ຫົວໜ້າຄະນະພົວພັນຕ່າງປະເທດສູນກາງພັກ ຕ້ອນຮັບທູດ ສປປ ເກົາຫຼີ ຄົນໃໝ່ ປະຈຳລາວ


...

15.08.2018 9:08     

   ສະຫາຍ ນາງ ສູນທອນ ໄຊຍະຈັກ ກຳມະການສູນກາງ ພັກ ຫົວໜ້າຄະນະພົວພັນຕ່າງ ປະເທດສູນກາງພັກ ໄດ້ຕ້ອນ ຮັບການເຂົ້າຢ້ຽມຂ່ຳນັບຂອງ ສະຫາຍ ຣີ ຢອງ ໂຊ (RI YONG CHOL) ເອກອັກຄະລັດຖະ ທູດວິສາມັນຜູ້ມີອຳນາດເຕັມ ແຫ່ງ ສປປ ເກົາຫຼີ ຄົນໃໝ່ ປະຈຳ ສປປ ລາວ ໃນວັນທີ 13 ສິງຫາຜ່ານມາ ທີ່ສຳນັກງານ ຂອງຄະນະພົວພັນຕ່າງປະ ເທດສູນກາງພັກ. ສະຫາຍ ຣີ ຢອງ ໂຊ ໄດ້ ສະແດງຄວາມຂອບໃຈຢ່າງສູງ ຕໍ່ສະຫາຍ ນາງ ສູນທອນ ໄຊ ຍະຈັກ ທີ່ໃຫ້ກຽດຕ້ອນຮັບໃນ ຄັ້ງນີ້ ແລະ ເປັນກຽດຢ່າງຍິ່ງທີ່ ໄດ້ຮັບການແຕ່ງຕັ້ງມາປະຕິ ບັດໜ້າທີ່ເປັນເອກອັກຄະລັດ ຖະທູດ ແຫ່ງ ສປປ ເກົາຫຼີ ປະ ຈຳ ສປປ ລາວ, ໄດ້ຕີລາຄາສູງ ສາຍພົວພັນຮ່ວມມື ທີ່ເປັນມູນ ເຊື້ອລະຫວ່າງສອງພັກ, ສອງ ລັດ ແລະ ປະຊາຊົນສອງຊາດ ສປປ ເກົາຫຼີ - ສປປ ລາວ ໃນ ຕະຫຼອດໄລຍະຜ່ານມາ ແລະ ໃຫ້ຄວາມໝັ້ນໝາຍວ່າ ຈະ ເຮັດສຸດຄວາມສາມາດຂອງ ຕົນ ເພື່ອຈະປະກອບສ່ວນເຂົ້າ ໃນການເສີມຂະຫຍາຍສາຍ ພົວພັນມິດຕະພາບ ແລະ ການ ຮ່ວມມືດັ່ງກ່າວ ທີ່ປະທານ ກິມ ອິນ ຊຸງ ແລະ ປະທານ ໄກສອນ ພົມວິຫານ ເປັນຜູ້ກໍ່ຕັ້ງຂຶ້ນນັ້ນໃຫ້ ນັບມື້ນັບເຕີບໃຫຍ່ຂະຫຍາຍ ຕົວຍິ່ງໆຂຶ້ນ ເພື່ອຜົນປະໂຫຍດ ຂອງສອງປະເທດກໍຄືຜົນປະ ໂຫຍດຂອງສັນຕິພາບ, ມິດຕະ ພາບ ແລະ ການຮ່ວມມືໃນພາກ ພື້ນ ແລະ ສາກົນ. ພ້ອມນັ້ນ, ສະຫາຍ ຣີ ຢອງ ໂຊ ຍັງໄດ້ ນຳເອົາສານອວຍພອນ ພ້ອມ ດ້ວຍກະຕ່າດອກໄມ້ຂອງສະ ຫາຍ ກິມ ເຈິງ ອຸນ ປະທານ ພັກແຮງງານເກົາຫຼີ ປະທານ ຄະນະກຳມາທິການກິດຈະ ການແຫ່ງລັດ ແຫ່ງ ສປປ ເກົາຫຼີ, ຜູ້ບັນຊາການສູງສຸດຂອງກອງ ທັບປະຊາຊົນເກົາຫຼີ ສົ່ງມາຍັງ ສະຫາຍ ບຸນຍັງ ວໍລະຈິດ ເລ ຂາທິການໃຫຍ່ ປະທານປະ ເທດ ແຫ່ງ ສປປ ລາວ. ໃນໂອກາດດັ່ງກ່າວ ສະ ຫາຍ ນາງ ສູນທອນ ໄຊຍະຈັກ ໄດ້ສະແດງຄວາມຍິນດີຕ້ອນ ຮັບ ແລະ ສະແດງຄວາມຊົມ ເຊີຍຕໍ່ສະຫາຍທູດຄົນໃໝ່ ທີ່ໄດ້ຖືກແຕ່ງຕັ້ງມາດຳລົງຕຳ ແໜງ ແລະ ປະຕິບັດໜ້າທີ່ການ ທູດ ຢູ່ ສປປ ລາວ ຊຶ່ງເປັນການ ປະກອບສ່ວນເສີມຂະຫຍາຍ ແລະ ຮັດແໜ້ນສາຍພົວພັນທີ່ ມີມູນເຊື້ອອັນດີງາມລະຫວ່າງ ສອງປະເທດ ສປປ ລາວ-ສປປ ເກົາຫຼີ ທີ່ເຄີຍມີມາແລ້ວນັ້ນ ໃຫ້ນັບມື້ແໜ້ນແຟ້ນຍິ່ງໆຂຶ້ນ. ຂໍສະແດງຄວາມຂອບໃຈຢ່າງ ສູງ ຕໍ່ສະຫາຍທູດ ທີ່ໄດ້ນຳເອົາ ສານອວຍພອນ ພ້ອມດ້ວຍກະ ຕ່າດອກໄມ້ຂອງການນຳສູງ ສຸດຂອງ ສປປ ເກົາຫຼີ ມາຍັງ ສະຫາຍ ບຸນຍັງ ວໍລະຈິດ ເລ ຂາທິການໃຫຍ່ປະທານ ປະ ເທດ ແຫ່ງ ສປປ ລາວ. ຫວັງ ຢ່າງຍິ່ງວ່າ ໃນການມາປະຕິ ບັດໜ້າທີ່ຢູ່ລາວ, ສະຫາຍທູດ ຣີ ຢອງ ໂຊ ຈະສືບຕໍ່ຮັດແໜ້ນ ສາຍພົວພັນມິດຕະພາບ ແລະ ການຮ່ວມມືອັນເປັນມູນເຊື້ອ ທີ່ດີງາມ ລະຫວ່າງ ສອງພັກ, ສອງລັດ ແລະ ປະຊາຊົນສອງ ຊາດ ລາວ-ສປປ ເກົາຫຼີ ທີ່ມີ ບັນດາການນຳຂັ້ນສູງສຸດຮຸ່ນ ກ່ອນໄດ້ຮ່ວມກັນສ້າງຂຶ້ນມາ ໃນຊຸມປີ 70 ນັ້ນ ໃຫ້ໄດ້ຮັບການ ເສີມຂະຫຍາຍ ແລະ ແໜ້ນ ແຟ້ນຍິ່ງໆຂຶ້ນ. ສະຫາຍ ນາງ ສູນທອນ ໄຊຍະຈັກ ໄດ້ອວຍພອນໃຫ້ ທ່ານທູດ ຈົ່ງປະສົບຜົນສຳເລັດ ໃຫຍ່ຫຼວງໃນເວລາປະຕິບັດ ໜ້າທີ່ການທູດຂອງຕົນຢູ່ ສປປ ລາວ. (ຂ່າວ: ຄຕພ)