ຊັກທຸງອາຊຽນຂຶ້ນເສົາ ສະຫຼອງ 51 ປີ ແຫ່ງການສ້າງຕັ້ງອາຊຽນ


...

12.08.2018 19:06     

   ທ່ານ ສະເຫຼີມໄຊ ກົມມະ ສິດ ລັດຖະມົນຕີກະຊວງການ ຕ່າງປະເທດ ແຫ່ງ ສປປ ລາວ ໄດ້ເປັນປະທານໃນພິທີຊັກທຸງ ອາຊຽນຂຶ້ນເສົາ ເພື່ອສະເຫຼີມ ສະຫຼອງໂອກາດຄົບຮອບ 51 ປີ ແຫ່ງການສ້າງຕັ້ງອາຊຽນ (8 ສິງຫາ 1967 - 8 ສິງຫາ 2018) ແລະ ຄົບຮອບ 21 ປີ ສປປ ລາວ ເຂົ້າເປັນສະມາຊິກອາຊຽນ (23 ກໍລະກົດ 1997 - 23 ກໍລະກົດ 2018) ຈັດຂຶ້ນໃນວັນທີ 10 ສິງຫາຜ່ານມາ ທີ່ກະຊວງການ ຕ່າງປະເທດ ໂດຍມີບັນດາ ລັດຖະມົນຕີທັງສາມເສົາຄ້ຳ ປະຊາຄົມອາຊຽນ, ຮອງລັດຖະ ມົນຕີ, ເອກອັກຄະລັດຖະທູດ ຂອງປະເທດສະມາຊິກອາ ຊຽນ ແລະ ປະເທດຄູ່ເຈລະຈາ ຂອງອາຊຽນ ປະຈຳ ສປປ ລາວ, ມີພາກສ່ວນກ່ຽວຂ້ອງ ເຂົ້າຮ່ວມ. ໃນພິທີເປີດ, ທ່ານ ສະ ເຫຼີມໄຊ ກົມມະສິດ ໄດ້ຢ້ຳເຖິງ ຜົນສຳເລັດຂອງອາຊຽນໃນໄລ ຍະກວ່າເຄິ່ງສະຕະວັດທີ່ຜ່ານ ມາ ແລະ ເຖິງແມ່ນວ່າ ຈະມີຂໍ້ ຈຳກັດ ແລະ ສິ່ງທ້າທາຍຕ່າງໆ ແຕ່ພາກພື້ນ ແລະ ປະຊາຊົນ ຂອງພວກເຮົາ ກໍໄດ້ຢູ່ຮ່ວມກັນ ຢ່າງມີສັນຕິພາບ ແລະ ສະຖຽນ ລະພາບ ກໍຄືໝາກຜົນຂອງການ ຮ່ວມມືທີ່ຮັດແໜ້ນລະຫວ່າງ ບັນດາປະເທດສະມາຊິກອາ ຊຽນ ແລະ ລະຫວ່າງອາຊຽນ ກັບປະເທດເພື່ອນມິດທົ່ວໂລກ ໂດຍສະເພາະແມ່ນປະເທດຄູ່ ເຈຈະຈາ. "ອາຊຽນ ໃນປັດຈຸບັນ ເປັນໜຶ່ງໃນອົງການຈັດຕັ້ງ ພາກພື້ນທີ່ປະສົບຜົນສຳເລັດ ທີ່ສຸດໃນໂລກທີ່ມີການເປີດ ກວ້າງສູ່ພາຍນອກ ແລະ ມີບົດ ບາດສຳຄັນໃນໂຄງສ້າງພາກ ພື້ນທີ່ເປີດກວ້າງ ແລະ ກວມ ລວມໂດຍມີອາຊຽນເປັນໃຈ ກາງ ສປປ ລາວ ມີຄວາມພາກ ພູມໃຈທີ່ໄດ້ເປັນສ່ວນໜຶ່ງໃນ ຄອບຄົວອາຊຽນ ແລະ ຂອບ ໃຈຕໍ່ການຊ່ວຍເຫຼືອ, ສະໜັບ ສະໜູນ ແລະ ຮ່ວມມືຂອງບັນ ດາປະເທດສະມາຊິກອາຊຽນ ແລະ ທຸກຄູ່ຮ່ວມມືຂອງອາຊຽນ ທີ່ໄດ້ເຮັດໃຫ້ ສປປ ລາວ ສາ ມາດປະຕິບັດຄວາມໝາຍໝັ້ນ ຂອງຕົນໃນຖານະປະເທດສະ ມາຊິກຕະຫຼອດໄລຍະ 2 ທົດ ສະວັດຜ່ານມາ. ທ່ານ ສະເຫຼີມໄຊ ກົມ ມະສິດ ຍັງໄດ້ສະແດງຄວາມ ຂອບໃຈຕໍ່ການສະໜັບສະໜູນ ຢ່າງລົ້ນເຫຼືອ, ການຊ່ວຍເຫຼືອ ຢ່າງທັນການ ແລະ ຄວາມພະ ຍາຍາມໃນການຊ່ວຍບັນເທົາ ທຸກ ໃຫ້ແກ່ ສປປ ລາວ ໂດຍ ບັນດາປະເທດສະມາຊິກອາ ຊຽນ ກໍຄື ສູນປະສານງານອາ ຊຽນ ເພື່ອການຊ່ວຍເຫຼືອທາງ ດ້ານມະນຸດສະທຳໃນການຄຸ້ມ ຄອງໄພພິບັດ (ສູນ AHA), ຄູ່ ຮ່ວມເຈລະຈາອາຊຽນ, ບັນດາ ປະເທດເພື່ອນມິດ ແລະ ອົງ ການຈັດຕັ້ງສາກົນຕ່າງໆ ຕໍ່ ເຫດການໄພນ້ຳຖ້ວມທີ່ເກີດ ຈາກຄູກັ້ນນ້ຳເຂື່ອນເຊປຽນ- ເຊນ້ຳນ້ອຍພັງຢູ່ແຂວງອັດຕະ ປື ສິ່ງດັ່ງກ່າວ ແມ່ນສະທ້ອນ ໃຫ້ເຫັນເຖິງຄວາມສາມັກຄີ, ຄວາມເອົາໃຈໃສ່ ແລະ ຄວາມ ໂອບເອື້ອອາລີກັນພາຍໃນຄອບ ຄົວອາຊຽນ ກໍຄື ອາຊຽນບວກ ກັບຄູ່ຮ່ວມຈາກພາຍນອກ. ສະມາຄົມບັນດາປະຊາ ຊາດອາຊີຕາເວັນອອກສ່ຽງໃຕ້ (ຫຼື ອາຊຽນ) ສ້າງຕັ້ງຂຶ້ນໃນວັນ ທີ 8 ສິງຫາ 1967 ຊຶ່ງປັດຈຸບັນ ປະກອບມີ ປະເທດສະມາຊິກ ທັງໝົດ 10 ປະເທດ ໄດ້ແກ່ ບຣູໄນ, ກຳປູເຈຍ, ອິນໂດເນ ເຊຍ, ສປປ ລາວ, ມາເລເຊຍ, ມຽນມາ, ຟິລິບປິນ, ສິງກະໂປ, ໄທ ແລະ ຫວຽດນາມ. (ຂ່າວ: ກົມອາຊຽນ, ພາບ: ພູວຽງຄຳ)