ສານສະແດງຄວາມເຫັນໃຈຈາກນາຍົກຍີ່ປຸ່ນ


08.08.2018 8:17     

   ພະນະທ່ານທ່ານ ຊິນໂຊ ອາເບະ ນາຍົກລັດຖະມົນຕີ ແຫ່ງ ປະເທດ ຍີ່ປຸ່ນ ໄດ້ສົ່ງສານສະແດງຄວາມເຫັນໃຈເຖິງ ພະນະທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງ ສປປ ລາວ ຊຶ່ງມີເນື້ອໃນດັ່ງນີ້: ຂ້າພະເຈົ້າ ໄດ້ຮັບຊາບຂ່າວ ອຸບັດເຫດເຂື່ອນກັ້ນນ້ຳແຕກ ຢູ່ແຂວງອັດຕະປືພາກໃຕ້ ຂອງ ສປປ ລາວ ຊຶ່ງໄດ້ສ້າງຄວາມເສຍຫາຍດ້ານຊີວິດ ແລະ ຊັບ ສິນຢ່າງມະຫາສານຈຶ່ງຂໍສະແດງຄວາມເສຍໃຈຢ່າງສຸດຊຶ້ງ.
    ຕໍ່ໄພພິບັດດັ່ງກ່າວ, ຂ້າພະເຈົ້າ ຕາງໜ້າໃຫ້ລັດຖະບານ ແລະ ປະຊາຊົນຍີ່ປຸ່ນ ຂໍສະແດງຄວາມເຫັນໃຈ ມາຍັງຜູ້ເສຍ ຊີວິດ ແລະ ຄອບຄົວຜູ້ເສຍຊີວິດ, ພ້ອມທັງສະແດງຄວາມຢ້ຽມ ຢາມຂ່າວມາຍັງບັນດາຜູ້ປະສົບໄພພິບັດຄັ້ງນີ້. ຂ້າພະເຈົ້າ ຫວັງຢ່າງຍິ່ງວ່າ: ອຸປະກອນຊ່ວຍເຫຼືອສຸກ ເສີນ ທີ່ລັດຖະບານຍີ່ປຸ່ນ ໄດ້ໃຫ້ການຊ່ວຍເຫຼືອເບື້ອງຕົ້ນນັ້ນ ຈະນຳເອົາຜົນປະໂຫຍດສູງສຸດແກ່ຜູ້ປະສົບໄພພິບັດ ແລະ ເຂດປະສົບໄພພິບັດ ຈະໄດ້ຮັບການຟື້ນຟູກັບສູ່ສະພາບປົກ ກະຕິໂດຍໄວ.