ໂຄສະນາອົບຮົມສູນກາງພັກ ເຊື່ອມຊຶມເອກະສານຂອງພັກ


...

...

15.08.2018 9:13     

   ຄະນະໂຄສະນາອົບຮົມ ສູນກາງພັກ ໄດ້ຈັດກອງປະຊຸມ ເຊື່ອມຊຶມມະຕິກອງປະຊຸມຄົບ ຄະນະບໍລິຫານງານສູນກາງ ພັກ ຄັ້ງທີ 6 ສະໄໝທີ X ຂອງ ພັກ, ໃນວັນທີ 14 ສິງຫານີ້ ທີ່ ສະໂມສອນຂອງຄະນະໂຄສະ ນາອົບຮົມສູນກາງພັກ ໃຫ້ກຽດ ເຜີຍແຜ່ເອກະສານໂດຍສະ ຫາຍ ກິແກ້ວ ໄຂຄຳພິທູນ ຫົວ ໜ້າຄະນະໂຄສະນາອົບຮົມ ສູນກາງພັກ, ມີພະນັກງານຫຼັກ ແຫຼ່ງ ແລະ ພາກສ່ວນກ່ຽວຂ້ອງ ເຂົ້າຮ່ວມຮັບຟັງ. ຊຶ່ງຈຸດປະສົງ ຂອງການເຜີຍແຜ່ ເພື່ອໃຫ້ພະ ນັກງານ, ສະມາຊິກພັກ, ພະ ນັກງານຫຼັກແຫຼ່ງຮັບຮູ້, ເຂົ້າໃຈ ແລະ ກຳແໜ້ນບັນຫາຢ່າງຈະ ແຈ້ງ, ເລິກເຊິ່ງ ແລະ ມີຄວາມ ເປັນເອກະພາບສູງທາງດ້ານ ທັດສະນະ ເພື່ອຫັນເປັນແຜນ ປະຕິບັດງານລະອຽດ. ກອງປະຊຸມໄດ້ຮັບຟັງ ການຕີລາຄາການຈັດຕັ້ງປະຕິ ບັດມະຕິກອງປະຊຸມຄົບຄະນະ ຂອງຄະນະບໍລິຫານງານສູນ ກາງພັກ ຄັ້ງທີ 5 ສະໄໝທີ X, ຕີລາຄາຜົນຂອງການຈັດຕັ້ງ ປະຕິບັດມະຕິກອງ ປະ ຊຸມໃຫຍ່ ຄັ້ງທີ X ຂອງພັກໃນໄລຍະ 2 ປີທີ່ຜ່ານມາ, ມະຕິຂອງຄະນະ ບໍລິຫານງານສູນກາງພັກ ປະຊາຊົນ ປະຕິວັດລາວ ວ່າ ດ້ວຍການຍົກສູງປະສິດທິພາບ ການຄຸ້ມຄອງລັດ, ຄຸ້ມຄອງສັງ ຄົມດ້ວຍກົດໝາຍ, ທິດທາງ ແລະ ໜ້າທີ່ຈຸດສຸມໃນການສືບ ຕໍ່ຈັດຕັ້ງປະຕິບັດມະຕິ X ຂອງ ພັກ ໃນຊຸມປີຕໍ່ໜ້າ, ບາງໜ້າ ທີ່ຕົ້ນຕໍທີ່ຕ້ອງສຸມໃສ່ຊີ້ນຳ-ນຳພາ ແຕ່ນີ້ເຖິງກອງປະຊຸມ ຄົບຄະນະບໍລິຫານງານ ຄັ້ງທີ 7 ສະໄໝທີ X, ການຜັນຂະ ຫຍາຍ ແລະ ຈັດຕັ້ງປະຕິບັດ ມະຕິກອງປະຊຸມຄົບຄະນະ ຄັ້ງທີ 6 ສະໄໝ ທີ X. ສະຫາຍ ກິແກ້ວ ໄຂຄຳພິທູນ ໄດ້ຍົກ ໃຫ້ເຫັນວ່າການສ້າງພັກ, ເຂັ້ມ ແຂງ ແລະ ໜັກແໜ້ນ ໂດຍສຸມ ໃສ່ຍົກລະດັບຄຸນນະພາບການ ນຳພາດ້ານແນວຄິດ-ການ ເມືອງພາຍໃນພັກ ໄປພ້ອມໆ ກັບການເພີ່ມທະວີຊີ້ນຳວຽກ ງານປະຊາສຳພັນ ໃນສັງຄົມ ໃຫ້ເຂັ້ມແຂງ ຍົກສູງຄຸນນະ ພາບວຽກງານພະນັກງານ ສຸມ ໃສ່ປັບປຸງແກ້ໄຂດ້ານຍັງຄົງ ຄ້າງໃຫ້ມີການຫັນປ່ຽນດີຂຶ້ນ ຢ່າງຈະແຈ້ງຄື: ສ້າງແຜນກຳ ນົດພະນັກງານຄືນໃໝ່ໃຫ້ ສອດຄ່ອງກັບມະຕິ ເລກທີ 032/ກມສພ, ລົງວັນທີ 3/1/ 2018 ຂອງກົມການເມືອງສູນ ກາງພັກ ບົນພື້ນຖານນັ້ນຕ້ອງ ຕັດສິນໃຈສ້າງ, ເລືອກເຟັ້ນເອົາ ພະນັກງານໜຸ່ມ ທີ່ເຕີບໃຫຍ່ ຈາກຂະບວນການຕົວຈິງ ໃນ ນັ້ນ ເອົາໃຈໃສ່ພິເສດຕໍ່ພະນັກ ງານຊົນເຜົ່າ ແລະ ເພດຍິງ ເພື່ອ ບັນຈຸເຂົ້າໃນຕຳແໜ່ງນຳພາ ຄຸ້ມຄອງແຕ່ລະຂັ້ນ. (ຂ່າວ: ແສງຈັນ)