູນ ຫາຍຈາກເຫດການນ້ຳຖ້ວມ ເມືອງສະໜາມໄຊ ແຂວງອັດ ຕະປື ໃນວັນທີ 31 ກໍລະກົດ ຜ່ານມາ ເພື່ອຕິດຕາມ ແລະ ໃຫ້ ກຳລັງໃຈການປະຕິບັດໜ້າທີ່ ຂອງສື່ມວນຊົນລາວ. ການເດີນທາງຄັ້ງນີ້ ທ່ານ ບໍ່ແສງຄຳ ວົງດາລາ ພ້ອມຄະ ນະໄດ້ລົງຕິດຕາມເບິ່ງສູນບັນ ຊາການພາກສະໜາມຂອງ ກອງທັບປະຊາຊົນລາວ ຊຶ່ງຕັ້ງ ຢູ່ເຂດໂຮງຮຽນມັດທະຍົມຕອນ ຕົ້ນບ້ານໃໝ່ ຊຶ່ງເປັນສູນບັນ ຊາການພາລະກິດຄົ້ນຫາ ແລະ ກອບກູ້ຜູ້ສູນຫາຍຈາກເຫດການ ໄພນ້ຳຖ້ວມ 6 ບ້ານ ລຽບຕາມ ແມ່ນ້ຳເຊປຽນ ໂດຍໄດ້ຮັບ ການຕ້ອນຮັບຈາກທ່ານ ພົນຕີ ຄຳລຽງ ອຸທະໄກສອນ ຮອງ ຫົວໜ້າກົມໃຫຍ່ເສນາທິການ ກອງທັບປະຊາຊົນລາວ. ທ່ານ ບໍ່ແສງຄຳ ວົງດາລາ ໃຫ້ສຳພາດຕໍ່ສື່ມວນຊົນວ່າ: ເຫດການນ້ຳຖ້ວມຄັ້ງນີ້ ໄດ້ ສ້າງຄວາມເສຍຫາຍໃຫ້ແກ່ ປະຊາຊົນຢ່າງໜັກໜ່ວງ ເຖິງ ວ່ານ້ຳຈະບົກແຫ້ງແລ້ວ ແຕ່ ເຮືອນປະຊາຊົນທີ່ຍັງເຫຼືອຢູ່ ແມ່ນມີຂີ້ຕົມ ແລະ ຊາກສະ ຫຼັກຫັກພັງຢູ່ ຊຶ່ງເປັນການສູນ ເສຍຄັ້ງໃຫຍ່ຫຼວງ, ຂະນະທີ່ ກຳລັງທະຫານຂອງກອງທັບ ປະຊາຊົນລາວ ລວມທັງໜ່ວຍ ກູ້ໄພຈາກພາຍໃນ ແລະ ຕ່າງ ປະເທດກໍພ້ອມກັນປະຕິບັດ ໜ້າທີ່ຢ່າງຫ້າວຫັນ. ນອກຈາກນີ້ ທ່ານລັດຖະ ມົນຕີກະຊວງ ຖວທ ຍັງໄດ້ກ່າວ ສະແດງຄວາມຊົມເຊີຍສື່ມວນ ຊົນລາວ ທີ່ມາລົງພື້ນທີ່ຕົວຈິງ ແລະ ລາຍງານຂ່າວເປັນແຕ່ ລະໄລຍະ ເພື່ອໃຫ້ປະຊາຊົນ ໄດ້ຮັບຊາບ. ພ້ອມດຽວກັນສື່ ມວນຊົນລາວ ກໍຍັງຈະໄດ້ສືບ ຕໍ່ຕິດຕາມລາຍງານຄວາມຄືບ ໜ້າໃນການຄົ້ນຫາຜູ້ສູນຫາຍ ແລະ ຄວາມຄືບໜ້າຕ່າງໆໃນ ການຟື້ນຟູ ເພື່ອລາຍງານໃຫ້ ປະຊາຊົນລາວ ແລະ ຊາວໂລກ ຜູ້ທີ່ໃຫ້ຄວາມສົນໃຈໄດ້ຮັບຮູ້ ເປັນແຕ່ລະໄລຍະ. ຕໍ່ກໍລະນີ ທີ່ສື່ສັງຄົມອອນ ລາຍ ວິພາກວິຈານວ່າ ລັດຖະ ບານລາວ ປິດກັ້ນສື່ມວນຊົນ ຕ່າງປະເທດ, ທ່ານລັດຖະມົນຕີ ກ່າວວ່າ: ລັດຖະບານ ໄດ້ເປີດ ກວ້າງໃຫ້ສື່ມວນຊົນຕ່າງໆ ໃນ ທົ່ວໂລກເຂົ້າມາລາຍງານຂ່າວ ໃນລາວຢູ່ແລ້ວ, ຍິ່ງໃນສະຖາ ນະການແບບນີ້, ຍິ່ງເປີດກວ້າງ ໃຫ້ສື່ມວນຊົນຕ່າງປະເທດເຂົ້າ ມາເກາະຕິດລາຍງານຂ່າວ ຈາກເຫດການຄັ້ງນີ້, ຊຶ່ງມາ ຮອດປັດຈຸບັນໄດ້ມີສື່ມວນ ຊົນຈາກຕ່າງປະເທດເຂົ້າມາ ລາຍງານຂ່າວຢູ່ພື້ນທີ່ປະມານ ເກືອບ 40 ຄົນ ແລະ ໄດ້ອຳ ນວຍຄວາມສະດວກໃຫ້ເຂົາ ເຈົ້າຢ່າງເຕັມທີ່ໃນການປະຕິ ບັດວຽກງານ, ແຕ່ການເຂົ້າມາ ນັ້ນ ຂໍໃຫ້ເຂົ້າມາຖືກຕາມລະ ບຽບກົດໝາຍຂອງ ສປປ ລາວ. ຂ່າວຍັງແຈ້ງໃຫ້ຮູ້ວ່າ: ກ່ອນ ການນຳກະຊວງ ຖວທ ຈະໄປ ສູນບັນຊາການພາກສະໜາມ ຂອງກອງທັບປະຊາຊົນລາວ, ຄະນະໄດ້ໄປສູນຂ່າວ ເພື່ອ ຊຸກຍູ້ຕິດຕາມການເຮັດວຽກ ຂອງສື່ມວນຊົນລາວ. ໂອກາດ ນີ້ ທ່ານໄດ້ມອບໂທລະໂຄ່ງ 5 ຊຸດ, ປາກເລີ 20 ໜ່ວຍ, ໂທ ລະພາບ 5 ໜ່ວຍ, ຈານດາວ ທຽມຂອງລາວແຊັດ 5 ຊຸດໃຫ້ ໄປຕິດຕັ້ງຢູ່ສູນຕ່າງໆ ເພື່ອໄດ້ ຕິດຕາມຂ່າວ, ມອບຄອມພິວ ເຕີ ໂນດບຸກ 2 ໜ່ວຍ ໃຫ້ພະ ແນກ ຖວທ ແຂວງອັດຕະປື ແລະ ຖວທ ເມືອງສະໜາມໄຊ. (ຂ່າວ: ຄຳເຮືອງ ທີ່ເມືອງ ສະໜາມໄຊ)