ປະທານປະເທດຕ້ອນຮັບທູດ ສປປ ເກົາຫຼີ ຍື່ນສານຕາຕັ້ງ


...

08.08.2018 8:30     

   ທ່ານ ບຸນຍັງ ວໍລະຈິດ ປະທານປະເທດແຫ່ງ ສປປ ລາວ ໄດ້ຕ້ອນຮັບທ່ານ ຣີ ຢອງ ໂຊ (RI YONG CHOL) ທູດ ສປປ ເກົາຫຼີ ຍື່ນສານຕາຕັ້ງ ເພື່ອດຳລົງຕຳແໜ່ງເປັນເອກ ອັກຄະລັດຖະທູດວິສາມັນຜູ້ມີ ອຳນາດ ເຕັມ ແຫ່ງ ສປປ ເກົາຫຼີ ຄົນ ໃໝ່ປະຈຳ ລາວ ໃນວັນທີ 7 ສິງຫານີ້ ທີ່ທຳນຽບປະທານ ປະເທດ.
ໃນໂອກາດດັ່ງກ່າວ ທ່ານ ປະທານປະເທດ ກໍໄດ້ສະແດງ ຄວາມຕ້ອນຮັບຍ້ອງຍໍຊົມເຊີຍ ຕໍ່ທ່ານທູດຄົນໃໝ່ ທີ່ໄດ້ຖືກແຕ່ງຕັ້ງມາດຳລົງຕຳແໜ່ງ ແລະ ປະຕິບັດໜ້າທີ່ການທູດ ຢູ່ ສປປ ລາວ ເຊິ່ງເປັນການປະ ກອບສ່ວນເສີມຂະຫຍາຍ ແລະ ຮັດແໜ້ນສາຍພົວພັນ ການທູດ ກໍຄືການຮ່ວມມືໃນ ດ້ານຕ່າງໆຂອງສອງປະເທດ ສປປ ລາວ-ສປປເກົາຫຼີ ທີ່ເຄີຍ ມີມາແລ້ວນັ້ນ ໃຫ້ນັບມື້ແໜ້ນ ແຟ້ນຍິ່ງໆຂຶ້ນ.
ຈາກນັ້ນທ່ານ ທູດກໍໄດ້ ປະຕິຍານວ່າ ຈະຕັ້ງໜ້າປະຕິ ບັດໜ້າທີ່ການທູດທີ່ດີ ແລະ ພ້ອມແລ້ວທີ່ຈະປະກອບສ່ວນ ເສີ່ມສ້າງສາຍພົວພັນມິດຕະ ພາບ ແລະ ການຮ່ວມມືຊຶ່ງກັນ ແລະ ກັນ ໃຫ້ດີຂຶ້ນກວ່າເກົ່າ.ສປປລາວ-ສປປ ເກົາຫຼີ ໄດ້ ສ້າງຕັ້ງສາຍພົວພັນການທູດ ນຳກັນ ໃນວັນທີ 24 ມິຖຸນາ 1974, ໄດ້ມາຕັ້ງສະຖານເອກ ອັກຄະລັດຖະທູດປະຈຳ ສປປ ລາວ ວັນທີ 25 ມິຖຸນາ 1974.
(ຂ່າວ ແສງຈັນ)