ລັດຖະມົນຕີຕ່າງປະເທດອາຊຽນ ບວກ 3 ຫາລືການຮ່ວມມື


...

08.08.2018 8:53     

   ໃນວັນທີ 4 ສິງຫາຜ່ານມາ ທີ່ສິງກະໂປ ທ່ານ ສະເຫຼີມໄຊ ກົມມະສິດ ລັດຖະມົນຕີກະ ຊວງການຕ່າງປະເທດ ແຫ່ງ ສປປ ລາວ ໄດ້ສືບຕໍ່ນຳພາ ຄະນະຜູ້ແທນລາວ ເຂົ້າຮ່ວມ ກອງປະຊຸມລັດຖະມົນຕີຕ່າງ ປະເທດອາຊຽນບວກສາມ ຄັ້ງ ທີ 19, ກອງປະຊຸມລັດຖະມົນຕີ ຕ່າງປະເທດຂອງກອງປະຊຸມ ສຸດຍອດອາຊີຕາເວັນອອກ (ອີ ເອເອັສ) ຄັ້ງທີ 8 ແລະ ກອງ ປະຊຸມເວທີພາກພື້ນອາຊຽນ(ເອອາເອັຟ) ຄັ້ງທີ 25.
ກອງປະຊຸມລັດຖະມົນຕີ ຕ່າງປະເທດອາຊຽນບວກສາມ ຄັ້ງທີ 19 ໄດ້ຢ້ຳຄືນບົດບາດ ຄວາມສຳຄັນຂອງຂອບການ ຮ່ວມມືອາຊຽນບວກສາມ ໃນ ການເປັນກຳລັງຂັບເຄື່ອນຫຼັກ ເພື່ອກ້າວໄປສູ່ເປົ້າໝາຍໄລ ຍະຍາວ ຂອງການສ້າງປະຊາ ຄົມອາຊີຕາເວັນອອກ ທີ່ມີອາ ຊຽນເປັນໃຈກາງ. ກອງປະຊຸມ ໄດ້ສະແດງຄວາມຍິນດີຕໍ່ຜົນ ສຳເລັດຂອງກອງປະຊຸມສຸດ ຍອດສາມຝ່າຍ ລະຫວ່າງ ສປ ຈີນ, ຍີ່ປຸ່ນ ແລະ ສ.ເກົາຫຼີ ຄັ້ງ ທີ 7 ໃນເດືອນພຶດສະພາ 2018 ທີ່ຍີ່ປຸ່ນ ຊຶ່ງໄດ້ປະກອບສ່ວນ ສ້າງທ່ວງທ່າທີ່ດີໃຫ້ແກ່ການ ຮ່ວມມືອາຊຽນບວກສາມ.
ກອງປະຊຸມສະແດງ ຄວາມເພິ່ງພໍໃຈຕໍ່ຄວາມຄືບ ໜ້າໃນການຈັດຕັ້ງປະຕິບັດ ແຜນວຽກການຮ່ວມມືອາຊຽນ ບວກສາມ ສຳລັບ 2018-2020 ແລະ ບັນດາຂໍ້ສະເໜີແນະຂອງ ໜ່ວຍງານວິໄສທັດອາຊີຕາ ເວັນອອກ II (EAVG II) ໃນ ໄລຍະໜຶ່ງປີຜ່ານມາ ຊຶ່ງກວມ ເອົາຫຼາຍຂົງເຂດເຊັ່ນ: ການ ຮ່ວມມືດ້ານເສດຖະກິດ ແລະ ການເງິນ, ການເຊື່ອມຈອດ, ຄວາມໝັ້ນຄົງດ້ານສະບຽງອາ ຫານ, ການຮັດແຄບຄວາມ ແຕກໂຕນ, ການສຶກສາ, ສາທາ, ໄພພິບັດທຳມະຊາດ, ການ ຕ້ານອາຊະຍາກຳຂ້າມຊາດ ແລະ ອື່ນໆ. ກອງປະຊຸມໄດ້ ແລກປ່ຽນຄວາມຄິດເຫັນກ່ຽວ ກັບບັນຫາພາກພື້ນ ແລະ ສາ ກົນ ທີ່ມີຄວາມສົນໃຈຮ່ວມກັນ ເຊັ່ນ: ຄວາມສຳຄັນຂອງການ ຄ້າຫຼາຍຝ່າຍແບບເສລີ ແລະ ເປີດກວ້າງ ໃນທ່າມກາງມາດ ຕະການປົກປ້ອງຕະຫຼາດພາຍ ໃນຂອງບາງປະເທດ. ກອງ ປະຊຸມເຫັນດີເພີ່ມທະວີການ ຮ່ວມມືດ້ານເສດຖະກິດ ລວມ ທັງການສ້າງຄວາມສາມາດ ເພື່ອຮັບມືກັບຜົນກະທົບຂອງ ການປະຕິວັດດ້ານອຸດສາຫະ ກຳ ແລະ ການພັດທະນາເສດ ຖະກິດດີຈີຕອນ ແລະ ເຄືອຂ່າຍ ຕົວເມືອງທັນສະໄໝ ແລະ ຕົວ ເມືອງວັດທະນະທຳ. ອັນສຳຄັນ ກອງປະຊຸມໄດ້ເນັ້ນຄວາມສຳ ຄັນຂອງການສົ່ງເສີມລະບົບ ການຄ້າສາກົນທີ່ເປີດກວ້າງ ແລະ ເສລີ ແລະ ຢ້ຳຄືນຄວາມ ໝາຍໝັ້ນໃນການເຮັດວຽກ ຮ່ວມກັນ ເພື່ອເລັ່ງລັດການເຈ ລະຈາສັນຍາຄູ່ຮ່ວມທາງເສດ ຖະກິດແບບຮອບດ້ານລະດັບ ພາກພື້ນ (RCEP) ໃຫ້ສຳເລັດ ພາຍໃນທ້າຍປີ 2018.
