ໃນຍຸກແຫ່ງການເຊື່ອມໂຍງສື່ມວນຊົນລາວ ໄດ້ມີໂອກາດພັດທະນາຕົນເອງ


...

12.08.2018 19:10     

   ທ່ານ ສະຫວັນຄອນ ຣາຊ ມຸນຕຣີ ຮອງລັດຖະມົນຕີກະ ຊວງຖະແຫຼງຂ່າວ, ວັດທະນະ ທຳ ແລະ ທ່ອງທ່ຽວ (ຖວທ) ທັງເປັນປະທານສະມາຄົມນັກ ຂ່າວ ແຫ່ງ ສປປ ລາວ ໄດ້ ຕອບສຳພາດ 4 ຄຳຖາມຂອງ ສື່ມວນຊົນລາວ ເມື່ອຕອນບ່າຍ ຂອງວັນທີ 10 ສິງຫາຜ່ານມາ ທີ່ກະຊວງ ຖວທ ເນື່ອງໃນໂອ ກາດລະນຶກວັນສື່ມວນຊົນລາວ ແລະ ການພິມຈຳໜ່າຍລາວ ຄົບຮອບ 68 ປີ (13/8/1950- 13/8/2018). ຄຳຖາມ1: ໃນຍຸກແຫ່ງການເຊື່ອມໂຍງກັບສາ-ກົນ ແລະ ພາກພື້ນ ທ່ານເຫັນວ່າສື່ມວນຊົນລາວ ເປັນແນວໃດ? ຕອບ: ໃນນາມຂ້າ-ພະ-ເຈົ້າ ເປັນຜູ້ຊີ້ນຳ ແລະ ເຮັດວຽກມະ-ຫາພາກດ້ານສື່ມວນຊົນ ສາ-ມາດຢັ້ງ -ຢືນໄດ້ວ່າ: ໃນຍຸກໂລ-ກາພິວັດສື່ມວນຊົນລາວ ໄດ້ມີໂອ-ກາດພັດ-ທະ-ນາຕົນເອງໃນທຸກດ້ານ, ຍ້ອນໄດ້ຮັບຜົນປະ-ໂຫຍດຈາກການເຊື່ອມໂຍງຈາກສາ-ກົນ ແລະ ພາກພື້ນ. ຜົນປະ-ໂຫຍດຫຼັກທີ່ໄດ້ຮັບແມ່ນ ໜຶ່ງ, ສື່ມວນຊົນລາວ ໄດ້ຮັບການພັດ-ທະ-ນາໃນ ການນຳໃຊ້ເຄື່ອງ-ມືອຸ-ປະ-ກອນທີ່ທັນສະໄໝ. ສອງ, ບຸກຄະ-ລາກອນສື່ມວນຊົນ ໄດ້ພັດ-ທະ-ນາຕົນເອງມີຄວາມຮູ້, ຄວາມສາ-ມາດດ້ານວິ-ຊາຊີບໃນລະ-ດັບດີ ແລະ ມີໂອ-ກາດໄດ້ເຂົ້າຮ່ວມເວ-ທີປຶກ-ສາຫາ-ລືຖອດຖອນບົດຮຽນ ແລະ ຄວາມຮູ້ໃນວຽກງານຂອງຕົນ ໃນພາກ ພື້ນ ແລະ ສາກົນ. ສັງລວມແລ້ວ, ໃນຍຸກແຫ່ງການເຊື່ອມໂຍງ ສື່ມວນຊົນລາວ ໄດ້ມີຄວາມພ້ອມໃນການປະ-ຕິ-ບັດ ໜ້າ-ທີ່ຮັບໃຊ້ພາ-ລະ-ກິດປົກປັກຮັກ-ສາ ແລະ ພັດ-ທະ-ນາປະ-ເທດຊາດໃນໄລ-ຍະໃໝ່ ຕາມພາ-ລະບົດ-ບາດຂອງສື່ ທີ່ກົດ-ໝາຍວ່າດ້ວຍສື່ມວນຊົນໄດ້ລະ-ບຸໄວ້. ໃນນັ້ນ ໄດ້ມີການລາຍງານຂ່າວສະ-ພາບພາຍໃນປະ-ເທດໃຫ້ສາ-ກົນ ແລະ ພາກພື້ນ ໄດ້ຮັບຮູ້, ເຂົ້າ-ໃຈຢ່າງຖືກ-ຕ້ອງວ່າ ປະ-ເທດຊາດຂອງພວກເຮົາ ມີການພັດ-ທະ-ນາໄດ້ຮັບຜົນ-ສຳ-ເລັດໃນແຕ່ ລະດ້ານ, ໃນແຕ່ລະປີ, ໃນແຕ່ລະໄລຍະ. ຈາກການສື່-ສານຜ່ານສື່ເຮົາ ປະ-ເທດເພື່ອນມິດ ກໍເຂົ້າ-ໃຈປະ-ເທດເຮົາ ໃນການພັດ-ທະ-ນາດີຂຶ້ນ. ພ້ອມດຽວກັນນັ້ນ ກໍມີຄວາມສາ-ມາດໃນການຊີ້ແຈງອະ-ທິ-ບາຍຕໍ່ຄວາມບໍ່ເຂົ້າ-ໃຈກ່ຽວກັບວັດ-ທະ-ນະທຳ-ສັງ-ຄົມ, ລະ-ບອບການ-ເມືອງຂອງປະ-ເທດເຮົາ, ທັງສາ-ມາດຕອບໂຕ້ ການໂຄ-ສະ-ນາ ໃສ່ຮ້າຍປ້າຍສີບິດເບືອນທັບຖົມປະ-ເທດຂອງພວກເຮົາໃນລະ-ດັບທີ່ແນ່ນອນ. ນອກ -ຈາກປະ-ຊາ-ຊົນລາວບັນ-ດາ-ເຜົ່າໃນຂອບເຂດທົ່ວປະ-ເທດ ໄດ້ມີຄວາມເຊື່ອໝັ້ນຕໍ່ການນຳ-ພາຂອງພັກ ແລະ ລັດ-ຖະ-ບານເຮົາ ໃນພາ -ລະ-ກິດປົກປັກຮັກ-ສາ ແລະ ສ້າງ-ສາປະ-ເທດຊາດແລ້ວ, ບັນ-ດາປະ-ເທດເພື່ອນມິດ ກໍໄດ້ໃຫ້-ການສະ-ໜັບ-ສະ-ໜູນປະ-ເທດເຮົາ ນັບມື້ນັບຫຼາຍຂຶ້ນ. ນີ້ກໍໝາຍຄວາມວ່າ ສື່ມວນຊົນພວກເຮົາ ໄດ້ເຮັດໜ້າ-ທີ່ເປັນຂົວຕໍ່ຢູ່ພາຍໃນປະ-ເທດຢ່າງຖືກ-ຕ້ອງ ແລະ ກັບບັນ-ດາປະ-ເທດຢູ່ພາກພື້ນ ແລະ ສາກົນ. ຕົວ-ຢ່າງກໍ-ລະ-ນີເກີດໄພ-ພິ-ບັດນ້ຳຖ້ວມຢູ່ເມືອງສະ-ໜາມໄຊ ແຂວງອັດຕະປື, ພໍແຕ່ໄດ້ຮັບຂ່າວຈາກສື່ມວນຊົນລາວ, ປະ-ເທດເພື່ອນມິດ ກໍໄດ້ສະ-ແດງຄວາມເຫັນ-ໃຈ ແລະ ກຽມ-ພ້ອມໃຫ້-ການຊ່ວຍ-ເຫຼືອຜູ້ປະ-ສົບໄພ-ພິ-ບັດໃນຄັ້ງນີ້. ຄຳຖາມທີ 2: ໃນການປະ-ຕິ-ບັດໜ້າ-ທີ່ສື່ມວນຊົນຂອງພວກເຮົາ ທ່ານເຫັນວ່າເປັນຄືແນວ-ໃດ? ຕອບ: ສື່ມວນຊົນລາວມີການ-ເຄື່ອນ-ໄຫວປະ-ຕິ-ບັດໜ້າ-ທີ່ໃນເງື່ອນ-ໄຂທີ່ສະ-ດວກ,ຍ້ອນພວກເຮົາ ມີພັກນຳ-ພາ,ມີມະ-ຕິຂອງກົມການເມືອງສູນກາງພັກກ່ຽວກັບການເພີ່ມທະ-ວີການນຳ-ພາຂອງພັກ ແລະ ການຄຸ້ມຄອງຂອງລັດຕໍ່ສື່ມວນຊົນໃນໄລ-ຍະໃໝ່,ນອກນັ້ນພວກເຮົາຍັງມີກົດ-ໝາຍວ່າດ້ວຍສື່ມວນຊົນ ແລະ ນິ-ຕິກຳອື່ນໆ,ຊຶ່ງເປັນບ່ອນອີງໃຫ້ແກ່ສື່ມວນຊົນລາວ ໃນການປະ-ຕິ-ບັດໜ້າ-ທີ່ຂອງຕົນໃຫ້ມີຜົນສຳເລັດ.