ສະຫຼອງວັນສ້າງຕັ້ງກອງທັບປົດປ່ອຍ ປະຊາຊົນຈີນ ຄົບຮອບ 91 ປີ


...

08.08.2018 8:29     

   ພິທີສະເຫຼີມສະຫຼອງວັນ ສ້າງຕັ້ງກອງທັບປົດປ່ອຍປະ ຊາຊົນຈີນ ຄົບຮອບ 91 ປີ (1/8/1927-1/8/2018) ໄດ້ ຈັດຂຶ້ນໃນວັນທີ 6 ສິງຫາ ຜ່ານມາ ທີ່ໂຮງແຮມດອນຈັນ ພາເລດ ນະຄອນຫຼວງວຽງ ຈັນ ໂດຍເປັນກຽດເຂົ້າຮ່ວມ ຂອງທ່ານ ພົນໂທ ຈັນສະໝອນ ຈັນຍາລາດ ກຳມະການ ກົມການເມືອງສູນກາງພັກ ລັດຖະມົນຕີກະຊວງປ້ອງກັນ ປະເທດ ແຫ່ງ ສປປ ລາວ, ທ່ານ ພັນເອກພິເສດ ເສີນ ຢົງຈີງ ທີ່ປຶກສາການທະຫານ ສະຖານທູດ ສປ ຈີນ ປະຈຳ ສປປ ລາວ, ພ້ອມດ້ວຍແຂກ ຖືກເຊີນເຂົ້າຮ່ວມ.
ໃນພິທີ ທ່ານ ພັນເອກພິ ເສດ ເສີນ ຢົງຈີງ ໄດ້ກ່າວວ່າ: ພາຍໃຕ້ການນຳພາຢ່າງເດັດ ດ່ຽວສຽບຂາດຂອງສູນກາງພັກ ແລະ ຄະນະກຳມະການທະ ຫານສູນກາງທີ່ມີ ສະຫາຍ ສີ ຈິ້ນຜິງ ເປັນແກນນຳ, ກອງທັບ ປົດປ່ອຍປະຊາຊົນຈີນ ໄດ້ຖື ເອົາແນວຄິດກໍ່ສ້າງກອງທັບ ເຂັ້ມແຂງຂອງ ສະຫາຍ ສີ ຈິ້ນ ຜິງ ເປັນທິດຊີ້ນຳບັນຊາວຽກ ງານປ້ອງກັນຊາດ ແລະ ການ ກໍ່ສ້າງກອງທັບ. ຢຶດໝັ້ນກໍ່ສ້າງ ກອງທັບເຂັ້ມແຂງ ແລະ ທັນ ສະໄໝ ໂດຍຜ່ານການປັບປຸງ ດ້ານການເມືອງ, ດ້ານການປະ ຕິຮູບ, ດ້ານວິທະຍາສາດ-ເຕັກ ນິກ ແລະ ດ້ານລະບຽບກົດ ໝາຍ, ຊຶ່ງໄດ້ຮັບຜົນສຳເລັດ ທີ່ມີລັກສະນະປະຫວັດສາດ, ກໍໄດ້ຮັບປະກັນຢ່າງໜັກແໜ້ນ ຕໍ່ການປ້ອງກັນອະທິປະໄຕ ຄວາມໝັ້ນຄົງ ແລະ ຜົນປະ ໂຫຍດການພັດທະນາແຫ່ງ ຊາດ ສປ ຈີນ ອີກດ້ວຍ.
ທ່ານໄດ້ກ່າວຕື່ມອີກວ່າ: ຜົນສຳເລັດການຝຶກຊ້ອມທາງ ເສນາຮັກຄັ້ງທຳອິດຂອງສອງ ກອງທັບຈີນ-ລາວ ໄດ້ພິສູດ ໃຫ້ເຫັນຄວາມສຳຄັນຂອງ ສາຍພົວພັນສອງກອງທັບ ຈີນ-ລາວ ຢ່າງເຕັມສ່ວນ, ໄດ້ ເພີ່ມກຳລັງແຮງອັນໃໝ່ໃຫ້ແກ່ ການຊຸກຍູ້ການພົວພັນສອງ ກອງທັບຂະຫຍາຍຕົວກວ້າງ ຂວາງ ແລະ ເລິກເຊິ່ງກວ່າເກົ່າ ອີກດ້ວຍ. ກອງທັບປົດປ່ອຍ ປະຊາຊົນຈີນຍິນດີຈະຮ່ວມ ກັບກອງທັບປະຊາຊົນລາວ ຖານສະຫາຍອ້າຍນ້ອງ, ເພີ່ມ ທະວີການແລກປ່ຽນ ແລະ ການຮ່ວມມືທາງດ້ານການທະ ຫານ ເພື່ອປະກອບສ່ວນຢ່າງ ຕັ້ງໜ້າເຂົ້າໃນການເສີມສ້າງຄູ່ ຮ່ວມຊະຕາກຳ ຈີນ-ລາວ ທີ່ມີ ຄວາມໝາຍຍຸດທະສາດ, ສົ່ງ ເສີມການແລກປ່ຽນຮ່ວມມື ຮອບດ້ານປ້ອງກັນຊາດ ແລະ ການທະຫານລະຫວ່າງຈີນ- ອາຊຽນ ປົກປັກຮັກສາສັນຕິ ພາບ ແລະ ສະຖຽນລະພາບ ຂອງພາກພື້ນ ແລະ ສາກົນ.
(ຂ່າວ-ພາບ: ຍຸພິນ)