ສານສະແດງຄວາມເຫັນໃຈ ຈາກຜູ້ນຳກູບາ


02.08.2018 10:13     

  ສະຫາຍ ມີເກນ ດຽດສ-ກາເນວລ ເບີຣມູເດດສ ປະທານ ສະພາແຫ່ງລັດ ແລະ ສະພາລັດຖະມົນຕີ ແຫ່ງ ສາທາລະນະລັດ ກູບາ ໄດ້ສົ່ງສານສະແດງຄວາມເຫັນໃຈ ເຖິງສະຫາຍ ບຸນຍັງ ວໍລະຈິດ ປະທານປະເທດ ແລະ ສະຫາຍ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ຊຶ່ງມີເນື້ອໃນວ່າ: ບັນດາສະຫາຍທີ່ຮັກແພງ: ໃນນາມຕາງໜ້າໃຫ້ລັດຖະບານ ແລະ ປະຊາຊົນກູບາ, ຂ້າພະເຈົ້າຂໍສະແດງຄວາມເຫັນໃຈຢ່າງສຸດຊຶ້ງ ມາຍັງສະຫາຍ ຕໍ່ເຫດການຄູກັ້ນນ້ຳຂອງເຂື່ອນເຊປຽນ-ເຊນ້ຳນ້ອຍແຕກທີ່ ແຂວງອັດຕະປື, ອັນເປັນເຫດເຮັດໃຫ້ມີການສູນເສຍທາງ ດ້ານຊີວິດ ແລະ ຊັບສິນ, ໂດຍສະເພາະ ຄອບຄົວຜູ້ທີ່ໄດ້ຮັບ ຜົນກະທົບ ແລະ ຖືກເຄາະຮ້າຍໃນເຫດການຄັ້ງນີ້ດ້ວຍ.