ຮອງນາຍົກ ລົງຕິດຕາມກວດກາ ສາງເກັບເຄື່ອງບໍລິຈາກ


...

12.08.2018 19:05     

   ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ປະ ທານຄະນະກຳມະການແກ້ໄຂ ໄພພິບັດລະດັບຊາດ ໄດ້ລົງ ຕິດຕາມກວດກາເຄື່ອງອຸປະ ໂພກ ແລະ ບໍລິໂພກ ທີ່ໄດ້ ຈາກການບໍລິຈາກທັງພາຍໃນ ແລະ ຕ່າງປະເທດ ທີ່ສາງເຄື່ອງ ອຸປະໂພກ ແລະ ບໍລິໂພກ ຂອງກະຊວງແຮງງານ ແລະ ສະຫວັດດີການສັງຄົມ ໃນວັນ ທີ 10 ສິງຫານີ້. ທ່ານ ນາງ ໃບຄຳ ຂັດທິ ຍະ ຮອງລັດຖະມົນຕີກະຊວງ ແຮງງານ ແລະ ສະຫວັດດີ ການສັງຄົມ ໄດ້ລາຍງານໃຫ້ຮູ້ ວ່າ: ເຄື່ອງອຸປະໂພກ ແລະ ບໍລິໂພກ ທີ່ໄດ້ຮັບຈາກການບໍ ລິຈາກທັງພາຍໃນ ແລະ ຕ່າງ ປະເທດ ໂດຍຜ່ານກະຊວງ ແຮງງານ ແລະ ສະຫວັດດີການ ສັງຄົມ ແມ່ນໄດ້ເອົາມາເກັບ ໄວ້ໃນສາງ ເພື່ອຄັດແຍກວ່າ ອັນໃດທີ່ໃຊ້ໄດ້ ແລະ ອັນໃດ ທີ່ໃຊ້ບໍ່ໄດ້, ພາຍຫຼັງທີ່ໄດ້ຄັດ ແຍກແລ້ວ ອັນທີ່ໃຊ້ໄດ້ກໍໄດ້ ສົ່ງໄປຊ່ວຍເຫຼືອຜູ້ປະສົບໄພ ພິບັດຢູ່ບັນດາແຂວງທີ່ຖືກຜົນ ກະທົບ ໂດຍສະເພາະແມ່ນ ແຂວງອັດຕະປື ແລະ ແຂວງ ອື່ນໆ. ສຳລັບເງິນບໍລິຈາກມາ ຮອດປັດຈຸບັນນີ້ ຍອດບໍລິ ຈາກເປັນເງິນກີບມີ 17 ຕື້ກວ່າ ກີບ, ເງິນບາດມີ 27 ລ້ານກວ່າ ບາດ ແລະ ເງິນໂດລາ 12 ລ້ານ ກວ່າໂດລາ. ທ່ານຮອງນາຍົກລັດຖະ ມົນຕີ ຍັງໄດ້ເນັ້ນໜັກຫຼາຍບັນ ຫາກ່ຽວກັບລະບົບການເກັບ ມ້ຽນເຄື່ອງດັ່ງກ່າວ ເປັນຕົ້ນ ຕ້ອງປັບປຸງສາງໃຫ້ທັນສະໄໝ ເພື່ອເກັບມ້ຽນເຄື່ອງອຸປະໂພກ- ບໍລິໂພກ, ເກັບເປັນແຕ່ລະຊະ ນິດ ຫຼື ເກັບເປັນລ໋ອກໃຜ ລ໋ອກມັນ ເພື່ອສະດວກໃນການ ຊອກຫາ ແລະ ການຈັດສົ່ງ ແມ່ນໃຫ້ປະສານສົມທົບກັບ ຫຼາຍພາກສ່ວນ ທັງພາກລັດ, ພາກເອກະຊົນ, ພາກວິສາຫະ ກິດ ແລະ ພາກທຸລະກິດທີ່ມີ ຄວາມສະດວກທີ່ມີຈຸດປະສົງ ທີ່ຈະຊ່ວຍໃນການຂົນສົ່ງ. ສຳລັບການຂົນສົ່ງປັດຈຸບັນນີ້ ແມ່ນອາໄສແຕ່ການຂົນສົ່ງ ທາງອາກາດ ແລະ ທາງລົດ ຈາກກຳລັງປ້ອງກັນປະເທດ ໄປທາງພາກເໜືອ, ພາກກາງ ແລະ ພາກໃຕ້.