ຮ່ວມນ້ຳໃຈຊ່ວຍເຫຼືອປະຊາຊົນທີ່ປະສົບໄພ ນ້ຳຖ້ວມຢູ່ຄຳມ່ວນ ດີຈີບີ ມອບເງິນຊ່ວຍເຫຼືອໃຫ້ ນັກຮຽນທີ່ປະສົບ


...

08.08.2018 8:28     

   ໃນວັນທີ 6 ສິງຫາຜ່ານມາ ທີ່ວັດນາໄຊ ເມືອງໄຊເສດຖາ ນະຄອນຫຼວງວຽງຈັນ ສູນກາງ ແນວລາວສ້າງຊາດ (ສນຊ) ໄດ້ຮັບເຄື່ອງຊ່ວຍເຫຼືອມູນຄ່າ 350 ລ້ານກີບ ຈາກການຊ່ວຍ ເຫຼືອລະດົມຂອງຄະນະສົງວັດ ນາໄຊ, ເປັນກຽດຮັບໂດຍທ່ານ ຄຳໃບ ດຳລັດ ກຳມະການສູນ ກາງພັກ ຮອງປະທານສູນກາງ ແນວລາວສ້າງຊາດ.
ເຄື່ອງທີ່ໄດ້ຮັບໃນຄັ້ງນີ້ ແມ່ນເຂົ້າສານຈຳນວນ 50 ໂຕນ ລວມມູນຄ່າ 350 ລ້ານ ກີບ ໂດຍໄດ້ຮັບການອຸປະຖຳ ຈາກບັນດາສະມາຄົມ, ບໍລິສັດ, ຫ້າງຮ້ານ ແລະ ຜູ້ທີ່ມີນ້ຳໃຈ ຊ່ວຍເຫຼືອຜູ້ປະສົບໄພນ້ຳຖ້ວມ ຢູ່ແຂວງຄຳມ່ວນ.
ພ້ອມກັນນີ້, ທ່ານຮອງປະ ທານ ສນຊ ກໍໄດ້ຕາງໜ້າໃຫ້ ປະຊາຊົນຜູ້ທີ່ໄດ້ຮັບຜົນກະ ທົບ ສະແດງຄວາມຂອບໃຈ ເປັນຢ່າງຍິ່ງຕໍ່ຄະນະສົງວັດນາ ໄຊ, ບັນດາສະມາຄົມ, ບໍລິສັດ, ຫ້າງຮ້ານ ແລະ ຜູ້ທີ່ມີນ້ຳໃຈ ນຳເຂົ້າສານຈຳນວນດັ່ງກ່າວ ມອບໃຫ້ ສນຊ, ຊຶ່ງເຂົ້າສານ ທີ່ໄດ້ຮັບນີ້ ສນຊ ຈະນຳໄປ ມອບຕໍ່ໃຫ້ 5 ຕົວເມືອງຄື: ເມືອງ ມະຫາໄຊ, ບົວລະພາ, ຍົມມະ ລາດ, ເຊບັ້ງໄຟ ແລະ ເມືອງ ໜອງບົກ ແຂວງຄຳມ່ວນ ເມືອງ ລະ 10 ໂຕນ ເພື່ອແບ່ງເບົາ ບັນເທົາທຸກໃຫ້ພໍ່ແມ່ປະຊາຊົນ ທີ່ໄດ້ຮັບໄພພິບັດນ້ຳຖ້ວມໃນ ຄັ້ງນີ້.
(ຂ່າວ: ເຢ້ ຢ່າ)