ທ່ານ ພົນໂທ ວິໄລ ຫຼ້າຄຳຟອງ ຊຸກຍູ້ການກອບກູ້ຜູ້ສູນຫາຍ ທີ່ເມືອງສະໜາມໄຊ


...

09.08.2018 10:47     

   ວັນທີ 8 ສິງຫາ 2018 ນີ້, ທ່ານ ພົນໂທ ວິໄລ ຫຼ້າຄຳຟອງ ເລຂາທິການສູນກາງພັກ ຮອງ ລັດຖະມົນຕີກະຊວງປ້ອງກັນ ປະເທດ ຫົວໜ້າກົມໃຫຍ່ການ ເມືອງກອງທັບ ໄດ້ລົງຊີ້ນຳ ແລະ ຕິດຕາມຊຸກຍູ້ພາລະກິດ ການຊອກຄົ້ນຜູ້ທີ່ສູນຫາຍ ຈາກໄພພິບັດນ້ຳຖ້ວມຢູ່ສູນ ບັນຊາການພາກສະໜາມກອບ ກູ້ໄພພິບັດກະຊວງປ້ອງກັນປະ ເທດ ທີ່ບ້ານໃໝ່ ເມືອງສະໜາມ ໄຊ ແຂວງອັດຕະປື. ທ່ານ ພົນຈັດຕະວາ ຜາ ລົມ ລິນທອງ ຮອງຫົວໜ້າກົມ ໃຫຍ່ການເມືອງກອງທັບ ຄະ ນະຮັບຜິດຊອບພາກສະໜາມ ໃນການກອບກູ້ຊອກຄົ້ນຊ່ວຍ ເຫຼືອກູ້ໄພພິບັດທາງທຳມະ ຊາດນ້ຳຖ້ວມຢູ່ເມືອງສະໜາມ ໄຊ ແຂວງອັດຕະປື ໄດ້ລາຍ ງານວ່າ: ຢູ່ສູນບັນຊາການພາກ ສະໜາມ ກຳລັງຂອງພວກເຮົາ ໄດ້ມີການຈັດສັນແບ່ງວຽກງານ ຢ່າງລະອຽດ ຊຶ່ງໃນແຕ່ລະວັນ ໄດ້ຈັດຕັ້ງກຳລັງກອງພົນທີ 5, ທະຫານແຂວງອັດຕະປື, ທະ ຫານເມືອງສະໜາມໄຊ ດຳ ເນີນການຊອກຄົ້ນຫາ ໂດຍ ເຂົາເຈົ້າໄດ້ແບ່ງໜ້າວຽກຄວາມ ຮັບຜິດຊອບກັນຢ່າງລະອຽດ, ແບ່ງກັນອອກເປັນຈຸ, ເປັນ ໝວດ, ຕີແພ່ເປັນໜ້າກະດານ ຂະຫຍາຍຕາໜ່າງຄົ້ນຫາເປັນ ລັດສະໝີວົງກວ້າງອອກໄປ, ເຖິງວ່າປັດຈຸບັນນີ້ ແມ່ນ້ຳລຳ ເຊ ຈະບົກແຫ້ງລົງກໍຕາມ, ການ ຊອກຄົ້ນຫາຍັງພົບຄວາມຫຍຸ້ງ ຍາກ ເນື່ອງຈາກວ່າສະພາບ ດິນຟ້າອາກາດບໍ່ເອື້ອອຳນວຍ, ບາງບ່ອນເກີດມີຂີ້ຕົມພຽງເອິກ, ພຽງແອວບວກກັບເສດຂີ້ເຫຍື້ອ ຮາກໄມ້ທັບຖົມ ແລະ ມີເສດ ແກ້ວ, ຕະປູເຕັມໄປຕາມພື້ນ ທີ່, ເຮັດໃຫ້ກອບກູ້ຊອກຫາພົບ ກັບຄວາມຫຍຸ້ງຍາກພໍສົມ ຄວນ. ແຕ່ເຖິງຢ່າງໃດກໍຕາມ ຄະນະຊີ້ນຳພວກເຮົາ ໄດ້ສຸມ ທຸກສະຕິປັນຍາເຫື່ອແຮງນຳ ພາກຳລັງອ້າຍນ້ອງອອກຊອກ ຄົ້ນຫາເປັນວົງກວ້າງ ແລະ ເລິກຍິ່ງຂຶ້ນ ຊຶ່ງສືບຕໍ່ຈາກຈຸດ ມື້ທີ່ຜ່ານມາ ເພື່ອກອບກູ້ຊອກ ຫາຜູ້ສູນຫາຍຈາກໄພພິບັດ ໃນຄັ້ງນີ້ ໃຫ້ພົບໂດຍໄວ. ສ່ວນ ທີ່ຍັງເຫຼືອກຳລັງຂອງພວກເຮົາ ຈະສຸມໃສ່ຊອກຄົ້ນຫາຕໍ່ໄປ. ໂອກາດດັ່ງກ່າວ ທ່ານ ຮອງລັດຖະມົນຕີກະຊວງປ້ອງ ກັນປະເທດ ກໍສະແດງຄວາມ ຊົມເຊີຍຕໍ່ຄະນະຮັບຜິດຊອບ ແລະ ກຳລັງທະຫານກົມກອງ ຕ່າງໆ ທີ່ໄດ້ສູ້ຊົນຜ່ານຜ່າຂໍ້ ຫຍຸ້ງຍາກ, ດຳເນີນການຊອກ ຄົ້ນຢ່າງຕໍ່ເນື່ອງພ້ອມທັງເນັ້ນ ໜັກໃຫ້ຄະນະຮັບຜິດຊອບ ພາກສະໜາມຕະຫຼອດຮອດ ພະນັກງານ-ນັກຮົບ ຈົ່ງພ້ອມ ກັນສຸມທຸກເຫື່ອແຮງຂອງຕົນ ປະກອບສ່ວນເຮັດສຳເລັດໜ້າ ທີ່ການເມືອງຂອງຕົນດ້ວຍ ຄວາມບຸກບືນຫ້າວຫັນ, ພ້ອມ ທັງປະຕິບັດໜ້າທີ່ດ້ວຍຄວາມ ລະມັດລະວັງ, ຫຼີກລ່ຽງການ ເກີດອຸບັດເຫດ ແລະ ການສູນ ເສຍ, ເດັດດ່ຽວເຮັດສຳເລັດໜ້າ ທີ່ທີ່ປະເທດຊາດ ແລະ ປະຊາ ຊົນມອບໝາຍໃຫ້. (ຂ່າວ: ວັນໄຊ-ອາຫວຸ້ນ)