ກອງປະຊຸມລັດຖະມົນຕີ ຕ່າງປະເທດຂອງກອງປະຊຸມ ສຸດຍອດອາຊີຕາເວັນອອກ (EAS) ຄັ້ງທີ 8 ໄດ້ຢ້ຳຄືນບົດ ບາດຄວາມສຳຄັນຂອງອີເອ ເອັສ ໃນການເປັນເວທີປຶກສາ ຫາລືລະດັບຜູ້ນຳກ່ຽວກັບບັນ ຫາຍຸດທະສາດ, ການເມືອງ, ເສດຖະກິດ ແລະ ຄວາມສົມ ບູນພູນສຸກໃນພາກພື້ນອາ ຊີຕາເວັນອອກ. ກອງປະຊຸມ ສະແດງຄວາມຍິນດີຕໍ່ຄວາມ ຄືບໜ້າໃນການຈັດຕັ້ງຜັນຂະ ຫຍາຍບັນດາຂໍ້ຕົກລົງຂອງ ຜູ້ນຳອີເອເອັສ ໃນໄລຍະ 1 ປີຜ່ານມາ ແລະ ການຈັດຕັ້ງ ປະຕິບັດແຜນປະຕິບັດງານມະ ນີລາ ຂອງການຮ່ວມມືຂອບ ກອງປະຊຸມສຸດຍອດອາຊີຕາ ເວັນອອກ ສຳລັບ 2018-2022 ໃນຂົງເຂດສິ່ງແວດລ້ອມ ແລະ ພະລັງງານ, ການສຶກສາ, ການເງິນ, ສາທາລະນະສຸກ ແລະ ການຕ້ານພະຍາດລະ ບາດ, ການຄຸ້ມຄອງໄພພິບັດ, ການເຊື່ອມຈອດ, ເສດຖະກິດ ແລະ ການຄ້າ, ຄວາມໝັ້ນຄົງ ດ້ານສະບຽງອາຫານ ແລະ ການຮ່ວມມືທາງທະເລ. ກອງ ປະຊຸມໄດ້ສະແດງຄວາມຊົມ ເຊີຍຕໍ່ການເປີດການນຳໃຊ້ ເວັບໄຊ ອີເອເອັສ ຢ່າງເປັນ ທາງການ ຊຶ່ງຈະເປັນຊ່ອງ ທາງໃນການສ້າງຄວາມຮັບຮູ້ ແລະ ເຂົ້າໃຈຂອງສາທາລະ ນະຊົນຕໍ່ການຮ່ວມມື ໃນຂອບ ອີເອເອັສ ໃຫ້ຫຼາຍຂຶ້ນ. ນອກ ນີ້, ກອງປະຊຸມໄດ້ແລກປ່ຽນ ຄວາມຄິດເຫັນກ່ຽວກັບບັນຫາ ພາກພື້ນ ແລະ ສາກົນ ທີ່ມີ ຄວາມສົນໃຈຮ່ວມກັນ ເຊັ່ນ: ການສົ່ງເສີມການຄ້າຫຼາຍ ຝ່າຍແບບເສລີ ແລະ ເປີດ ກວ້າງ ໃນທ່າມກາງສະພາບ ທ່າອ່ຽງປົກປ້ອງຕະຫຼາດພາຍ ໃນ ແລະ ຊຸກຍູ້ການເລັ່ງລັດ ການເຈລະຈາສັນຍາຄູ່ຮ່ວມ ທາງເສດຖະກິດແບບຮອບດ້ານ ລະດັບພາກພື້ນ (RCEP) ໃຫ້ ສຳເລັດໃນທ້າຍປີນີ້, ສະພາບ ການທີ່ມີການພັດທະນາໃນ ທາງບວກຢູ່ແຫຼມເກົາຫຼີ, ສະ ພາບການໃນທະເລຈີນໃຕ້, ການ ຮ່ວມມືເພື່ອຕ້ານອາຊະຍາກຳ ຂ້າມຊາດ ແລະ ການກໍ່ການ ຮ້າຍໃນພາກພື້ນ ແລະ ແນວ ຄວາມຄິດກ່ຽວກັບພາກພື້ນ ອິນໂດປາຊີໂກ. ພ້ອມນີ້, ກອງ ປະຊຸມກໍໄດ້ກະກຽມໃຫ້ແກ່ ກອງປະຊຸມສຸດຍອດອາຊີຕາ ເວັນອອກ ຄັ້ງທີ 13 ທີ່ຈະຈັດ ຂຶ້ນໃນເດືອນພະຈິກ 2018 ທີ່ ສິງກະໂປ ແລະ ໄດ້ຮັບຊາບ ຄວາມຄືບໜ້າຂອງການຮ່າງ ບັນດາເອກະສານຜົນຂອງກອງ ປະຊຸມດັ່ງກ່າວ.
