ວາງສະແດງຮູບພາບຕ້ອນຮັບວັນສ້າງຕັ້ງ ສນຊ ຄົບຮອບ 68 ປີ


...

09.08.2018 10:47     

    ສູນກາງແນວລາວສ້າງ ຊາດ (ສນຊ) ຮ່ວມກັບກະຊວງ-ອົງ ການ ແລະ ການຈັດຕັ້ງທາງ ສັງຄົມ ໄດ້ຈັດງານວາງສະແດງ ຮູບພາບ, ວາງສະແດງສິນຄ້າ ອຸປະກອນການສຶກສາ ເພື່ອ ຕ້ອນຮັບເປີດສົກຮຽນໃໝ່ Back to School, ພ້ອມຮັບ ບໍລິຈາກເງິນຊ່ວຍເຫຼືອຜູ້ປະ ສົບໄພນ້ຳຖ້ວມຢູ່ເມືອງສະ ໜາມໄຊ ແຂວງອັດຕະປື, ທັງ ນີ້ ເພື່ອເປັນການສະເຫຼີມສະ ຫຼອງວັນສ້າງຕັ້ງແນວລາວສ້າງ ຊາດ ຄົບຮອບ 68 ປີ, ງານ ດັ່ງກ່າວ ໄດ້ຈັດຂຶ້ນໃນວັນທີ 8 ສິງຫາ ນີ້ ທີ່ສູນການຄ້າລາວ -ໄອເຕັກ ໂດຍເປັນກຽດເຂົ້າ ຮ່ວມຂອງ ທ່ານ ໄຊສົມພອນ ພົມວິຫານ ກຳມະການກົມ ການເມືອງ ສູນກາງພັກ ປະ ທານສູນກາງແນວລາວສ້າງ ຊາດ, ທ່ານ ນາງ ແກ້ວມະ ນີວັນ ຜາລີຂັນ ປະທານສະ ມາຄົມຄຸນຄ່າລາວ, ມີບັນດາຄູ່ ຮ່ວມງານຂອງສູນກາງແນວ ລາວສ້າງຊາດ, ແຂກຖືກເຊີນ ແລະ ພາກສ່ວນກ່ຽວຂ້ອງເຂົ້າ ຮ່ວມ. ທ່ານ ນາງ ແກ້ວມະນີວັນ ຜາວີຂັນ ໄດ້ກ່າວວ່າ: ເພື່ອຂ່ຳ ນັບຮັບຕ້ອນວັນສ້າງຕັ້ງສູນ ກາງແນວລາວສ້າງຊາດ ຄົບ ຮອບ 68 ປີ ແລະ ວັນສື່ມວນ ຊົນແຫ່ງຊາດ-ວັນພິມຈຳໜ່າຍ ແລະ ຂ່ຳນັບຮັບຕ້ອນກອງປະ ຊຸມພົບປະຜູ້ຊົງຄຸນວຸດທິບັນ ດາຊົນເຜົ່າທົ່ວປະເທດ ຄັ້ງທີ 3 ທີ່ຈະໄຂຂຶ້ນໃນເດືອນຕຸລາທີ່ ຈະມາເຖິງນີ້ ພ້ອມທັງເປັນ ການປຸກລະດົມນ້ຳໃຈປະກອບ ສ່ວນການບໍລິຈາກວັດຖຸ-ປັດ ໄຈຈາກສັງຄົມ ເພື່ອຊ່ວຍເຫຼືອ ຜູ້ປະສົບໄພນ້ຳຖ້ວມຢູ່ເມືອງ ສະໜາມໄຊ ແຂວງອັດຕະປື ແລະ ໃນຂອບເຂດທົ່ວປະເທດ ຊຶ່ງໃນການວາງສະແດງຄັ້ງນີ້ ແມ່ນໄດ້ນຳເອົາຮູບພາບການ ເຄື່ອນໄຫວແຕ່ລະໄລຍະຂອງ 6 ອົງການຄື: ສູນກາງແນວ ລາວສ້າງຊາດ, ກະຊວງຖະ ແຫຼງຂ່າວ, ວັດທະນະທຳ ແລະ ທ່ອງທ່ຽວ, ສະມາຄົມຄຸນຄ່າ ລາວ, ສູນກາງຊາວໜຸ່ມປະຊາ ຊົນ ປະຕິວັດລາວ, ສູນກາງສະ ຫະພັນແມ່ຍິງລາວ ແລະ ສູນ ກາງສະຫະພັນກຳມະບານ ລາວ ເປັນຕົ້ນແມ່ນຜ້າໄໝ, ເຄື່ອງມືຫັດຖະກຳຈັກສານ, ອາຫານ-ເຄື່ອງດື່ມ ແລະ ຢາ ປົວພະຍາດ ລວມທັງໝົດ 45 ຫ້ອງ, ພິເສດຂອງສູນກາງແນວ ລາວສ້າງຊາດ 5 ຫ້ອງ. ທ່ານໄດ້ໃຫ້ຮູ້ຕື່ມອີກວ່າ: ສຳລັບງານໃນປີນີ້ ແມ່ນຈະ ເນັ້ນການອະນຸລັກຮັກສາຄວາມ ເປັນລາວ ວັດທະນະທຳຂອງ ແຕ່ລະເຜົ່າ ໂດຍມີນະໂຍບາຍ ເພື່ອກະຕຸ້ນຄວາມສາມັກຄີຢູ່ ໃນບັນດາຊົນຊາດ ຊົນເຜົ່າທີ່ບໍ່ ແຍກຈາກກັນ, ທັງເປັນການສົ່ງ ເສີມໃຫ້ປະຊາຊົນສ້າງສິນຄ້າ ເປັນຜະລິດຕະພັນໂອດ໋ອບ ແລະ ຄອບຄົວຕົວແບບໃຫ້ມີ ລາຍໄດ້ ເພື່ອສ້າງໃຫ້ສັງຄົມ ມີຄວາມເຂັ້ມແຂງທາງດ້ານ ເສດຖະກິດ, ການຈັດງານໃນ ຄັ້ງນີ້ ໄດ້ຕິດພັນກັບວຽກງານ ການທ່ອງທ່ຽວ ເພື່ອເຮັດແນວ ໃດໃຫ້ປະເທດລາວເຮົາ ມີການ ພັດທະນາດີຂຶ້ນ ບໍ່ວ່າຈະເປັນ ເລື່ອງການພັດທະນາດ້ານເຕັກ ໂນໂລຊີຂອງພວກເຮົາ ຄຽງຄູ່ ກັບການອະນຸລັກຄວາມເປັນ ລາວໃຫ້ມີຄວາມເຂັ້ມແຂງ ເພື່ອ ເຮັດໃຫ້ຂະແໜງການທ່ອງທ່ຽວ ຂອງລາວເຮົາມີຄວາມເປັນ ລາວ ລວມທັງອາຫານ ແລະ ເຄື່ອງໃຊ້ ຊຶ່ງເປັນຜະລິດຕະ ພັນທີ່ໃຊ້ພາຍໃນເຮືອນ ພ້ອມ ທັງອຸປະກອນການຮຽນ ເພື່ອ ຕ້ອນຮັບການເປີດສົກຮຽນໃໝ່, ງານວາງສະແດງສິນຄ້າຄັ້ງນີ້ ເລີ່ມແຕ່ວັນທີ 4 ຫາວັນທີ 12 ສິງຫາ 2018 ນີ້. (ຂ່າວ-ພາບ: ຍຸພິນທອງ)