ສື່ມວນຊົນລາວມີຄວາມສາ-ມາດ,ມີຄວາມພ້ອມ ແລະ ພັດ-ທະ-ນາໄປທັນກັບຍຸກແຫ່ງການເຊື່ອມໂຍງໃນປັດ-ຈຸ-ບັນພວກເຮົາເຮັດການສື່-ສານ,ເປັນຜູ້ຜະລິດແຈກຢາຍຂໍ້ມູນຂ່າວ-ສານຜ່ານຊ່ອງທາງຕ່າງໆດ້ວຍຄວາມຫຼາກຫຼາຍຂອງຜະ-ລິດຕະພັນ ໂດຍສາ-ມາດເວົ້າໄດ້ວ່າ: ທຸກສື່ ດ້ານດີແມ່ນມີຄວາມສາ-ມາດປັັບຕົນເອງ, ຮູ້ນຳໃຊ້ເຄື່ອງ-ມື,ເຕັກໂນໂລຊີຂໍ້ມູນຂ່າວ-ສານ ແລະ ການສື່-ສານທີ່ທັນສະ-ໄໝໄປເລື້ອຍໆ ທັງສາ-ມາດຂະ-ຫຍາຍການຜະ-ລິດຂອງຕົນໄດ້ຫຼາຍກວ່າເກົ່າ ໃນນັ້ນສື່ເກົ່າທີ່ມີແລ້ວກໍໄດ້ປັບຕົນເອງໃຫ້ທັນກັບການປ່ຽນ-ແປງ ເຊັ່ນວ່າ: ໂທ-ລະ-ພາບ, ວິ-ທະ-ຍຸ ໄດ້ມີຫຼາຍລາຍ-ການເພີ່ມຂຶ້ນ ທັງສື່ສິ່ງພິມກໍມີຫຼາຍຄໍລຳທີ່ຕິດພັນກັບການເຊື່ອມໂຍງ ແລະ ຕິດພັນກັບຄວາມສົນ-ໃຈຂອງສັງ-ຄົມ. ຂ້າ-ພະເຈົ້າຢາກເນັ້ນຕື່ມວ່າ-ການປັບຕົວຂອງສື່ມວນຊົນກ່ອນອື່ນໝົດຕ້ອງແມ່ນຄວາມໄວຂອງຂ່າວເຫດ-ການທີ່ເກີດຂຶ້ນໃນສັງ-ຄົມ ທັງພາຍໃນ ແລະ ຕ່າງ-ປະ-ເທດ ຕ້ອງໄດ້ລາຍງານໃຫ້ສັງ-ຄົມຮັບຮູ້ທັນການຫາກເຫດ-ການເດັ່ນເກີດຂຶ້ນໄດ້ຫຼາຍມື້ແລ້ວຈຶ່ງອອກຂ່າວແມ່ນຊ້າເກິນໄປຄົນບໍ່ຢາກອ່ານກາຍ-ເປັນຂ່າວເກົ່າບໍ່ຕ່າງຫຍັງກັບອາ-ຫານບູດແລ້ວໃຜຈະຢາກກິນ ເພາະສະ-ນັ້ນອອກຂ່າວຕ້ອງໃຫ້ທັນກັບສະ-ພາບການ. ບັນ-ຫາທີສອງທີ່ຈະຕ້ອງໄດ້ປັບຕົວຄືດຽວ-ນີ້ ຄົນມີເວ-ລາໜ້ອຍໃນການອ່ານ, ຟັງ ຫຼື ເບິ່ງ ຍ້ອນມີວຽກຫຼາຍ, ເພາະ-ສະ-ນັ້ນການຂຽນຂ່າວ, ວັກທຳອິດຕ້ອງໃຫ້ຄົນອ່ານເຂົ້າໃຈໂລດ. ຜ່ານມາ ບາງຂ່າວອ່ານຮອດ 2-3 ວັກ ກໍຍັງບໍ່ທັນເຂົ້າໃຈວ່າຢາກເວົ້າຫຍັງ. ເພາະສະນັ້ນດ້ານເນື້ອໃນຂ່າວຕ້ອງໄດ້ປັບ-ປຸງ, ນອກນັ້ນ ຮູບການ ແລະ ເນື້ອໃນຕ້ອງໄດ້ເພີ່ມປະ-ລິ-ມານຂຶ້ນ ໃນແຕ່ລະປີ, ມີຊ່ອງທາງໃໝ່ໃນລະ-ບົບສື່ຂອງຕົນເອງ, ເພື່ອເຮັດໃຫ້ຂໍ້ມູນຂ່າວ-ສານທີ່ໄດ້ຜະ-ລິດອອກມາໄດ້ໄປເຖິງຜູ້ຊົມ-ໃຊ້ວ່ອງ-ໄວທັນເຫດ-ການເຊັ່ນ: ໜັງ-ສື-ພິມ ແລະ ວິ-ທະ-ຍຸ ກໍໄດ້ມີເວບໄຊ ເປັນຂອງຕົນເອງ ສະເພາະດ້ານ ເນື້ອໃນທຸກປະເພດສື່ຂອງພວກເຮົາ ມີຄວາມຈຳເປັນຕ້ອງໄດ້ເພີ່ມໜ້າ ກໍຄືລາຍການທີ່ສົ່ງເສີມຄ່ານິຍົມຂອງຊາດ ກໍຄືເອກະລັກ, ວັດທະນະທຳ ແລະ ແບບແຜນດຳລົງຊີວິດຂອງຄົນ. ຄຳຖາມທີ 3: ຕໍ່ວຽກງານພັດ-ທະ-ນາສື່ມວນຊົນພາກເອ-ກະຊົນທ່ານເຫັນວ່າເປັນຄືແນວ-ໃດ? ຕອບ: ພັກ ແລະ ລັດ-ຖະ-ບານລາວເຫັນໄດ້ຄວາມສໍາຄັນຂອງພາກເອ-ກະຊົນທີ່ມີສ່ວນຮ່ວມໃນການພັດ-ທະ-ນາສື່ມວນຊົນ. ຍ້ອນແນວນັ້ນຈຶ່ງອະ-ນຸ-ຍາດດ້ວຍກົດ-ໝາຍໃຫ້ເອ-ກະຊົນດຳ-ເນີນວຽກງານສື່ມວນຊົນເພື່ອແນ-ໃສ່ພັດ-ທະ-ນາວຽກງານສື່ຂອງລັດ ແລະ ສື່ຂອງເອ-ກະຊົນໃຫ້ຄຽງຄູ່ກັນໄປ. ຈາກການແຂ່ງ-ຂັນເຮັດໃຫ້ທຸກພາກ-ສ່ວນສື່ມວນຊົນມີການຂະ-ຫຍາຍ-ຕົວ ແລະ ໄດ້ປັບ-ປຸງຕົນເອງໃຫ້ທັນກັບການປ່ຽນແປງ. ສັງ-ຄົມກໍຮຽກ-ຮ້ອງໃຫ້ທຸກສື່ໄດ້ພັດ-ທະ-ນາຕົນເອງຫຼາຍຂື້ນ, ທັງປະ-ຕິ-ບັດຢ່າງຖືກ -ຕ້ອງຕາມກົດ-ໝາຍວ່າດ້ວຍສື່ມວນຊົນທີ່ໄດ້ລະ-ບຸໄວ້ຢ່າງເຂັ້ມງວດ. ຢາກເນັ້ນຕື່ມອີກວ່າ: ຜະ-ລິດຕະພັນສື່ແມ່ນຜະ-ລິດຕະພັນພິ-ເສດທີ່ມີຄຸນ-ຄ່າ, ເພາະ-ສະ-ນັ້ນເພື່ອການຄົງຕົວ ແລະ ຂະ-ຫຍາຍ-ຕົວມັນມີຄວາມຈຳ-ເປັນຕ້ອງມີຄຸນນະພາບ ແລະ ການຕະ-ຫຼາດທີ່ດີ ເພື່ອຮັກ-ສາໄດ້ຜູ້ອ່ານ,ຜູ້ຟັງ ແລະ ຜູ້ຊົມ ໃນລະ-ດັບທີ່ແນ່ນອນ. ຄຳຖາມທີ 4: ການສ້າງບຸກຄະ-ລາກອນສື່ ທ່ານຄິດວ່າໃນ-ຕໍ່-ໜ້າ ຄວນເຮັດແນວ-ໃດ? ຕອບ: ພວກເຮົາຕ້ອງເຂົ້າ-ໃຈວ່າ; ຫາກພວກເຮົາມີບຸກຄະ-ລາກອນດ້ານສື່ມວນຊົນ ທີ່ມີຄຸນນະພາບຜະ-ລິດຕະພັນສື່ ທີ່ຜະ-ລິດອອກມາກໍຍ່ອມມີຄຸນນະພາບ. ເພາະ-ສະ-ນັ້ນ ໃນປັດ-ຈຸ-ບັນກໍຄືໃນ-ຕໍ່-ໜ້າ ຕ້ອງໄດ້ສືບ-ຕໍ່ເອົາ-ໃຈ-ໃສ່ສ້າງຊັບ-ພະ-ຍາ-ກອນມະ-ນຸດດ້ານສື່ ໃຫ້ມີຄຸນນະພາບສູງຂຶ້ນໄປເລື້ອຍໆ. ໃນນັ້ນ ຕ້ອງໃຫ້ມີການບໍ-ລິ-ຫານຈັດ-ການທີ່ຄ່ອງຕົວ, ຕອບສະ-ໜອງແກ່ການເຮັດວຽກໃຫ້ສົມຄູ່ກັບວຽກທີ່ໄດ້ຮັບການມອບໝາຍໃຫ້. ກ່ອນອື່ນໝົດ, ນັກຂ່າວ, ຄົນສື່ ຕ້ອງໄດ້ສືບ-ຕໍ່ຮຽນຮູ້ໄປເລື້ອຍໆ, ທຸກບັ້ນ, ທຸກໄລ-ຍະ, ທຸກຂະ-ບວນການ ຕ້ອງໄດ້ຮຽນຮູ້ ແລະ ພັດ-ທະ-ນາຕົນເອງ ໃຫ້ທັນສະ-ພາບການ, ຕົວ-ຢ່າງຢາກລາຍງານຂ່າວບັນ-ຫາໄພ-ພິ-ບັດຢູ່ເມືອງສະ-ໜາມໄຊ ໃນສະ-ພາບນ້ຳຖ້ວມໃຫ້ໄວ ນັກຂ່າວຢູ່ໃນເຫດການ ກໍຕ້ອງຮູ້ນຳໃຊ້ພາຫະນະທີ່ທັນສະໄໝເຊັ່ນ: ມືຖືໃນການບັນ-ທຶກພາບ ແລະ ລາຍງານຂ່າວສົດໃຫ້ທັນ ການ. ຢາກຢ້ຳຕື່ມອີກວ່າ: ໃນຍຸກສັງ-ຄົມແຫ່ງຂໍ້ມູນຂ່າວ-ສານເສດ-ຖະ-ກິດພູມປັນ-ຍາໃນປັດ-ຈຸ-ບັນ ນັກຂ່າວຜູ້ໜຶ່ງຕ້ອງສະ-ຫຼາດ ແລະ ມີຫຼາຍຄວາມສາມາດ, ຄວາມເປັນຊ່ຽວຊານ ຈຶ່ງຈະລາຍງານຂ່າວທັນສະ-ພາບການໄດ້. ໃນນັ້ນ ສື່ມວນຊົນ ຕ້ອງມີຄວາມຮູ້ດ້ານພາສາຕ່າງປະເທດ ໃນລະດັບທີ່ແນ່ນອນ ເປັນຕົ້ນແມ່ນພາສາອັງກິດ. ສັງລວມແລ້ວ, ສື່ມວນຊົນລາວ ໄດ້ຮັບການພັດ-ທະ-ນາມາໄດ້ລະ-ດັບໜຶ່ງແລ້ວກໍຕາມ, ແຕ່ກໍຍັງບໍ່ທັນພຽງ-ພໍ ແລະ ມີຄວາມຈຳ-ເປັນ ຕ້ອງໄດ້ບຸກບືນຕື່ມອີກ ເພື່ອໃຫ້ເປັນນັກຂ່າວມືອາ-ຊີບ ເພາະ-ວ່າຄວາມເປັນມືອາ-ຊີບຂອງສື່ ຈະສາ-ມາດປຸງແຕ່ງຂໍ້ມູນຂ່າວ-ສານທີ່ໄດ້ມາຈັບ-ໃຈຜູ້ອ່ານ, ຜູ້ຟັງ ແລະ ຜູ້ຊົມ ເພາະສະນັ້ນ ຄວນພັດທະນາສື່ມວນຊົນໃຫ້ເປັນມືອາຊີບ ເພື່ອຮັບປະກັນໃຫ້ແກ່ການປະຕິບັດໜ້າທີ່ວິຊາສະເພາະຕາມຈຸດປະສົງຂອງການພັດທະນາປະເທດຊາດ.