ການປະຕິບັດງານຂອງການບິນທະຫານອາກາດ ພາກສະໜາມ ຍັງສືບຕໍ່ພາລະກິດ


...

09.08.2018 10:51     

   ການປະຕິບັດງານຂອງ ການບິນທະຫານອາກາດພາກ ສະໜາມ ທີ່ເມືອງສະໜາມໄຊ ແຂວງອັດຕະປື ຈາກເຫດການ ໄພນ້ຳຖ້ວມຍ້ອນຄູກັ້ນນ້ຳ ຂອງເຂື່ອນເຊປຽນ-ເຊນ້ຳນ້ອຍພັງ ໃນວັນທີ 23 ກໍລະກົດ 2018 ຜ່ານມາ ປັດຈຸບັນ ແມ່ນ ປະຕິບັດໜ້າທີ່ດ້ວຍຄວາມ ເອົາໃຈໃສ່ສູງ ແລະ ມີຄວາມ ຮັບຜິດຊອບເປັນຢ່າງດີໃນການ ເຮັດພາລະກິດບິນຮັບໃຊ້ພໍ່ ແມ່ປະຊາຊົນ ແລະ ຂົນເຄື່ອງ ຮັບໃຊ້ຕ່າງໆ. ທ່ານ ພັນໂທ ຄຳສຸກ ຄຳ ເລືອງເທບ ຮອງຫົວໜ້າກອງ ພັນໃຫຍ່ 703, ຫົວໜ້າພະແນກ ອົບຮົມການບິນ, ຜູ້ຮັບຜິດຊອບ ບັນຊາການບິນ ທະຫານອາ ກາດ ພາກສະໜາມ ໄດ້ໃຫ້ສຳ ພາກຕໍ່ສື່ມວນຊົນ ເມື່ອວັນທີ 8 ສິງຫານີ້ ທີ່ຫ້ອງວ່າການປົກ ຄອງເມືອງສະໜາມໄຊ ແຂວງ ອັດຕະປື ວ່າ: ມື້ທຳອິດທີ່ໄດ້ ຮັບຄຳສັ່ງທີ່ເກີດເຫດການໃນ ຕອນແລງວັນທີ 23 ກໍລະກົດ 2018, ກະຊວງປ້ອງກັນປະເທດ ໄດ້ມີຄຳສັ່ງເຖິງກອງພັນໃຫຍ່ 703 ໃຫ້ນຳເຮືອບິນມິກ 17 ຈຳນວນ 3 ລຳ ເຂົ້າໃນສະຖານ ທີ່ເກີດ ເຫດ, ເພື່ອປະຕິບັດຜັນຂະ ຫຍາຍປະຕິບັດຄຳສັ່ງນັ້ນ. ກໍ ໄດ້ປະຕິບັດການບິນໃນຕອນ ເຊົ້າຂອງວັນທີ 24 ກໍລະກົດ ເຂົ້າມາໃນພາກສະໜາມ ຊຶ່ງ ໃນເບື້ອງຕົ້ນໃນການປະຕິບັດ ພາລະກິດ ແມ່ນມີຄວາມເຄັ່ງ ຕຶງຫຼາຍເພາະໃນສະຖານ ທີ່ເກີດເຫດຖືກນ້ຳຖ້ວມ ໂດຍ ພວກຂ້າພະເຈົ້າໄດ້ນຳເອົາ ເຄື່ອງບິນ 3 ລຳ ມາຊອກຄົ້ນ ກອບກູ້ ແລະ ຊ່ວຍເຫຼືອຜູ້ປະ ສົບໄພ ແລະ ຊ່ວຍຜູ້ກອບກູ້ ທາງນ້ຳ ຊຶ່ງໃນພາລະກິດ 2 ມື້ ທຳອິດໃນການບິນຊ່ວຍຜູ້ປະ ສົບໄພທີ່ໜ່ວຍກອບກູ້ໄພທາງ ນ້ຳ ຊ່ວຍໄວ້ຕາມເກາະ, ດອນ ແລະ ອື່ນໆ ທີ່ມີຄວາມປອດໄພ ແລ້ວພວກເຮົາໄດ້ຊ່ວຍຂົນເຂົ້າມາໃນຕົວເມືອງສະໜາມ ໄຊ ໄດ້ຫຼາຍຮ້ອຍຄົນ, ທ່ານ ກ່າວຕື່ມວ່າ: ພາຍຫຼັງສະຖາ ນະການຂອງໜ່ວຍກອບກູ້ ທາງນ້ຳ ແລະ ທຸກໆໜ່ວຍໄດ້ຜ່ອນຄາຍລົງ ແລ້ວພວກເຮົາ ໄດ້ຫັນພາລະກິດໃນການຂົນ ສົ່ງພໍ່ແມ່ປະຊາຊົນຢູ່ຕາມບ້ານ ຕ່າງໆ ເຂົ້າມາໃນຕົວເມືອງ ແລະ ສູນຕ່າງໆ ແລະ ຂົນສົ່ງ ເຂົ້າ, ອາຫານ, ເຄື່ອງອຸປະໂພກ ບໍລິໂພກ, ເຄື່ອງການແພດ, ເຄື່ອງເຕັກນິກການກອບກູ້, ເຄື່ອງຟື້ນຟູຊີວິດການເປັນຢູ່ ແລະ ອື່ນໆ ໄປຊ່ວຍເຫຼືອປະ ຊາຊົນ ຊຶ່ງນັບແຕ່ມື້ເລີ່ມຕົ້ນ ມາເຖິງປັດຈຸບັນ ໄດ້ປະຕິບັດ ການບິນຢ່າງເຄັ່ງຮ້ອນ ໂດຍທຸກໆມື້ ແມ່ນໄດ້ປະຕິບັດການ ບິນຫຼາຍກວ່າ 10 ຖ້ຽວ ບາງມື້ ຮອດ 20 ກວ່າຖ້ຽວ ແລະ ມີນ້ຳ ໜັກຫຼາຍກວ່າ 10 ໂຕນ ໃນແຕ່ລະມື້, ພາລະກິດໃນຕໍ່ໜ້າ ແມ່ນຈະສືບຕໍ່ການຂົນສົ່ງຕໍ່ໄປ ຈົນກວ່າປະຊາຊົນໄດ້ຮັບການ ຟື້ນຟູ ແລະ ມີຊີວິດການເປັນຢູ່ ທີ່ດີຂຶ້ນມີຖະໜົນຫົນທາງທີ່ດີ, ຕາບໃດບໍ່ບັນລຸຜົນສຳເລັດ ພວກເຮົາກໍຈະສືບຕໍ່ເຮັດພາ ລະກິດດັ່ງກ່າວໃຫ້ສຳເລັດ. ທ່ານ ໃຫ້ຮູ້ຕື່ມວ່າ: ນອກຈາກ ນີ້, ພວກເຮົາຍັງໄດ້ໄປຊ່ວຍ ເຫຼືອພໍ່ແມ່ປະຊາຊົນທີ່ຖືກປະ ສົບໄພນ້ຳຖ້ວມຢູ່ເຂດອື່ນໆ ເປັນຕົ້ນແມ່ນຢູ່ເຂດພາກເໜືອ ຕື່ມອີກ ໂດຍໄດ້ໃຊ້ເຮືອບິນ MN 600 ໃນການຂົນສົ່ງ.