ທ່ານ ນາຍົກ ຕິດຕາມສະພາບນ້ຳຖ້ວມຢູ່ຄຳມ່ວນພ້ອມມອບເງິນ ຊ່ວຍເຫຼືອໃນເບື້ອງຕົ້ນ 300 ລ້ານກີບ


...

06.08.2018 9:22     

   ທ່ານ ທອງລຸນ ສີສຸລິດ ນາຍົກລັດຖະມົນຕີ ພ້ອມດ້ວຍ ຄະນະໄດ້ເຄື່ອນໄຫວຢ້ຽມ ຢາມ ແລະ ຕິດຕາມສະພາບ ນ້ຳຖ້ວມຢູ່ແຂວງຄຳມ່ວນ ໃນ ວັນທີ 2 ສິງຫາຜ່ານມາ ຊຶ່ງ ທ່ານນາຍົກໄດ້ຮັບຟັງການ ລາຍງານກ່ຽວກັບສະພາບນ້ຳ ຖ້ວມຈາກທ່ານ ໂອໄດ ສຸດາ ພອນ ເຈົ້າແຂວງຄຳມ່ວນ. ໃນທົ່ວແຂວງຄຳມ່ວນ ມີ 337 ບ້ານທີ່ຖືກຜົນກະທົບ ຈາກນ້ຳຖ້ວມ, ມີປະຊາຊົນທີ່ ຖືກຜົນກະທົບ 20.712 ຄົນ ໃນນັ້ນ ມີ 34 ບ້ານທີ່ຖືກຜົນ ກະທົບແຮງ ແລະ ໄດ້ຍົກຍ້າຍ ປະຊາຊົນໄປຢູ່ຕາມຈຸດພັກຊົ່ວ ຄາວ, ມີພົນລະເມືອງ ທັງໝົດ 7.300 ຄົນ. ໃນນັ້ນ ມີເມືອງ ໜອງບົກ 11 ບ້ານ ມີ 88 ຄອບ ຄົວ, ເມືອງເຊບັ້ງໄຟ 9 ບ້ານ ມີ 592 ຄອບ ຄົວ, ເມືອງມະຫາໄຊ 8 ບ້ານ ມີ 205 ຄອບຄົວ ແລະ ເມືອງ ຍົມມະລາດ 6 ບ້ານ, ມີ 85 ຄອບຄົວ, ມີເນື້ອທີ່ນາຖືກຖ້ວມ ຈຳນວນ 33.341 ເຮັກຕາ ເທົ່າ ກັບ 43,47% ຂອງເນື້ອທີ່ນາ ໃນທົ່ວແຂວງ. ນອກນີ້ຍັງມີສັດ ລ້ຽງ, ໜອງປາຈຳນວນຫຼວງ ຫຼາຍໄດ້ຮັບຄວາມເສຍຫາຍ, ໂຮງຮຽນ, ສຸກສາລາ, ລະບົບ ໄຟຟ້າຢູ່ບາງຈຸດ ແລະ ເສັ້ນ ທາງຫຼາຍສາຍບໍ່ສາມາດສັນ ຈອນໄດ້, ມີເສັັ້ນທາງຫຼວງແຫ່ງ ຊາດ 2 ເສັ້ນຄື: ທາງເລກທີ 12 ແຕ່ 3 ແຍກເມືອງຍົມມະລາດ ໄປຫາດ່ານສາກົນນາເພົ້າໄດ້ ປິດການນຳໃຊ້ ແລະ ທາງເລກ ທີ 1E ແຕ່ເມືອງຍົມມະລາດ ຫາເມືອງນາກາຍໄດ້ປິດບໍ່ໃຫ້ ລົດໜັກຜ່ານ. ບໍລິສັດໄຟຟ້ານ້ຳເທີນ 2 ກໍໄດ້ແຈ້ງກ່ຽວກັບການຕິດຕາມ, ກວດກາທາງດ້ານເຕັກນິກ ລວມເຖິງລະບົບອື່ນໆຂອງ ເຂື່ອນ ແລະ ລາຍງານກ່ຽວກັບ ການຢຸດເຊົາການຜະລິດກະ ແສໄຟຟ້າເລີ່ມແຕ່ວັນທີ 24 ກໍ ລະກົດ, ເປັນຕົ້ນມາ ເພື່ອຫຼຸຸດ ຜ່ອນການປ່ອຍນ້ຳລົງຕາມ ຄອງລະບາຍນ້ຳຂອງບໍລິສັດນ້ຳ ເທີນ 2 ໄຫຼລົງສົມທົບກັບແມ່ ນ້ຳເຊບັ້ງໄຟປະຕິບັດຕາມສັນ ຍາສຳປະທານລະຫວ່າງບໍລິ ສັດໄຟຟ້ານ້ຳເທີນ 2 ແລະ ລັດຖະບານລາວທີ່ກຳນົດໄວ້ ຄື: ໂຄງການໄຟຟ້ານ້ຳເທີນ 2 ຈະຕ້ອງຫຼຸຸດອັດຕາການປ່ອຍ ນ້ຳອອກສູ່ນ້ຳເຊບັ້ງໄຟ ເມື່ອ ອັດຕາການໄຫຼຂອງນ້ຳເຊບັ້ງ ໄຟຢູ່ ເມືອງມະຫາ ໄຊຂຶ້ນຮອດ ເຂດເຕືອນໄພ. ທ່ານນາຍົກໄດ້ໂອ້ລົມຕໍ່ ການນຳຂອງແຂວງ ຊຶ່ງທ່ານ ໄດ້ເນັ້ນໃຫ້ເອົາໃຈໃສ່ສຸມກຳ ລັງເຈົ້າໜ້າທີ່ເຂົ້າຊ່ວຍເຫຼືອ ກອບກູ້ເອົາຊີວິດ ແລະ ຊັບສິນ ຂອງພໍ່ແມ່ປະຊາຊົນໃຫ້ທັນ ເຫດການ, ສຸມຈິດໃຈຊອກຫາ ວິທີທາງໃນການຊ່ວຍເຫຼືອກອບ ກູ້ເອົາຜົນລະປູກຂອງປະຊາ ຊົນ, ກະກຽມທາງດ້ານແນວພັນ ຕ່າງໆ ເພື່ອທົດແທນຜົນຜະລິດ ທີ່ເສຍຫາຍໄປ, ເອົາໃຈໃສ່ຕິດ ຕາມກວດກາເພື່ອປ້ອງກັນ ການເກີດໂຣກລະບາດຕ່າງໆ ທີ່ອາດຈະເກີດຂຶ້ນພາຍຫຼັງນ້ຳ ຫຼຸຸດລົງ, ມີສະຕິໃນການບໍລິໂພກ ຂໍ້ມູນຂ່າວສານ ຊຶ່ງອາດຈະມີ ກຸ່ມຄົນບໍ່ດີສວຍໃຊ້ໂອກາດທີ່ ສົ່ງຜົນສະທ້ອນໃຫ້ແກ່ສັງຄົມ ພ້ອມທັງເອົາໃຈໃສ່ກຽມຄວາມ ພ້ອມ ເພື່ອຮັບມືກັບພາຍຸລູກ ໃໝ່ທີ່ອາດຈະເກີດຂຶ້ນໃນຕໍ່ ໜ້າ ແລະ ແຜນການຟື້ນຟູຊີວິດ ການເປັນຢູ່ຂອງປະຊາຊົນ. ໂອກາດດັ່ງກ່າວ ທ່ານນາຍົກ ລັດຖະມົນຕີ ຍັງໄດ້ມອບເງິນ ຈຳນວນ 300 ລ້ານກີບ ເພື່ອ ຊ່ວຍເຫຼືອບັນເທົາທຸກແກ່ປະ ຊາຊົນຜູ້ທີ່ຖືກຜົນກະທົບໃນ ທົ່ວແຂວງ ພ້ອມທັງເດີນທາງ ໄປຢ້ຽມຢາມສູນລວມພົນຜູ້ ປະສົບໄພນ້ຳຖ້ວມໂພນໜອງ ເຢັນ ເມືອງຍົມມະລາດຕື່ມອີກ. (ຂ່າວ: ກອງຄຳ)