ນາຍົກລັດຖະມົນຕີ ສືບຕໍ່ຕິດຕາມໄພນ້ຳຖ້ວມ ຢູ່ເມືອງຍົມມະລາດ


...

07.08.2018 9:44     

   ພາຍຫຼັງສຳເລັດການຕິດຕາມ, ຊຸກຍູ້ການແກ້ໄຂບັນຫາອຸທົກກະໄພນ້ຳຖ້ວມ ທີ່ເມືອງສະໜາມໄຊ ແຂວງອັດຕະປື ແລະ ເມືອງໄຊບູລີ ແຂວງສະຫວັນນະເຂດ ໃນຕອນບ່າຍຂອງວັນທີ 2 ສິງຫາ ຜ່ານມາ ທ່ານ ທອງລຸນ ສີສຸລິດ ນາຍົກລັດຖະມົນຕີ ພ້ອມດ້ວຍຄະນະ ໄດ້ສືບຕໍ່ເດີນທາງໄປຕິດຕາມໄພນ້ຳຖ້ວມ ຢູ່ພື້ນທີ່ຕົວຈິງເມືອງຍົມມະລາດ ແຂວງຄຳມ່ວນ ໂດຍໄດ້ຮັບການຕ້ອນຮັບຈາກທ່ານ ໂອໄດ ສຸດາພອນ ເຈົ້າແຂວງຄຳມ່ວນ ພ້ອມດ້ວຍການນຳຂອງແຂວງ, ເມືອງ ພ້ອມດ້ວຍປະຊາຊົນພາຍໃນບ້ານທ່າພະ. ກ່ອນອື່ນ, ທ່ານນາຍົກລັດຖະມົນຕີໄດ້ຮັບຟັງການລາຍງານສະພາບການຈັດຕັ້ງປະຕິບັດແຜນ ພັດທະນາເສດຖະກິດ-ສັງຄົມ ເວົ້າລວມ, ເວົ້າສະເພາະແມ່ນສະພາບນ້ຳຖ້ວມ ແລະ ວິທີການແກ້ໄຂບັນ ຫາດັ່ງກ່າວຈາກທ່ານເຈົ້າແຂວງຄຳມ່ວນ. ສຳລັບການຈັດຕັ້ງປະຕິ ບັດແຜນພັດທະນາເສດຖະກິດ -ສັງຄົມ ເຫັນວ່າ: ການຜະລິດ ກະສິກຳ ໃນລະດູແລ້ງຜ່ານມາ ການປູກເຂົ້ານາແຊງ ສາມາດ ປັກດຳໄດ້ຈຳນວນ 7.115 ເຮັກ ຕາ ເທົ່າກັບ 85,52% ຂອງ ແຜນການ, ສາມາດເກັບຜົນ ຜະລິດໄດ້ 39.140 ໂຕນ ເທົ່າ ກັບ 83,97%, ການປູກພືດລະ ດູແລ້ວ ບັນລຸໄດ້ 50.430 ໂຕນ. ສ່ວນການລ້ຽງ ປະເພດ ປາ, ສັດປີກ, ໝູ ແລະ ສັດໃຫຍ່ ປະເພດ ງົວ, ຄວາຍ ກໍຍັງເປັນ ຂະບວນການດີ, ສາມາດຕອບ ສະໜອງໄດ້ທາງດ້ານສະບຽງ ອາຫານ ແລະ ພຽງພໍກັບການ ສະໜອງຄວາມຕ້ອງການຕະ ຫຼາດພາຍໃນແຂວງ ແລະ ສົ່ງ ໄປຕ່າງແຂວງຈຳນວນໜຶ່ງ. ກ່ຽວກັບສະພາບນ້ຳຖ້ວມ ພາຍໃນແຂວງ: ທ່ານເຈົ້າແຂວງ ຄຳມ່ວນ ໄດ້ລາຍງານໃຫ້ຊາບ ວ່າ: ນັບແຕ່ຕົ້ນເດືອນກໍລະກົດ 2018 ເປັນຕົ້ນມາ, ຝົນໄດ້ຕົກ ໜັກຢ່າງຕໍ່ເນື່ອງຕິດຕໍ່ກັນ ແລະ ຕົກເປັນວົງກວ້າງ ໃນທົ່ວແຂວງ ເຮັດໃຫ້ບາງພື້ນທີ່ແຂວງ ເກີດ ມີນ້ຳຖ້ວມຂັງໃນທົ່ວແຂວງ ຊຶ່ງ ມີຜົນເສຍຫາຍພໍສົມຄວນ. ເປັນ ຕົ້ນທົ່ວແຂວງມີບ້ານທີ່ຖືກນ້ຳ ຖ້ວມທີ່ຢູ່ອາໄສ ຈຳນວນ 337 ບ້ານ; ໃນນີ້ ມີຈຳນວນບ້ານທີ່ ຖືກກະທົບແຮງ ແລະ ຍົກຍ້າຍ ປະຊາຊົນອອກໄປຢູ່ຕາມຈຸດ ພັກຊົ່ວຄາວມີ 34 ບ້ານ, ມີ ພົນລະເມືອງ 7.300 ຄົນ; ສຳ ລັບເນື້ອທີ່ນາປີ ປັກດຳຕົວຈິງ ຈຳນວນ 76.687 ເຮັກຕາ, ນ້ຳ ຖ້ວມ 33.341 ເຮັກຕາ. ນອກ ຈາກນີ້, ຍັງມີຜົນເສຍຫາຍສັດ ລ້ຽງປະເພດຕ່າງໆ, ໜອງປາ, ໂຮງຮຽນ, ຖະໜົນຫົນທາງບາງ ເສັ້ນ...ຊຶ່ງປັດຈຸບັນແມ່ນຍັງ ບໍ່ທັນສາມາດປະເມີນມູນຄ່າ ໄດ້. ເນື່ອງຈາກວ່າການເກັບ ກຳຂໍ້ມູນຕົວຈິງຍັງບໍ່ທັນໄດ້ ລະອຽດ ສຳລັບແຜນການໃນ ຕໍ່ໜ້າໄດ້ແບ່ງຄວາມຮັບຜິດ ຊອບໃຫ້ບັນດາສະຫາຍຄະນະ ປະຈຳພັກ ແຂວງສົມທົບກັບ ພາກສ່ວນທີ່ກ່ຽວຂ້ອງ ເພື່ອຕິດ ຕາມ, ກວດກາ, ຊຸກຍູ້ຊ່ວຍເຫຼືອ ບັນດາເມືອງ ໂດຍສະເພາະ ແມ່ນການວາງແຜນຊ່ວຍເຫຼືອ ປະຊາຊົນ ເພື່ອບໍ່ໃຫ້ເກີດມີ ບັນຫາການສູນເສຍຊີວິດຂອງ ປະຊາຊົນ ລວມທັງແຜນຍ້າຍ ຄົນ, ຍ້າຍສັດລ້ຽງ, ເກັບມ້ຽນ, ພາຫະນະວັດຖຸອຸປະກອນ, ເຄື່ອງຮັບໃຊ້, ເຂົ້າເປືອກ, ບັນ ຫາສຸຂະພາບ... ແລະ ນຳເອົາ ເຄື່ອງບັນເທົາທຸກໄປມອບໃຫ້ ຜູ້ທີ່ໄດ້ຮັບຜົນກະທົບຕົວຈິງ; ໄດ້ຄົ້ນຄວ້າແກ້ງົບປະມານຈຳ ນວນໜຶ່ງໃຫ້ເມືອງ ເພື່ອແກ້ໄຂ ວຽກງານດັ່ງກ່າວ; ແຕ່ງຕັ້ງກອງ ເລຂາຂັ້ນແຂວງປະຈຳການ ເພື່ອຕິດຕາມ, ເກັບກຳລາຍ ງານສະພາບຢູ່ແຕ່ລະເມືອງຕະ ຫຼອດ 24 ຊົ່ວໂມງ. ສຳລັບມາດຕະການແກ້ໄຂ ໄລຍະຍາວ ພາຍຫຼັງນ້ຳບົກແຫ້ງ ແຂວງກໍໄດ້ວາງແຜນເບື້ອງຕົ້ນ ໂດຍເລັ່ງໃສ່ເກັບກຳ ຂໍ້ມູນຜົນ ເສຍຫາຍຈາກຜົນກະທົບ ໃນ ຄັ້ງນີ້ ເພື່ອຄິດໄລ່ປະເມີນມູນ ຄ່າຜົນເສຍຫາຍ, ວາງແຜນຟື້ນ ຟູປັບປຸງພື້ນຖານໂຄງລ່າງ, ປັບ ປຸງປົວແປງຊີວິດການເປັນຢູ່ ຂອງປະຊາຊົນໃຫ້ກັບຄືນສູ່ສະ ພາບປົກກະຕິໂດຍໄວ. ພາຍຫຼັງໄດ້ຮັບຟັງການ ລາຍງານກ່ອນອື່ນ ທ່ານນາ ຍົກລັດຖະມົນຕີກໍໄດ້ສະແດງ ຄວາມຊົມເຊີຍຕໍ່ການຕັດສິນໃຈ ແລະ ຊີ້ນຳ-ນຳພາຂອງແຂວງ ໃນການຈັດຕັ້ງປະຕິບັດແຜນ ພັດທະນາເສດຖະກິດ-ສັງຄົມ ໂດຍສະເພາການຈັດເກັບລາຍ ຮັບເຂົ້າງົບປະມານ ຊຶ່ງເຫັນວ່າ ມີຄວາມຄືບໜ້າ ແລະ ບັນລຸ ຜົນໄດ້ເປັນຢ່າງດີ. ສ່ວນການ ແກ້ໄຂສະພາບນ້ຳຖ້ວມພາຍ ໃນແຂວງນັ້ນແມ່ນມີຄວາມ ເປັນຫ່ວງເປັນໄຍຕໍ່ຜູ້ທີ່ໄດ້ຮັບ ຜົນກະທົບນ້ຳຖ້ວມ ແຕ່ກໍດີໃຈ ທີ່ເຫັນວ່າການນຳຂອງແຂວງ ໄດ້ເອົາໃຈໃສ່ຊີ້ນຳຕິດຕາມ ແລະ ໃກ້ຊິດຕະຫຼອດເວລາລວມ ທັງແຜນການກະກຽມ ໃນຕໍ່ໜ້າ. ໃນໂອກາດນີ້, ທ່ານນາຍົກລັດ ຖະມົນຕີຍັງໄດ້ເລົ່າເຖິງສະພາບ ໄພພິບັດນ້ຳຖ້ວມຢູ່ ເມືອງສະ ໜາມໄຊ ແຂວງອັດຕະປືໃຫ້ ຜູ້ເຂົ້າຮ່ວມກອງປະຊຸມໄດ້ຮັບ ຊາບ. ໃນໂອກາດດຽວກັນ ທ່ານ ນາຍົກລັດຖະມົນຕີກໍໄດ້ຊີ້ນຳ ໃຫ້ອຳນາດປົກຄອງແຂວງ ແລະ ທຸກພາກສ່ວນພາຍໃນແຂວງ ເອົາໃຈໃສ່ຕື່ມອີກເປັນຕົ້ນໃຫ້ ເຝົ້າລະວັງພະຍາດຕິດຕໍ່, ພະ ຍາດ ຕິດແປດ ແລະ ພະຍາດ ຕ່າງໆທີ່ຈະເກີດຂຶ້ນຕາມພາຍ ຫຼັງ, ສືບຕໍ່ມີສະຕິລະວັງຕົວໃນ ການຕິດຕາມເຝົ້າລະວັງສະ ພາບດິນຟ້າອາກາດໃຫ້ເປັນປົກ ກະຕິ, ເອົາໃຈໃສ່ຄຸ້ມຄອງການ ບໍລິໂພກຂໍ້ມູນຂ່າວສານ ແລະ ສື່ສັງຄົມອອນລາຍແນະນຳປະ ຊາຊົນຢ່າໄປເຊື່ອຂ່າວບໍ່ດີຂ່າວ ອະກຸສົນທີ່ເຮັດໃຫ້ມີຄວາມ ແຕກຕື່ນ, ປັ່ນປ່ວນຄວາມບໍ່ ສະຫງົບການບໍລິໂພກຂໍ້ມູນ ຂ່າວສານແມ່ນຂໍໃຫ້ເຊື່ອແຕ່ ຂ່າວທີ່ເປັນທາງການເທົ່ານັ້ນ, ເອົາໃຈໃສ່ ແລະ ມີມາດຕະການ ໃນການຄຸ້ມຄອງລາຄາປະເພດ ສິນຄ້າຕ່າງໆ ເພື່ອບໍ່ໃຫ້ຜູ້ປະ ກອບການສວຍໂອກາດຂຶ້ນລາ ຄາສິນຄ້າ, ເອົາໃຈໃສ່ວຽກງານ ປ້ອງກັນຊາດ - ປ້ອງກັນຄວາມ ສະຫງົບ ເພື່ອບໍ່ໃຫ້ມີປະກົດ ການຂີ້ລັກງັດແງະ, ປະຊາຊົນ ຊ່ວຍເປັນຫູເປັນຕາມີເລື່ອງ ຫຍັງ ເກີດຂຶ້ນໃຫ້ພ້ອມກັນແກ້ ໄຂດ່ວນ ແລະ ທັນການ, ມອບ ໃຫ້ຂະແໜງກະສິກຳ ແລະ ປ່າ ໄມ້ສຸມໃສ່ຊື້ແນວພັນ ແລະ ຕິດ ຕາມຢ່າງໃກ້ຊິດ ເພື່ອວາງແຜນ ຄວາມພ້ອມ ໃນການຟື້ນຟູ ການປູກຂອງປະຊາຊົນສ່ວນ ປະຊາຊົນທີ່ສາມາດອົບພະ ຍົບເຂົ້າເຈົ້າມາໄດ້ແລ້ວ ໃຫ້ສືບ ຕໍ່ເບິ່ງເຂົາເຈົ້າກ່ອນເພື່ອໃຫ້ ເຂົາເຈົ້າກັບເມື່ອບ້ານ, ກັບເມືອງ ຂອງເຂົາເຈົ້າດ້ວຍຄວາມປອດ ໄພ. ໃນໂອກາດທີ່ທ່ານນາຍົກ ລັດຖະມົນຕີ ພ້ອມດ້ວຍຄະ ນະໄປຕິດຕາມສະພາບນ້ຳຖ້ວມ ຢູ່ເມືອງຍົມມະລາດ ແຂວງຄຳ ມ່ວນ ໃນເທື່ອນີ້, ທ່ານນາຍົກ ລັດຖະມົນຕີຍັງໄດ້ໄປຢ້ຽມຢາມ ສູນອົບພະຍົບປະຊາຊົນຢູ່ບ້ານ ທ່າພະເມືອງຍົມມະລາດ ແລະ ຖືໂອກາດນີ້ ມອບເຄື່ອງຊ່ວຍ ເຫຼືອບັນເທົາທຸກ ແລະ ເງິນຈຳ ນວນໜຶ່ງໃຫ້ປະຊາຊົນທີ່ໄດ້ ຮັບຜົນກະທົບຕື່ມອີກ. (ຂ່າວ: ສນຍ)