ທ່ານ ບຸນທອງ ຈິດມະນີ ເຄື່ອນໄຫວກວດກາ ເຂື່ອນພະລັງງານໄຟຟ້ານ້ຳຂອງໄຊຍະບູລີ


...

12.08.2018 19:04     

   ພາຍຫຼັງທີ່ລົງເຄື່ອນໄຫວ ກວດກາບັນດາເຂື່ອນຢູ່ແຂວງ ຫຼວງພະບາງແລ້ວ ໃນວັນທີ 10 ສິງຫາ 2018 ທ່ານ ບຸນທອງ ຈິດມະນີ ກຳມະການກົມການ ເມືອງສູນກາງພັກ, ຄະນະເລຂາ ທິການສູນກາງພັກ, ຮອງນາຍົກ ລັດຖະມົນຕີ, ປະທານຄະນະ ກວດກາສູນກາງພັກ ແລະ ອົງ ການກວດກາລັດຖະບານ, ຫົວ ໜ້າອົງການຕ້ານການສໍ້ລາດ ບັງຫຼວງຂັ້ນສູນກາງໄດ້ເດີນ ທາງໄປຕິດຕາມ, ກວດກາກ່ຽວ ກັບການຈັດຕັ້ງປະຕິບັດການ ຄຸ້ມຄອງ-ຈັດສັນ-ຍົກຍ້າຍ ການຊົດເຊີຍຜົນກະທົບຕໍ່ສິ່ງ ແວດລ້ອມ ແລະ ສັງຄົມຂອງ ເຂື່ອນໄຟຟ້າ ແລະ ຜົນກະທົບ ໄພພິບັດທີ່ເຂື່ອນພະລັງງານ ໄຟຟ້ານ້ຳຂອງໄຊຍະບູລີ ໂດຍ ມີທ່ານ ຄຳມະນີ ອິນທິລາດ ລັດຖະມົນຕີກະຊວງພະລັງ ງານ ແລະ ບໍ່ແຮ່ ແລະ ພາກ ສ່ວນທີ່ກ່ຽວຂ້ອງເດີນທາງໄປ ຕິດຕາມນຳ ໂດຍໄດ້ຮັບການ ຕ້ອນຮັບຈາກ ທ່ານ ພົງສະ ຫວັນ ສິດທະວົງ ເຈົ້າແຂວງ ໄຊຍະບູລີ ພ້ອມດ້ວຍຄະນະ. ໂອກາດນີ້ ທ່ານຮອງນາ ຍົກລັດຖະມົນຕີ ກໍໄດ້ຮັບຟັງ ການລາຍງານຈາກຄະນະນຳ ເຂື່ອນໄຟຟ້ານ້ຳຂອງໄຊຍະ ບູລີ ກ່ຽວກັບການຈັດຕັ້ງປະ ຕິບັດການຄຸ້ມຄອງ-ຈັດສັນ -ຍົກຍ້າຍການຊົດເຊີຍຜົນ ກະທົບຕໍ່ສິ່ງແວດລ້ອມ ແລະ ສັງຄົມຂອງເຂື່ອນໄຟຟ້າ ແລະ ຜົນກະທົບໄພພິບັດການບໍລິ ຫານຈັດການນ້ຳ, ລະບົບການ ຈັດການສິ່ງແວດລ້ອມ ໂດຍ ນັບແຕ່ເຂື່ອນໄຟຟ້າດັ່ງກ່າວ ເລີ່ມລົງມືກໍ່ສ້າງມາຕັ້ງ ແຕ່ປີ 2012 ມາຮອດປັດຈຸບັນ ສ້າງ ສຳເລັດແລ້ວ 96% ຖືວ່າ ສ້າງສຳເລັດໄວເກີນຄາດໝາຍ ໃນເດືອນຕຸລາ 2018 ຈະທົດ ລອງຜະລິດໄຟຟ້າ 1 ເຄື່ອງຈັກ ແລະ ຈະເປີດທຳການຜະລິດ ທັງໝົດໃນທ້າຍປີ 2019. ເຂື່ອນໄຟຟ້າໄຊຍະບູລີ ເປັນ ເຂື່ອນໄຟຟ້ານ້ຳລົ້ນທີ່ນຳເອົາ ເຕັກນິກການກໍ່ສ້າງລະດັບສາ ກົນຍອມຮັບມີແລວທາງນ້ຳໃຫ້ ປາທຽວຂຶ້ນລົງ, ທັງໃຫ້ເຮືອສິນ ຄ້າທຽວໄດ້ທຸກລະດູການ, ປັດ ຈຸບັນມີການຈັດສັນບ່ອນຢູ່ໃຫ້ ປະຊາຊົນທີ່ໄດ້ຮັບຜົນກະທົບ ໄດ້ສຳເລັດ 100%. ຈາກນັ້ນທ່ານຮອງນາຍົກ ລັດຖະມົນຕີໄດ້ໃຫ້ທິດຊີ້ນຳຕໍ່ ຄະນະຮັບຜິດຊອບສ້າງເຂື່ອນ ແລະ ອຳນາດການປົກຄອງ ທ້ອງຖິ່ນ ໂດຍທ່ານໄດ້ເນັ້ນ ໜັກໃຫ້ສູ້ຊົນກໍ່ສ້າງເຂື່ອນໃຫ້ ສຳເລັດຕາມຄາດໝາຍ, ກຳ ນົດເວລາ ແລະ ຮັບປະກັນ ຄວາມປອດໄພ, ຊຸກຍູ້ສົ່ງເສີມ ວຽກເຮັດງານທຳໃຫ້ແກ່ປະຊາ ຊົນຢູ່ທ້ອງຖິ່ນກໍຄືແຮງງານຂອງ ຄົນລາວໃຫ້ໄດ້ຫຼາຍກວ່າ 60% ໃນຈຳນວນແຮງງານພັນກວ່າ ແຮງງານ, ພ້ອມທັງສ້າງບຸກຄະ ລາກອນຄົນລາວ ເພື່ອປະກອບ ເຂົ້າຕຳແໜ່ງງານຕ່າງໆແຕ່ລະ ຂະແໜງການຄຸ້ມຄອງເຂື່ອນ ໃນໄລຍະຍາວ, ເປັນເຈົ້າການໃນ ການຮັກສາຄວາມປອດໄພໃນ ບໍລິເວນໜ້າເຂື່ອນ, ສັນເຂື່ອນ, ບໍລິເວນອື່ນໆ ແລະ ພິເສດ ແມ່ນໃຫ້ຕິດຕາມການເໜັງຕີງ -ການຂຶ້ນລົງຂອງນ້ຳໃນແຕ່ລະ ມື້, ການບໍລິຫານຈັດການນ້ຳ ໃຫ້ຢູ່ໃນລະດັບປົກກະຕິ ແລະ ປອດໄພ ເພື່ອບໍ່ໃຫ້ມີຜົນກະ ທົບຕໍ່ກັບຊີວິດການເປັນຢູ່ຂອງ ປະຊາຊົນທີ່ຢູ່ໃກ້ຄຽງນັບທັງ ເທິງໜ້າເຂື່ອນ ແລະ ບໍລິເວນ ລຸ່ມເຂື່ອນ. (ຂ່າວ: ວາລະສານກວດກາ)