ສຳເລັດກອງປະຊຸມສະພາບໍລິຫານ ທະນາຄານ ແຫ່ງ ສປປ ລາວ


...

12.08.2018 19:06     

   ກອງປະຊຸມສະພາບໍລິ ຫານທະນາຄານ ແຫ່ງ ສປປ ລາວ ຄັ້ງທີ I ປະຈຳປີ 2018 ໄດ້ຈັດຂຶ້ນໃນວັນທີ 9 ສິງຫາ ຜ່ານມາ ທີ່ຫ້ອງປະຊຸມທະນາ ຄານແຫ່ງ ສປປ ລາວ ນະ ຄອນຫຼວງວຽງຈັນ ໂດຍພາຍ ໃຕ້ການເປັນປະທານຂອງ ທ່ານ ສົມດີ ດວງດີ ຮອງນາຍົກ ລັດຖະມົນຕີ ລັດຖະມົນຕີກະ ຊວງການເງິນ ປະທານສະພາ ບໍລິຫານທະນາຄານແຫ່ງ ສປປ ລາວ. ພ້ອມນີ້ ກໍມີຮອງປະ ທານບັນດາກຳມະການສະ ພາບໍລິຫານ ທະນາຄານ ແຫ່ງ ສປປ ລາວ ແລະ ພາກສ່ວນ ກ່ຽວຂ້ອງເຂົ້າຮ່ວມ. ກອງປະຊຸມຄັ້ງນີ້ ໄດ້ເປີດ ຂຶ້ນໃນທ່າມກາງບັນຍາກາດທີ່ ທົ່ວພັກ, ທົ່ວກຳລັງປະກອບອາ ວຸດ ແລະ ທົ່ວປວງຊົນ ທີ່ໄດ້ ພ້ອມກັນສືບຕໍ່ຈັດຕັ້ງຜັນຂະ ຫຍາຍມະຕິກອງປະຊຸມໃຫຍ່ ຄັ້ງທີ X ຂອງພັກ, ແຜນພັດທະ ນາເສດຖະກິດ-ສັງຄົມແຫ່ງ ຊາດ 5 ປີຄັ້ງທີ VIII, ການຈັດ ຕັ້ງປະຕິບັດມະຕິກອງປະຊຸມ ສະໄໝສາມັນ ເທື່ອທີ 5 ຂອງ ສະພາແຫ່ງຊາດ ຊຸດທີ VIII. ພ້ອມນີ້ ກໍເປັນການສ້າງຜົນ ງານຂ່ຳນັບຮັບຕ້ອນວັນສ້າງ ຕັ້ງທະນາຄານ ແຫ່ງ ສປປ ລາວ ຄົບຮອບ 50 ປີ ແລະ ສິ່ງສຳຄັນກໍແມ່ນທົ່ວທັງຊາດ ກໍຄືຂະແໜງການທະນາຄານ ໄດ້ພ້ອມກັນອວ່າຍໜ້າໃຫ້ການ ຊ່ວຍເຫຼືອແກ່ຜູ້ປະສົບໄພນ້ຳ ຖ້ວມໃນຫຼາຍພື້ນທີ່ຂອງປະ ເທດ ໂດຍສະເພາະແມ່ນໄດ້ ໃຫ້ການຊ່ວຍເຫຼືອແກ່ປະຊາ ຊົນຫຼາຍບ້ານຂອງເມືອງສະ ໜາມໄຊ ແຂວງອັດຕະປື. ກອງປະຊຸມສະພາບໍລິ ຫານທະນາຄານ ແຫ່ງ ສປປ ລາວ ຄັ້ງທີ I ປະຈຳປີ 2018 ຍັງໄດ້ພ້ອມກັນຄົ້ນຄວ້າພິຈາ ລະນາບົດລາຍງານການເຄື່ອນ ໄຫວວຽກງານທະນາຄານປີ 2017, ການຈັດຕັ້ງປະຕິບັດ 5 ເດືອນຕົ້ນປີ 2018 ຊຶ່ງປະກອບ ດ້ວຍການຈັດຕັ້ງປະຕິບັດແຜນ ເງິນຕາ, ການປະຕິບັດລາຍຮັບ -ລາຍຈ່າຍ ແລະ ການກໍ່ສ້າງ ພື້ນຖານໂຄງລ່າງ ແລະ ປະ ກອບວັດຖຸເຕັກນິກ. ພ້ອມນັ້ນ ກໍມີບາງເອກະສານສຳຄັນຕໍ່ ກັບວຽກງານພະນັກງານຂອງ ທະນາຄານ ແຫ່ງ ສປປ ລາວ. ທ່ານຮອງນາຍົກລັດຖະ ມົນຕີ ປະທານສະພາບໍລິຫານ ທະນາຄານແຫ່ງ ສປປ ລາວ ໄດ້ຕີລາຄາສູງຕໍ່ການຊີ້ນຳ-ນຳ ພາຂອງຄະນະພັກ-ຄະນະຜູ້ ວ່າການທະນາຄານ ແຫ່ງ ສປປ ລາວ ໃນໄລຍະຜ່ານມາ ໂດຍ ໄດ້ເອົາໃຈໃສ່ໃນການຈັດຕັ້ງ ປະຕິບັດບັນດານະໂຍບາຍ ແລະ ມາດຕະການຕ່າງໆ ເພື່ອ ຮັກສາສະຖຽນລະພາບເງິນຕາ ແຫ່ງຊາດ ແລະ ຄວາມເຂັ້ມ ແຂງຂອງລະບົບທະນາຄານ ແລະ ສະຖາບັນການເງິນໃຫ້ ໝັ້ນທ່ຽງ ແລະ ຈັດຕັ້ງປະຕິບັດ ວຽກງານອື່ນໆ ຕາມທິດຊີ້ນຳ ຂອງສະພາບໍລິຫານດ້ວຍ ຄວາມເປັນເຈົ້າການ ແລະ ຮັບ ຜິດຊອບສູງ ຊຶ່ງມີຜົນສຳເລັດ ເປັນຢ່າງດີ, ອັນພົ້ນເດັ່ນຍັງ ສືບຕໍ່ຮັກສາສະຖຽນລະພາບ ເງິນຕາແຫ່ງຊາດໄວ້ໄດ້ຢ່າງ ໝັ້ນທ່ຽງ, ອັດຕາເງິນເຟີ້ຢູ່ໃນ ລະດັບໜຶ່ງໂຕເລກຕ່ຳກວ່າອັດ ຕາການຂະຫຍາຍຕົວຂອງ ເສດຖະກິດ, ອັດຕາແລກປ່ຽນ ມີຄວາມສະຫງົບໂດຍພື້ນຖານ, ລະບົບທະນາຄານມີການພັດ ທະນາ ແລະ ຂະຫຍາຍຕົວ ຢ່າງຕໍ່ເນື່ອງ ອັນໄດ້ປະກອບ ສ່ວນເຂົ້າໃນການພັດທະນາ ເສດຖະກິດ-ສັງຄົມ ຕາມແນວ ທາງນະໂຍບາຍທີ່ ພັກ ແລະ ລັດຖະບານ ໄດ້ກຳນົດໄວ້. (ຂ່າວ-ພາບ: ຣັດສະໝີ ດວງສັດຈະ)