ກອງປະຊຸມເວທີພາກພື້ນ ອາຊຽນ (ARF) ຄັ້ງທີ 25 ໄດ້ ທົບທວນຄືນ ແລະ ສະແດງ ຄວາມເພິ່ງພໍໃຈຕໍ່ການຮ່ວມມື ໃນໄລຍະຜ່ານມາ ແລະ ໄດ້ ແລກປ່ຽນຄວາມຄິດເຫັນຢ່າງ ກົງໄປກົງມາ ກ່ຽວກັບສະພາບ ການໃນພາກພື້ນ ແລະ ສາກົນ ທີ່ພວມຜັນແປເປັນຕົ້ນແມ່ນ ບັນຫາການກໍ່ການຮ້າຍ, ລັດທິ ຫົວຮຸນແຮງ, ສະພາບການຢູ່ ຕາເວັນອອກກາງ, ສະພາບການ ຢູ່ແຫຼມເກົາຫຼີ, ບັນຫາທະເລ ຈີນໃຕ້, ບັນຫາອາຊະຍາກຳ ຂ້າມຊາດ, ຄວາມໝັ້ນຄົງດ້ານ ຂໍ້ມູນຂ່າວສານ, ການປ່ຽນ ແປງດິນຟ້າອາກາດ, ໂດຍສະ ເພາະໄພພິບັດທຳມະຊາດ ແລະ ບັນຫາອື່ນໆ ທີ່ມີຄວາມ ສົນໃຈ ແລະ ເປັນຫ່ວງຮ່ວມ ກັນ. ພ້ອມນັ້ນ, ທ່ານລັດຖະ ມົນຕີ ສະເຫຼີມໄຊ ກົມມະສິດ ຍັງໄດ້ສະແດງຄວາມຂອບໃຈ ຕໍ່ການຊ່ວຍເຫຼືອຂອງບັນດາ ປະເທດເພື່ອນມິດ ແລະ ອົງ ການຮ່ວມມືຕ່າງໆ ໃນການກູ້ ໄພ ແລະ ບັນເທົາທຸກໄພນ້ຳ ຖ້ວມໃນຄັ້ງນີ້. ກອງປະຊຸມ ຍັງ ໄດ້ຮັບຮອງເອົາບັນດາກິດຈະ ກຳຂອງ ARF ທີ່ຈະຈັດຕັ້ງປະ ຕິບັດໃນສົກປີ 2018-2019, ຖະແຫຼງການເວທີພາກພື້ນອາ ຊຽນ ວ່າດ້ວຍການຮ່ວມມືດ້ານ ການຄຸ້ມຄອງໄພພິບັດ. ກອງ ປະຊຸມໄດ້ຮັບຮອງການເປັນ ປະທານຮ່ວມຂອງ ສປປ ລາວ, ຈີນ ແລະ ການາດາ ໃນການ ເປັນປະທານຮ່ວມກອງປະຊຸມ ເວທີພາກພື້ນອາຊຽນ ກ່ຽວກັບ ການບັນເທົາທຸກໄພພິບັດ (ARF ISM on Disaster Relief) ສຳລັບຊຸມປີຕໍ່ໜ້າ. ພ້ອມດຽວກັນ, ກອງປະຊຸມ ຍັງ ໄດ້ຢ້ຳຄືນຄວາມສຳຄັນຂອງ ຫຼັກການໃນການປຶກສາຫາລື ແລະ ຖືເອົາການຕົກລົງດ້ວຍ ຄວາມເປັນເອກະສັນ ແລະ ດຳ ເນີນໄປໃນຈັງຫວະທີ່ທຸກຝ່າຍ ມີຄວາມສະບາຍໃຈ ສຳລັບ ການຮ່ວມມືໃນຂອບເວທີພາກ ພື້ນອາຊຽນໃນອະນາຄົດ.
(ຂ່າວ: ກົມຂ່າວກະຊວງ ການຕ່າງປະເທດ)