ຜູ້ປະສົບໄພນ້ຳຖ້ວມ ເມືອງສະໜາມໄຊ ຍັງຕ້ອງການຄວາມຊ່ວຍເຫຼືອ


...

10.08.2018 9:53     

   ໜ່ວຍງານຮັບ-ເບີກຈ່າຍ ເຄື່ອງບໍລິຈາກເປັນໜ່ວຍງານ ໜຶ່ງທີ່ຮັບ ແລະ ເບີກຈ່າຍເຄື່ອງ ບໍລິຈາກໃຫ້ພໍ່ແມ່ປະຊາຊົນ ທີ່ ປະສົບໄພນ້ຳຖ້ວມຢູ່ເມືອງສະ ໜາມໄຊ ແຂວງອັດຕະປື ຊຶ່ງ ໃນປັດຈຸບັນ ໄດ້ມີການເບີກ ຈ່າຍຕາມຄວາມຕ້ອງການຂອງ ປະຊາຊົນ. ໃນຂະນະທີ່ຄວາມ ຕ້ອງການອັນຮີບດ່ວນແມ່ນ ປະເພດເຂົ້າສານ, ເຄື່ອງແຕ່ງ ຢູ່ຄົວກິນເຊັ່ນ: ປະເພດຊີ້ນ, ປາ ແລະ ອື່ນໆ. ທ່ານ ນາງ ທອງຜີນ ຄຸນ ຕາມີ ຮອງຄະນະຈັດຕັ້ງເມືອງ ສະໜາມໄຊ, ຄະນະຊີ້ນຳຮັບ ແລະ ເບີກຈ່າຍເຄື່ອງບໍລິຈາກ ໄດ້ ລາຍງານເມື່ອວັນທີ 9 ສິງຫາ ທີ່ຫ້ອງວ່າການປົກຄອງເມືອງ ສະໜາມໄຊ ໃຫ້ຮູ້ວ່າ: ປັດຈຸບັນ ແມ່ນໄດ້ຮັບເຄື່ອງມາຈາກຫ້ອງ ວ່າການປົກຄອງແຂວງອັດຕະ ປື ມາໄວ້ໃນສາງ ຊຶ່ງຕັ້ງຢູ່ຫ້ອງ ວ່າການປົກຄອງເມືອງສະໜາມ ໄຊ ແລະ ຮັບເຄື່ອງຈາກພາກ ສ່ວນຜູ້ໃຈບຸນມາບໍລິຈາກກັບທີ່, ໃນການ ແຈກຢາຍແມ່ນລວມມີ 8 ຈຸດ, ໃນເບື້ອງຕົ້ນແມ່ນໄດ້ແຈກຢາຍ ປະເພດເຄື່ອງນອນຈຳນວນ ໜຶ່ງ. ເພາະໃນໄລຍະນັ້ນໄດ້ຈັດ ເປັນຈຸ ຊຶ່ງຈຸໜຶ່ງປະກອບມີ 20 -30 ຄອບຄົວຕາມຫ້ອງທີ່ຮອງ ຮັບໄດ້ ແລະ ໄດ້ແຈກປະເພດ ເຄື່ອງນຸ່ງຫົ່ມ. ມາຮອດປັດຈຸ ບັນແມ່ນໄດ້ແຍກອອກເປັນ ສູນ, ເປັນຄອບຄົວ ແລະ ກໍ ໄດ້ມີການແຈກຢາຍປະເພດ ເຄື່ອງນອນເປັນຕົ້ນແມ່ນໝອນ, ຜ້າຫົ່ມ ແຕ່ກໍຍັງບໍ່ທັນພຽງພໍ, ທ່ານກ່າວຕື່ມວ່າ: ໃນການ ແຈກຢາຍນັ້ນໂດຍສະເພາະຢູ່ ເຂດເທດສະບານແມ່ນນຳໃຊ້ ທາງລົດ ແລະ ສະເພາະອີກ 2 ຈຸດຄື: ປິ່ນດົງ ແລະ ຕະ ມໍ ຢອດແມ່ນໃຊ້ເຄື່ອງບິນມື້ໜຶ່ງ ປະມານ 3 ຖ້ຽວ ໃນປັດຈຸບັນ ຄວາມຕ້ອງການຂອງປະຊາ ຊົນແມ່ນປະເພດເຂົ້າສານ, ເຄື່ອງແຕ່ງຢູ່ຄົວກິນເຊັ່ນ: ເຕົາ ດັງໄຟ, ຄຽງ 3 ຂາ, ຖັງໃສ່ນ້ຳ (ຟຸ້ຍ), ຊາມ, ເຄື່ອງທຳຄວາມ ສະອາດ, ປະເພດເຄື່ອງນອນ ແລະ ອື່ນໆ ສຳລັບການຂົນສົ່ງ ແຈກຢາຍເຄື່ອງໃຫ້ແກ່ພໍ່ແມ່ ປະຊາຊົນເຖິງວ່າຈະມີຄວາມ ຫຍຸ້ງຍາກທາງດ້ານຖະໜົນຫົນ ທາງ, ດິນຟ້າອາກາດບໍ່ອຳນວຍ ຄວາມສະດວກໃນການຂົນສົ່ງ ທາງອາກາດ ແຕ່ໜ່ວຍງານດັ່ງ ກ່າວແມ່ນໄດ້ເອົາໃຈໃສ່ຢ່າງຕັ້ງ ໜ້າ ແລະ ຫາທຸກວິທີທາງ ເພື່ອ ເຮັດໃຫ້ພໍ່ແມ່ປະຊາຊົນຢູ່ຕາມ ຈຸດຕ່າງໆໄດ້ຮັບການຊ່ວຍເຫຼືອ ຢ່າງທົ່ວເຖິງ. (ຂ່າວ: ສຳນານ ລາຍງານ ຈາກເມືອງສະໜາມໄຊ)